Kigali
startimes

UCL: Mourinho yaherewe isomo mu Budage ku munsi wa nyuma w’amatsinda wahiriye ibigugu

Imyidagaduro   Yanditswe na: Dusingizimana Remy 12 December 2019 Yasuwe: 2456

Ikipe ya Bayern Munich yongeye guha isomo rya ruhago Tottenham n’umutoza wayo Jose Mourinho mu gihe andi makipe yose y’ibigugu yahiriwe n’umunsi wa nyuma w’amatsinda ya UEFA Champions League 2019/2020.



Mu itsinda A,ikipe ya Real Madrid yihimuye kuri Club Brugge yayigoye mu mukino ubanza bakanganya ibitego 2-2,aho yayitsinze ibitego 3-1 bya Rodrigo Goes,Vinicius Junior na Luka Modric.

PSG bari mu itsinda rimwe yihereranye Garatasaray iyitsinda ibitego 5-0 byatsinzwe n’ibyamamare byayo byose birimo Mauro Icardi,Pablo Sarabia,Kylian Mbappe, Neymar Jr na Edinson Cavani.PSG yarangije iri tsinda iri ku mwanya wa mbere n’amanota 16 mu gihe Real Madrid ya kabiri yagize 11.

Mu itsinda B,Jose Mourinho wari witezweho ko ari bwihimure kuri Bayern Munich yatsinze Tottenham ibitego 7-2 mu mukino ubanza,yanyagiwe n’uyu mwami w’Ubudage ibitego 3-1 byatsinzwe na Kingsley Coman,Thomas Muller na Philippe Coutinho mu gihe impozamarira ya Tottenham yatsinzwe na Ryan Sessegnon.

Muri iri tsinda ikipe ya Olympiacos yatsinze igitego 1-0 ikipe ya Crvena Zvezda.Bayern yarangije imikino y’amatsinda iyoboye n’amanota 18,ikurikiwe na Tottenham n’amanota 10 gusa.

Itsinda C ryaranzwe no kwitwara neza kwa Gabriel Jesus wafashije Manchester City kunyagira Dinamo Zagreb ibitego 4-1 birimo 3 yatsinze na kimwe cya Phil Foden.

Muri iri tsinda ikipe ya Atlanta yatunguranye isanga Shakhtar Donetsk ku kibuga cyayo iyitsinda ibitego 3-0 binayifasha kugera muri 1/16 ikurikiye Manchester City yabonye itike kare.

Mu itsinda D,ikipe ya Atletico yakoze iyo bwabaga itsinda Locomotiv Moscow ibiteg 2-0 bya Joao felix na Felipe gusa myugariro Kieran Trippier yahushije penaliti muri uyu mukino.

Cristiano Ronaldo utaherukaga kubona izamu muri iri rishunwa yakozemo amateka adasanzwe,yafashije Juventus gutsinda Bayer Leverkusen kuko mu bitego 2-0 bayitsinze ariwe watsinze igitego cya mbere hanyuma Gonzalo Huguain atsinda icya kabiri ku munota wa nyuma.

Juventus yayoyoboye iri tsinda n’amanota 16 ikurikirwa na Atletico n’amanota 10.Tombola y’uko amakipe azahura muri 1/16 iteganyijwe kuwa Mbere w’icyumweru gitaha.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Robin Van Persie yavuze abakinnyi 3 abona bakwiriye kuvamo uhabwa Ballon...

Uwahoze ari rutahizamu ukomeye muri Arsenal na Manchester United,Robin Van...
9 July 2020 Yasuwe: 1991 0

Gasogi United yahaye Kwizera Olivier iminsi 2 yo kuba yayisinyiye cyangwa...

Ikipe ya Gasogi Unitedyandikiye umunyezamu Kwizera Olivier ibaruwa imusaba...
8 July 2020 Yasuwe: 2100 0

Uwari umutoza wungirije mu ikipe ya APR FC yatandukanye na yo

Nyuma yo kunanirwa kumvikana na APR FC ku bijyanye no kuba yakongererwa...
8 July 2020 Yasuwe: 1418 0

Munyakazi Sadate yijeje abafana ko agiye kubohoza imodoka y’ikipe yafatiriwe...

Umuyobozi wa Rayon Sports Munyakazi Sadate yavuze ko we na komite ayoboye...
8 July 2020 Yasuwe: 2365 0

Diego Simeone yatangaje impamvu Real Madrid bari kuyiha penaliti nyinshi...

Umutoza wa Atletico Madrid witwa Diego Simeone yavuze ko ikipe ya Real...
8 July 2020 Yasuwe: 2243 0

Rayon Sports yasinyishije bidasubirwaho umunyezamu Kwizera Olivier

Ikipe ya Rayon Sports yemeje noneho ko yasinyishije umunyezamu Kwizera...
7 July 2020 Yasuwe: 2373 0