addresiya
Kigali
startimes

Umufaransa Antoine Griezmann yavuze ko atazongera gukinira Atletico Madrid nyuma y’imyaka 5 amaze ayikinira

Imyidagaduro   Yanditswe na: Martin Munezero 15 May 2019 Yasuwe: 2154

Umufaransa Antoine Griezmann yaraye atangaje ko uyu mwaka w’imikino wa 2018/19 nurangira azahita ava muri Atletico Madrid, nyuma y’imyaka itanu yari amaze ayikinira.



Ubutumwa busezera bwa Griezmann bugaragara ku rubuga rwa Atletico Madrid bushimangira ko uyu musore noneho agiye gusohoka muri iyi kipe, nyuma y’uko mu mwaka ushize yari yafashe icyemezo cyo kugenda bikarangira yisubiyeho ku munota wa nyuma.

Ubu butumwa buragira buti” Imyaka itanu idasanzwe ni yo yari ishize, mwarakoze cyane kuri buri kimwe, mpora mbazirikana mu mutima wanjye.”

Kuva mu mwaka ushize wa 2018, amakuru arerekeza Griezmann mu kipe ya FC Barcelona. Amakuru y’uko uyu musore ashobora kwerekeza muri iyi kipe y’i Catalunya yongeye gufata indi ntera ubwo iyi kipe yasezererwaga mu mikino ya UEFA Champions league nyuma yo kunyagirwa na Liverpool ibitego 4-0.

Mu mpeshyi y’umwaka ushize, Griezmann byari byitezwe ko ajya muri FC Barcelona, gusa afata ikemezo cyo kuguma muri Atletico Madrid nyuma y’uko yari amaze gutwarana n’u Bufaransa igikombe cy’isi.

Kuba ikipe ye ya Atletico Madrid yarasezerewe mu buryo bworoshye na Juventus muri 1/8 cya UEFA Champions league uyu mwaka, byatumye Griezmann afata ikemezo cyo kuyivamo nyuma yo gusanga nta kerekezo kiza ifite.

Mu myaka itanu yari amaze muri Atletico Madrid, yashoboye kuyitsindira ibitego 133 mu mikino 256 yayikiniye. Yashoboye gutwarana na yo ibikombe bitatu bikomeye birimo icya Europa league, Super Cup ya UEFA cyo kimwe na Super Cup ya Espagne.

Uyu mufaransa arasohokana muri Atletico Madrid na myugariro Diego Godin wari umaze igihe ari Kapiteni wayo. Uyu musore ukomoka muri Uruguay na we yatangaje ko uyu mwaka ari we wa nyuma muri iriya kipe, gusa bikaba bitaramenyekana neza aho azerekeza. Amakuru menshi aramujyana muri Internazionale yo mu Butariyani.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Bruno Fernandes yavuze amagambo asingiza bikabije Cristiano Ronaldo...

Umunya Portugal, Bruno Fernandes ukinira ikipe ya Manchester United...
27 May 2020 Yasuwe: 795 0

RIB igiye gukora iperereza ku bibazo bya ruswa no kunyereza umutungo...

Urwego rw’igihugu rw’ubugezacyaha[RIB], rugiye gutangira iperereza ku birego...
27 May 2020 Yasuwe: 1575 0

Akayabo Kiyovu Sports yahaye Kimenyi Yves agatera umugongo Rayon Sports...

Umunyezamu wa mbere w’ikipe y’igihugu,Amavubi,wari umaze umwaka mu ikipe ya...
27 May 2020 Yasuwe: 3272 1

Munyakazi Sadate na komite ye bahagaritswe ku mirimo yabo n’umuryango wa...

Umuryango wa Rayon Sports uhagarariwe na Bwana Ngarambe Charles ndetse...
25 May 2020 Yasuwe: 3010 0

Munyakazi Sadate yandikiye Perezida Kagame amusaba kumufasha gukemura...

Umuyobozi w’ikipe ya Rayon Sports,Munyakazi Sadate yandikiye Nyakubahwa...
25 May 2020 Yasuwe: 3173 0

KNC yatangaje igihe ikipe ye ya Gasogi United izatangira gukinira kuri...

Umuyobozi w’ikipe ya Gasogi United,Kakooza Nkuriza Charles uzwi nka KNC...
25 May 2020 Yasuwe: 3208 0