Kigali

Umukinnyi wa Tottenham yavuye mu kibuga ajya gukubita umufana washakaga guhohotera umuvandimwe we

Imyidagaduro   Yanditswe na: Dusingizimana Remy 5 March 2020 Yasuwe: 6175

Umukinnyi wo hagati wa Tottenham witwa Eric Dier yaciye ibintu hirya no hino ubwo yavaga mu kibuga akajya muri stade mu bafana kurwana n’umufana washakaga guhohotera umuvandimwe we mu mukino baraye basezerewe na Norwich muri FA Cup.



Mu ijoro ryakeye nibwo Eric Dier w’imyaka 26 yakoze amahano ava mu kibuga yirukira mu bafana agiye guhangana n’umufana washakaga gukubita umuvandimwe we Patrick.

Uyu mufana yashakaga gutura umujinya umuvandimwe wa Dier cyane ko bari bamaze gusezererwa kuri penaliti 3-2 na Norwich muri FA Cp nyuma yo kunganya igitego 1-1.

Amakuru aravuga ko uyu mufana yatukaga Dier amushinja ko yabatsindishije hanyuma umuvandimwe w’uyu mukinnyi aramwegera amuturisha undi ashaka kumutura umujinya.



Uyu mukinnyi akimara kubona ko umuvandimwe we yugarijwe ndetse ari guterana amagambo bikaze n’uyu mufana,yahise ava mu kibuga igitaraganya yinjira mu gice cy’iburengerazuba bwa stade ajya guhangana n’uyu mufana.

Dier yasimbutse intebe 20 azamuka kugira ngo agere aho uyu mufana yari ari ngo bahangane gusa yahise ahunga uyu mukinnyi ahageze aramubura.

Abafana bari kuri stade babonye uyu Dier ameze nk’umusazi baramubisa aratambuka ageze aho yajyaga avuza induru at “n’umuvandimwe wanjye.”



Dier yahise amanukana n’umuvandimwe we bajyana mu rwambariro gusa yahise ahabwa ikarita itukura kubera iyi myitwarire mibi nubwo umukino wari warangiye.

Amakuru aravuga ko Tottenham iri gushaka uyu muntu washakaga guhohotera umuvandimwe wa Dier ariko FA nayo iri gukora iperereza kugira ngo irebe ko yafatira ibihano Dier.

Mourinho abajijwe ku myitwarire ya Dier yagize ati “Uriya muntu watutse Eric ntiyari yishimye na Eric ntiyishimye.Twe nk’abanyamwuga ntitwakora nk’ibyo yakoze.Ikipe ihanye Dier sinabyemera ariko ibyo yakozw ni bibi.”





Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Lionel Messi yatangaje umukinnyi wa Chelsea aha amahirwe yo kuzayobora isi...

Umukinnyi wa mbere ku isi mu mupira w’amaguru,Lionel Messi yatangaje ko mu...
31 March 2020 Yasuwe: 3888 0

Rutahizamu w’umunyarwanda yatanze ubuhamya bw’ukuntu yakoreshaga...

Rutahizamu w’umunyarwanda wakiniye amakipe atandukanye hano mu Rwanda ari mo...
30 March 2020 Yasuwe: 8562 0

Karim Benzema yibasiye cyane Olivier Giroud bakinannye mu ikipe...

Rutahizamu wa Real Madrid Karim Benzema yibasiye cyane mugenzi we bavuka mu...
30 March 2020 Yasuwe: 3261 0

Rutanga Eric yatangaje impamvu akunze gutsinda ibitego byo mu minota ya...

Umukinnyi akaba na kapiteni wa Rayon Sports,Rutanga Eric, yatangaje ko...
30 March 2020 Yasuwe: 2805 0

Bamwe mu bakinnyi ba FC Barcelona ntibumva ibyo gukatwa 70% by’umushahara...

Kuwa Kane w’iki cyumweru,abakinnyi bose b’ikipe ya FC Barcelona babwiwe ko...
29 March 2020 Yasuwe: 1811 0

Abakinnyi ba Juventus n’umutoza Maurizio Sarri bemeye kumara amezi 4...

Abakinnyi b’ikipe ya Juventus n’umutoza wabo Maurizio Sarri bemeye ko...
29 March 2020 Yasuwe: 731 0