startimes
Kigali
startimes

Umunyarwanda Hitimana agiye guhagarikwa kubera Imiti imwongerera imbaraga yakoresheje

Imyidagaduro   Yanditswe na: Martin Munezero 15 October 2019 Yasuwe: 2028

Umunyarwanda Hitimana Noël usiganwa ku maguru ku ntera ndende, agiye guhagarikwa imyaka ine kubera gukoresha imiti imwongerera imbaraga kandi bitemewe n’amategeko y’Ishyirahamwe ry’Imikino ngororamubiri ku isi (IAAF).


Sponsored Ad


Hitimana Noël w’imyaka 29, asanzwe akinira ikipe y’imikino ngororamubiri ya APR.

Funclub dukesha iyi nkuru, yanditse ko Hitimana yaba yarafashe imiti ubwo yari muri Kenya mu myitozo, ashaka uko yakwitwara neza mu marushanwa mpuzamahanga yari afite uyu mwaka.

Perezida w’Ishyirahamwe nyarwanda ry’Imikino ngororamubiri (RAF), Me Mubiligi Fidèle yemereye iki kinyamakuru cyandika imikino ko babonye ubutumwa bw’impuzamashyirahamwe y’imikino ngororamubiri ku Isi, bwemeza ko uyu mukinnyi yafashe imiti itemewe.

Ati “Ni byo koko ubutumwa bwa IAAF bwatugezeho, batubwira ko hari imiti itemewe uyu mukinnyi yafashe.”

“Twagerageje gushaka uyu musore ngo tumubaze uko byaba byaramugendekeye, turamubura. N’ikipe asanzwe akinira yaramushakishije iramubura, ngo dukurikirane hakiri kare, kuko haba hakiri amahirwe ko [ibihano] byagabanywa, arabura neza.”

Bivugwa ko muri Kenya bishyura $500 bakabaha iyi miti itemewe, aho bikekwa ko na Hitimana Noël ariho yayifatiye.

Me Mubiligi yavuze ko igihano umukinnyi ugaragayeho gukoresha imiti itemewe ahabwa ari imyaka ine adakina, akanasubiza ibihembo aba aheruka gutsindira.

Iyo umukinnyi yorohereje iperereza rya IAAF, ashobora kugabanyirizwa ibihano, gusa kuri Hitimana bishobora kutazagenda uko, kuko kugeza kuri ubu yaburiwe irengero.

Hitimana Noël yari avuye mu mikino Nyafurika muri Maroc, aho yaje ku mwanya wa gatanu muri metero ibihumbi 10.

Uyu mwaka kandi yakinnye imikino ya Cross Country ku rwego rw’Isi, aza ku mwanya wa 13, mu marushanwa yabereye muri Danemark akegukanwa n’umugande Joshua Kiprui Cheptegei.

Muri Gicurasi Hitimana Noël yegukanye irushanwa rya Trieste Half Marathon ryabereye Butaliyani akoresheje isaba imwe, iminota itatu n’amasegonda 28.

Muri Nyakanga yari mu bakinnyi bane basiganwa ku maguru boherejwe n’u Rwanda kugira ngo bajye kwitoreza mu Mujyi wa Hanchimantai mu Buyapani.

Hitimana Noël wavukiye mu Murenge wa Muyira, mu Karere ka Nyanza mu 1990, ni umwe mu banyarwanda babiri batwaye imidali ya Zahabu muri Marathon Mpuzamahanga ya Kigali, aho we na Nyirarukundo Salome babaye aba mbere gusiganwa igice cya Marathon (ibilometero 21) mu 2018.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Munyakazi Sadate yatesheje agaciro ibaruwa yandikiwe n’abanyamuryango ba...

Mu gitondo nibwo twabagejejeho ibaruwa yanditswe n’abanyamuryango ba Rayon...
8 August 2020 Yasuwe: 2746 0

Juventus yirukanye Maurizio Sarri nyuma yo gusezererwa na Lyon

Umutoza Maurizio Sarri waraye unaniwe kurenga 1/16 muri Champions League...
8 August 2020 Yasuwe: 925 0

Munyakazi Sadate yokejwe igitutu gikomeye ngo atumize inteko rusange yo...

Benshi mu banyamurya ngo ba Rayon Sports bandikiye perezida wa Rayon...
8 August 2020 Yasuwe: 2055 0

Cristiano Ronaldo yahishuye uko yari agiye kuva muri Manchester United...

Kizigenza Cristiano Ronaldo yatangaje ko mu mwaka wa 2006 yari agiye kuva...
8 August 2020 Yasuwe: 1050 0

Pep Guardiola yabwiye ikintu gikomeye abakinnyi be nyuma yo gutsinda Real...

Umutoza Pep Guardiola avuga ko kuba ikipe ye ya Manchester City yaraye...
8 August 2020 Yasuwe: 1414 0

Manchester City na Lyon zasezereye ibihangange muri Champions League...

Ikipe ya Manchester City ibaye ikipe ya mbere ibashije gusezerera Zinedine...
7 August 2020 Yasuwe: 1709 0