Kigali

Umunyarwanda yegukanye umwanya wa 2 muri Marathon yaberaga mu Bugereki[AMAFOTO]

Imyidagaduro   Yanditswe na: Martin Munezero 11 November 2019 Yasuwe: 1962

Umunyarwanda Muhitira Felicien bakunzwe kwita ‘Magare’ ukina imikino ngororamubiri yo gusiganwa ku maguru, yaraye yitwaye neza yegukana umwanya wa kabiri muri Marato “Athens Classic Marathon”, yaberaga mu mujyi wa Athene mu Bugereki.



ku cyumweru tariki 10 Ugushyingo 2019, Uyu mukinnyi uzwi ku izina rya “Magare”, yaje ku mwanya wa kabiri ubwo yirukaga ibirometero 42 (42 Km) akoresheje amasaha abiri, iminota 16 n’amasegonda 43 (2h16’43”).

Muhitira wari wayoboye iri siganwa, yarushijwe amasegonda 9, na John Kipkorir Komen ukomoka muri Kenya waje kwegukana umwanya wa mbere kuko yakoresheje amasaha abiri, iminota 16 n’amasegonda 34 (2h16’34”).

Costas Gkelaouzos ukomoka mu Bugereki, ni we wabaye uwa gatatu akoresheje amasaha abiri, iminota 19 n’amasegonda 43 (2h19’02”).

Muhitira Felicien yatangaje ko yatangaje ko yishimiye umusaruro yakuye muri iri siganwa. Ati “Nishimiye umwanya wa kabiri nasorejeho muri Marato ya Athens ya 2019. Ndashimira Imana uyu munsi kubw’ibi byishimo impaye mu mpera z’umwaka.”

Iri ni isiganwa rya 3, Muhitira Felicien yitwayemo neza nyuma y’uko yegukanye umudari wa zahabu mu isiganwa rya “Marvejols-Mende Half Marathon 2019” ryabereye mu Bufaransa tariki 21 Nyakanga 2019. Yongera no kwegukana umudari wa zahabu mu isiganwa rya “Semi Marathon International de Brazzaville/ SMIB 2019” ryabereye muri Congo Brazzaville tariki 14 Kanama 2019.

Mu kiciro cy’abagore, iri siganwa ryatwawe na Eleftheria Petroulaki ukomoka mu Bugereki wakoresheje amasaha abiri, iminota 45 n’amasedonda 50 (2h45’50”).

Iri siganwa rya Marato ya Athene “2019 Athens Marathon”, ryo muri uyu mwaka wa 2019 ryabaga ku nshuro ya 37, ryari ryitabiriwe n’abakinnyi bagera ku bihumbi 20, baturutse mu bihugu bitandukanye ku mpande zose z’isi.

Isiganwa ryitabiriwe n’abagera ku bihumbi 20

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rutahizamu w’ikipe ya Rayon Sports Iranzi Jean Claude yatijwe

Rutahizamu w’ikipe ya Rayon Sports wari mu igeragezwa mu Misiri, Iranzi Jean...
28 January 2020 Yasuwe: 2629 0

Amateka ya Kobe Bryant wakoze amateka akomeye muri Basketball uherutse...

Icyamamare Kobe Bryant yahogoje benshi kubera impanuka y’indege ya...
28 January 2020 Yasuwe: 1264 0

Hamenyekanye akayabo k’amadolari Kobe Bryant yasize

Mu ijoro ryo ku cyumweru taliki 26 Mutarama 2020 mu Rwanda, bikaba ku...
28 January 2020 Yasuwe: 6839 0

Cristiano Ronaldo yatangaje ikintu kibi umuhungu we yatumye...

Rutahizamu wa Juventus, Cristiano Ronaldo,yatangaje ko kwitwararika mu...
28 January 2020 Yasuwe: 7141 2

Perezida Sadate yashimiye APR FC yahanye umuvugizi wayo wibasiye Rayon...

Perezida wa Rayon Sports,Munyakazi Sadate, yishimiye cyane umwanzuro...
27 January 2020 Yasuwe: 6342 2

Areruya Joseph yahembwe nk’umukinnyi wahatanye cyane kurusha abandi,Team...

Irushanwa rikomeye ry’amagare muri Africa La Tropicale Amissa Bongo...
27 January 2020 Yasuwe: 3085 0