Umunya Cameroon,Andre Onana ukinira ikipe ya Ajax Amsterdam yatangaje ko kubera ko ari umwirabura amakipe menshi y’ibigugu yamwifuje ariko yanga kumugura aho yabwiwe ko abafana bayo batabyakira neza.

Sponsored Ad

Mu kiganiro yahaye Marca,Andre Onana yavuze ko bitakorohera umunyezamu w’Umwirabura kwerekeza mu makipe akomeye cyane I Burayi kuko ngo amenshi yuzuyemo irondaruhu.

Onana yavuze ko mu mwaka wa 2017 hari ikipe yamubwiye ko imushaka nyuma yo kwitwara neza muri Europa League akageza Ajax ku mukino wa nyuma ariko nyuma aza kubwirwa ko abafana batamwishimira kubera ko ari umwirabura.

Yagize ati “Ntabwo byoroshye ku munyezamu w’umwirabura kugera kure.Bafashe umwanzuro wo kwanga kunsinyisha kubera ko ngo umunyezamu w’Umwirabura yaba ikibazo ku bafana babo.Ntabwo banze kunsinyisha kubera ko bashidikanyaga ko ntari umuhanga.

Ivanguraruhu rirahari ndetse mpora ndwana naryo muri buri mukino wo hanze gusa sinabitindaho cyane kuko nishimira ko ndi umwirabura.Nta tandukaniro mbona hagati y’umuzungu n’umwirabura.Niba uribona nicyo kibazo.

Mu mwaka ushize wa 2019,irondaruhu ryabaye ikibazo gikomeye mu Burayi aho abakinnyi batutswe,baterwa ibintu ndetse basagararirwa bikomeye n’abazungu ku bibuga yaba mu Bwongereza,Ubutaliyani n’ahandi.