skol
Kigali
startimes

Umunyezamu wa Chievo yahishuye ubugome yakorewe na Cristiano Ronaldo amuziza ko yakuyemo penaliti ye

Imyidagaduro   Yanditswe na: Dusingizimana Remy 4 April 2020 Yasuwe: 6659

Uwahoze ari umunyezamu wa Chievo witwa Stefano Sorrentino yatangaje ko rutahizamu wa Juventus, Cristiano Ronaldo,yanze kubahiriza amasezerano bari bagiranye yo kumuha umupira we nyuma y’umukino kubera ko uyu munyezamu yakuyemo penaliti ye.


Uyu munyezamu Stefano Sorrentino yavuze ko mu mukino ikipe ye ya Chievo yatsinzwemo na Juventus ibitego 3-0 muri Mutarama 2019,yakuyemo penaliti ya Cristiano Ronaldo bituma amwima umupira we yari yambaye nyuma y’umukino.

Uyu munyezamu yagize ati “Twari twasezeranye ko turagurana imipira nyuma y’umukino ariko nyuma yo guhusha penaliti yararakaye cyane.Ntabwo byari byakamubaho mu Butaliyani.

Nyuma y’umukino twahuriye mu rwambariro,yampaye ikiganiro arananshimira.Yari arakaye cyane ku buryo yanze no kumpa umupira we.Nyuma naje gufata uwa Paulo Dybala bigenda neza.”

Muri uyu mukino,Cristiano Ronaldo yavuye mu kibuga adatsinze kuko ibi bitego 3 bya Juventus byatsinzwe na Douglas Costa, Emre Can na Daniele Rugani.

Uyu munyezamu w’imyaka 41 usigaye akina mu ikipe ya Cervo yo mu cyiciro cya munani mu Butaliyani,yabaye uwa mbere wakuyemo penaliti ya Cristiano Ronaldo mu butaliyani

Nyuma y’umwaka wa mbere ageze mu Butaliyani, Cristiano Ronaldo yahawe igihembo cy’umukinnyi w’umwaka,yanatwaye muri Espanye no mu Bwongereza.

Ronaldo yafashije iyi kipe yo mu mujyi wa Turin, itwara igikombe cyayo cya munani kikurikiranya, ayitsindiye ibitego 21 gusa yasezerewe muri ¼ cya UEFA Champions League na AJAX.

Cristiano Ronaldo yagiye kwihisha Coronavirus iwabo I Madeira aho kuri ubu ari kumwe n’umuryango we ndetse akomeje kugaragaza amafoto ari gukora imyitozo ikarishye ku giti cye kugira ngo azagaruke mu kibuga ameze neza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hatangajwe abakinnyi batatu batumye Frank Lampard yirukanwa muri...

Mbere y’uko umutoza Frank Lampard yirukanwa,abakinnyi yakundaga gukoresha...
26 January 2021 Yasuwe: 4277 0

Roman Abramovic yahishuye impamvu ikomeye yatumye yirukana Frank...

Ubuyobozi bw’ikipe ya Chelsea bwamaze gutangaza ko bwirukanye umutoza Frank...
25 January 2021 Yasuwe: 5867 0

Umuherwe wa Chelsea yafashe icyemezo cyo kwirukana umutoza Frank...

Umuherwe w’Umurusiya witwa Roman Abramovich yamaze gufata umwanzuro wo...
25 January 2021 Yasuwe: 4191 0

Umukinnyi wa Liverpool amerewe nabi cyane n’abafana ashinjwa gutsindisha...

Ikipe ya Liverpool ikomeje kujya mu bihe bibi cyane mu mupira w’amaguru yaba...
25 January 2021 Yasuwe: 6084 0

Rwatubyaye Abdul yasinye amasezerano y’umwaka n’amezi atandatu mu yindi...

Myugariro w’ikipe y’igihugu y’u Rwanda y’umupira w’amaguru (Amavubi) Rwatubyaye...
25 January 2021 Yasuwe: 3811 0

Abafana ba Chelsea basabiye umusifuzi David Coote ikarita itukura nyuma yo...

Mu butumwa banyujije ku mbuga nkoranyambaga zabo,abafana ba Chelsea basabye...
25 January 2021 Yasuwe: 3780 0