Kigali
startimes

Umutoza Arteta yavuze ku hazaza ha Aubameyang mu ikipe ya Arsenal

Imyidagaduro   Yanditswe na: Dusingizimana Remy 16 June 2020 Yasuwe: 1256

Umutoza Mikel Arteta w’ikipe ya Arsenal avuga ko "yizeye" ko rutahizamu Pierre-Emerick Aubameyang azongera amasezerano mashya muri iyi kipe abereye kapiteni.



Amasezerano y’akazi asanzweho ya Aubameyang w’imyaka 30 y’amavuko, azarangira mu kwezi kwa gatandatu mu mwaka utaha wa 2021.

None Arteta avuga ko iyi kipe igomba kwereka uyu rutahizamu ukomoka muri Gabon impamvu akwiye gukomeza kuyikinira.

Arteta yagize ati: "Akwiye kumva ko ahabwa agaciro, akwiye kwiyumva ko ari uwacu kandi ko tumushaka".

Aubameyang avuga ko kumenya niba azashyira umukono kuri kontaro nshya muri Arsenal "bishobora kuba ari cyo cyemezo cy’ingenzi cyane kurusha ibindi" azaba afashe mu buzima bwe nk’umukinnyi.

Uyu rutahizamu amaze gutsindira iyi kipe yo majyaruguru y’umurwa mukuru London w’Ubwongereza ibitego 61 mu mikino 97 amaze kuyikinira kuva yayigeramo avuye muri Borussia Dortmund yo mu Budage mu mwaka wa 2018.

Arteta yongeyeho ati: "Ntekereza ko kuri ubu nishimye cyane kubera ukuntu amaze igihe akina n’imyitwarire ye".

"Mfitanye umubano mwiza cyane na we ndetse dushobora kuganira ku bintu byinshi amaso ku maso. Kugeza ubu icyo nzi ni uko yishimiye cyane uko amerewe muri iyi kipe".

Ariko, nubwo Arteta agifite icyizere, Aubameyang yabwiye ikiganiro Téléfoot cya televiziyo yo mu Bufaransa ko "mu gihe cya vuba gishize nta masezerano arahabwa" na Arsenal.

Yagize ati: "Rwose navuganye n’ikipe mu mezi macye ashize, bazi impamvu kugeza ubu nta kintu na kimwe cyari bwabe".

"Ni igihe cy’ingenzi mu kazi kanjye nk’umukinnyi kandi ndashaka kubwiza ukuri buri muntu wese".

"Bafite imfunguzo. Ni bo bireba gukora akazi kabo, nyuma yaho, tuzareba uko ibintu bigenda. Rwose kizaba icyemezo kigoye cyane kugifata".

Mu kwezi kwa gatatu, mbere yuko Premier League iba ihagaritswe kubera icyorezo cya coronavirus, Arteta yavuze ko ashaka kugumana Aubameyang "uko byagenda kose".

Icyo gihe Arteta yongeyeho ko Arsenal igomba kuganira n’uyu kapiteni wayo ku bijyanye n’amasezerano mashya mbere yuko uyu mwaka w’imikino urangira.

Byumvikana ko Barcelona na Inter Milan zifuza uyu rutahizamu.

Arsenal ubu iri ku mwanya wa cyenda ku rutonde rw’agateganyo rwa shampiyona.

Ubwo iyi shampiyona izaba isubukuwe kuri uyu wa gatatu, izerekeza ku kibuga Etihad cya Manchester City gukina n’iyi kipe iri ku mwanya wa kabiri ku rutonde rw’agateganyo.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Reba urutonde rw’amakipe 5 igihangage Lionel Messi ashobora kwerekezamo

Ibinyamakuru byandika Siporo ku mugabane w’Uburayi bimaze iminsi bivuga ko...
5 July 2020 Yasuwe: 1382 0

Umutoza Arteta yagiriye inama ikomeye abayobozi b’ikipe ya Arsenal

Umutoza w’ikipe ya Arsenal,Mikel Arteta umaze gutsinda imikino 3...
5 July 2020 Yasuwe: 1385 0

Karim Benzema agiye kuryozwa isebanya yakoreye Mathieu Velbuena akoresheje...

Umukinnyi w’ Umufaransa ufite inkomoko muri Afurika unakinira Real Madrid,...
5 July 2020 Yasuwe: 1325 0

Impunzi 2 zo mu nkambi ya Mahama zarashwe zigerageza kwinjiza...

Polisi y’u Rwanda yatangaje ko inzego z’umutekano zarashe ku itsinda...
4 July 2020 Yasuwe: 1333 0

Rayon Sports yamaze kwishyura umutoza Javier Martinez Espinosa

Ikipe ya Rayon Sports yamenyesheje FIFA ko yamaze kwishyura amafaranga...
4 July 2020 Yasuwe: 1791 0

Muhawenima na Runigababisha bari bakomeye mu buyobozi bw’abafana ba Rayon...

Umuyobozi w’abafana ba Rayon Sports,Claude Muhawenimana na Mike...
4 July 2020 Yasuwe: 2178 1