Kigali

Umutoza Espinoza agiye kurega Rayon Sports

Imyidagaduro   Yanditswe na: Martin Munezero 7 January 2020 Yasuwe: 2079

Uwahoze ari umutoza wa Rayon Sports, Javier Martinez Espinoza ukomoka mu gihugu cya Mexico ashobora kujyana Rayon Sports mu nkiko nyuma y’uko imwirukanye itubahirije ibikubiye mu masezerano bagiranye ubwo yazaga kuyitoza.



Umutoza Martinez Espinoza yirukanywe mu mpera z’umwaka ushize tariki ya 24 Ukuboza 2019 nyuma yo kumushinja umusaruro mubi mu mikino y’igice kibanza cya shampiyona cyane cyane gutsindwa na mukeba wayo APF FC mu buryo busuzuguritse mu mukino wok u munsi wa 15 aya makipe yombi yakiniye kuri sitade Amahoro.

Amakuru dukesha Rwanda Magazine aravuga ko uyu mutoza yaba agiye kujyana Rayon Sports mu nkiko kubera ko itamwishyuye umushahara w’amezi abiri nk’uko byari bikubiye mu masezerano.

Amasezerano ya Espinoza na Rayon Sports yavugaga ko mu gihe Rayon Sports yashaka ko basesa amasezerano izamuha umushahara w’ukwezi kumwe nawe yashaka gusezera akayishyura umushahara we w’ukwezi kumwe.

Ubwo yi kipe yaamusezereraga rero ntiyigeze yubahiriza ibikubiye muri iyi ngingo ngo imuhe uyu mushahara w’ukwezi kumwe yagombaga kumuha, hakiyongeraho n’ukundi kwezi Rayon Sports yari itari yamuhemba agahita aba amezi abiri Espinoza yishyuza Rayon Sports.

Ubuyobozi bwa Rayon Sports bwo buvuga ko butirengagije ibikubiye muri aya masezerano ahubwo ko amafaranga naboneka buzahita bumwishyura gusa ntibugaragaza igihe ntarengwa azabonekera ari nayo mpamvu ishobora gutuma Espinoza ajya kurega iyi kipe yambara ubururu n’ummweru.

Byukusenge Alphonse uzwi ku izina rya ‘Alpha’ uhagarariye inyungu z’uyu mutoza yatangaje ko iyi kipe niramuka ikomeje kubyirengagiza bazahita batanga ikirego mu ishyirahamwe ry’umupira w’amaguru FERWAFA.

Javier Martinez Espinoza yatoje imikino 15 muri Rayon Sports atsinda 9, anganya 4 atsindwa ibiri igice cya shampiyona kikaba cyararangye ayisize ku mwanya wa gatatu n’amanota 31 aho yarushwaga na APR FC amanota atandatu.

Mu gihe Espinoza yaramuka ajyanye Rayon Sports mu nkiko cyaba kibaye ikirego cya kabiri iyi kipe irezwemo nyuma y’ikindi kikiri mu nkiko cy’umutoza Ivan Minaert wayireze urukiko rukayitegeka kumwishyura amafaranga yose yayishyuzaga.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Youri Djorkaeff wahesheje Ubufaransa igikombe cy’isi 1998 agiye gusura u...

Uwahoze ari umukinnyi ukomeye mu ikipe y’Ubufaransa, Youri Djorkaeff,...
25 February 2020 Yasuwe: 972 0

#TdRwanda:Restrepo yegukanye agace ka 3 kanyuze muri Nyungwe,Biniam ahita...

Umunya Colombia witwa Restrepo Jhonatan ukinira ikipe ya Androni...
25 February 2020 Yasuwe: 1772 0

Umugore wa Kobe Bryant yareze kompanyi y’indege yahitanye abarimo umugabo we...

Umupfakazi wa Kobe Bryant witwa Vanessa Bryant yatanze ikirego mu rukiko...
25 February 2020 Yasuwe: 1105 0

Umukinnyi wa Liverpool yicujije ubugome yakoreye Lionel Messi

Myugariro wa Liverpool, Andy Robertson,yatangaje ko yicuza cyane kubera...
25 February 2020 Yasuwe: 3326 0

Ikipe ifanwa n’abakobwa bakurura abagabo kurusha abandi mu Bwongereza...

Ubushakashatsi bwakozwe n’ikigo cyitwa Free Super Tips ku makipe yose yo mu...
25 February 2020 Yasuwe: 3320 0

Robertinho yasembuye abafana ba Rayon Sports kubera ubutumwa yashyize kuri...

Umutoza Roberto Oliveira Goncalves do Carmo uzwi nka Robertinho yasembuye...
25 February 2020 Yasuwe: 9187 3