Ikipe ya Juventus irashaka umutoza mushya nyuma y’aho Max Allegri ananiwe gutwara igikombe cya UEFA Champions League ariyo mpamvu bivugwa ko mu minsi mike ishobora gutangaza ko yamaze kumvikana n’umunya Argentina Mauricio Pauchettino utoza Tottenham.

Sponsored Ad

Umutoza Pochettino arashaka kuva mu ikipe ya Tottenham kubera ko nta bushobozi bwo gutwara igikombe cya shampiyona ayibonamo,akerekeza mu ikipe ya Juventus gukorana na Cristiano Ronaldo na bagenzi be.

Muri iki cyumweru nibwo Mauricio Pochettino yatangaje ko yifuza kuva mu ikipe ya Tottenham atwaye igikombe cya UEFA Champions League,bituma benshi bacika ururondogoro cyane ko uyu mugabo yari amaze kuyihindura ikipe ikomeye.

Umuyobozi we Daniel Levy ntabwo agira inyota yo gutanga amafaranga menshi kugira ngo hagurwe abakinnyi bakomeye batwara Premier League,ariyo mpamvu ishobora gutuma yigendera.

Ikipe ya Juventus irashaka Mauricio Pochettino cyane ndetse biravugwa ko uyu mutoza yifuza ko bamuha miliyoni 17 ku mwaka kugira ngo ayerekezemo.

Pochettino yavuze ko ikintu yifuza ari ukumenya icyo Tottenham yifuza kugeraho ku bijyanye no guhatanira ibikombe,akabona gufata umwanzuro.

Cristiano Ronaldo na bagenzi be barifuza kwegukana igikombe cya UEFA Champions League nyuma yo gukurwamo uyu mwaka na Ajax yabatsindiye ibitego 2-1 mu rugo kandi bari banganyirije Amsterdam igitego 1-1.

Pochettino arahabwa amahirwe yo kuzatoza Juventus mu mwaka utaha