skol
Kigali
startimes

Umutoza wa Bayern Munich yavuze uko biteguye kuzahangana na Lionel Messi

Imyidagaduro   Yanditswe na: Dusingizimana Remy 9 August 2020 Yasuwe: 2106

Bayern Munich izahura na Barcelona muri kimwe cya kane cya Champions League nyuma yuko Robert Lewandowski ayifashije kunyagira Chelsea ibitego 7 - 1 mu mikino yombi.


Mu mukino ubanza wabereye ku kibuga Stamford Bridge cya Chelsea mu kwezi kwa kabiri, Bayern yari yayitsinze ibitego 3 - 0.

Mu mukino w’ejo ku wa gatandatu, ku kibuga Allianz Arena, mu minota 25 ya mbere Bayern yari yamaze kugira igiteranyo cy’ibitego 5 - 0 byose hamwe, kuri penaliti ya Lewandowski n’igitego cya Ivan Perisic.

Chelsea yaje kubona igitego cyinjijwe na Tammy Abraham, ku ikosa ridakunze kubaho ku munyezamu Manuel Neuer, ariko Bayern yakomeje kugaragaza umukino usukuye.

Corentin Tolisso winjiye asimbura yashyizemo icya gatandatu cya Bayern (mu mikino yombi), nuko Lewandowski azagushyiramo icy’umutwe cyabaye icya 7 cya Bayern, imikino yombi irangira ku giteranyo cy’ibitego 7 - 1.

Mu marushanwa yose y’uyu mwaka, Lewandowski ubu afite ibitego 53 mu mikino 44. Mu mukino w’ejo yatanze n’imipira ibiri yavuyemo ibitego.

Ku wa gatanu nibwo Bayern izahura na Barcelona muri kimwe cya kane, mu mukino w’injyanamuntu uzabera i Lisbonne muri Portugal, mu buryo bwo guhita amakipe akuranamo nta mukino wo kwishyura ubayeho.

Barcelona yaraye isezereye Napoli ku bitego 3 -1 mu mukino w’ejo (birimo kimwe cya Lionel Messi), biba 4 -2 mu mikino yombi.

Abatoza bavuze iki?

Frank Lampard wa Chelsea yagize ati:

"Amajoro nk’iri [ry’ejo ku wa gatandatu] anyereka byinshi mu mupira w’amaguru, ambwira byinshi. Mu bijyanye n’umupira w’amaguru, binyereka aho dushobora kuvugurura, rero ubu igihe kirageze ngo tubikore".

"Nabonye ibintu byinshi byiza mu ikipe ndetse na bimwe bibi twabonye muri uyu mwaka w’imikino. Twagize amakosa y’umuntu ku giti cye yabahaye ibitego kandi kuri uru rwego ibyo birakurangiza".

"Ducyeneye ibindi [kugera ku bindi] ariko turumva hari icyo twagezeho n’iyi kipe dufite. Ubu ni igihe cyo kureba aho dushobora kuvugurura".

Hansi Flick wa Bayern we yagize ati: "Tuzategura umukino wa Barcelona nkuko dutegura uw’iyindi kipe. Turashaka kugaragaza imbaraga zacu nanone, tukawushyiraho [umukino] umutima ubundi tukawugaragazamo ubuhanga bwacu".

"Ntabwo tugiye kwibanda kuri Lionel Messi, ducyeneye kureba buri mukinnyi".

Bayern Munich na FC Barcelona bazesuranira i Lisbone kuwa Gatanu w’icyumweru gitaha bashaka itike ya 1/2 cy’irangiza.

Uko gahunda ya 1/4 ipanze mu cyumweru gitaha:

Kuwa Gatatu:

Atalanta VS Paris‬

Kuwa kane:

‪RB Leipzig VS Atlético‬ Madrid

Kuwa Gatanu:

‪FC Barcelone VS Bayern‬ Munichen

Kuwa Gatandatu:

‪Manchester City VS Lyon‬

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mose yambukije abisirayeli inyanja itukura ariko ntiyageze mu gihugu...

Uwari umuyobozi w’ikipe ya Rayon Sports Munyakazi Sadate,wakuweho uyu munsi,...
22 September 2020 Yasuwe: 2447 0

Frank Lampard yahishuye ko umunyezamu usimbura Kepa yakoze ikizamini...

Umutoza wa Chelsea,Frank Lampard yahumurije abakunzi b’iyi kipe atangaza ko...
22 September 2020 Yasuwe: 988 0

Imyanzuro yafashwe na RGB nyuma y’isesengura ku bibazo bya Rayon...

Kuri uyu wa Kabiri tariki ya 22 Nzeri 2020,nibwo Minisiteri ya Siporo...
22 September 2020 Yasuwe: 2099 0

Munyakazi Sadate na Komite ye yose bakuweho nyuma y’ibibazo bikomeye byari...

Komite ya Rayon Sports yari iyobowe na Munyakazi Sadate yegujwe n’inama...
22 September 2020 Yasuwe: 4204 3

Ivan Rakitic yahishuye uko Messi na Suarez batari inshuti ze

Umukinnyi wo hagati Ivan Rakitic wari umaze imyaka 6 mu ikipe ya FC...
22 September 2020 Yasuwe: 1530 0

Rayon Sports yasinyishije Ghislain Armel warangaranwe na Kiyovu...

Rutahizamu Armel Ghislain wakiniraga ikipe ya Kiyovu Sports yamaze gusinya...
21 September 2020 Yasuwe: 1903 0