skol
Kigali
startimes

Umuvugizi w’abafana ba APR FC yahagaritswe kubera ubutumwa buserereza Rayon Sports yashyize kuri WhatsApp

Imyidagaduro   Yanditswe na: Dusingizimana Remy 26 January 2020 Yasuwe: 11308

Umuvugizi w’abafana ba APR FC,Emile Kalinda, yahagaritswe kubera amagambo yanditse kuri Whatsapp nkuko urubuga rw’iyi kipe rubitangaza ruti "

Kuri iki Cyumweru Tariki 26 Mutarama, ikipe y’ ingabo z’ igihugu yafashe icyemezo cyo guhagarika uwari umuvugizi w’abafana bayo Bwana Emile Kalinda, nyuma y’ubutumwa bwagiye bukwirakwira yoherereje (mugenzi we wo mu yindi kipe) ku mbuga nkoranyambaga (Whatsapp) yanditse bugaragaramo amagambo atari meza kandi APR FC itakwihanganira.

Usibye guhagarikwa ku mwanya w’umuvugizi w’abafana, ubuyobozi bwa APR FC kandi bukaba buhagaritse bwana Emile Kalinda no kutazongera kugaragara kuri Stade mu irushanwa ry’ubutwari 2020, ryatangiye ku munsi w’ejo kuwa Gatandatu Tariki 25 Mutarama kugeza rirangiye ku Itariki ya 01 Gashyantare.

Ubuyobozi bwa APR FC buboneyeho no kongera kwibutsa abafana ba APR FC bose ko badakwiye guteshuka na gato ku nshingano zo kurangwa n’ikinyabupfura. Ubuyobozi bukomeza kandi butangaza ko butazigera bwihanganira umufana wa APR FC uwo ari we wese uzagaragaraho imyitwarire itari myiza.

Ubuyobozi bwa APR FC bukaba bwisegura ku mvugo ya Emile Kalinda k’uwo ari we wese yaba yarakomerekeje. Nyuma yo guhagarika Emile, ubuyobozi bwa APR FC bukaba buzabamenyesha vuba aha umuvugizi mushya w’abafana bayo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble brabra

    Nicyo nkundira Abayobozi ba APR. Bafata ibyemezo bikenewe birebana na gahunda y’ikipi. Abafana basesereza, bandika amagambo yuzuye urwango agomba kuducikaho. Ntabwo umupira watugonganisha ahubwo wakabaye utuma turushaho kwunga ubumwe. N’abayobozi b’andi makipe barebere kuri uru rugero rwiza rwa APR, bajye bakebura abafana babo mugihe bateshutse umurongo wo kubahana.

    27 January
  • chat_bubble Kaka

    kumuhagarika ntibihagije RIB igomba gufungura dossier kuko iyo ni ingengabitekerezo yo ku rwego rwo hejuru

    27 January
  • chat_bubble Amaherezo

    Namwe abanyamakuru murasetsa rwose ngo yahagaritswe kubera ubutumwa buserereza Rayon !!!!mwakwise ibintu mu mazina yabyo??? yazize ubutumwa bubiba amacakubiri mu banyarwanda, nta soni ngo abarayon bajye Mozambique ntabwo mwibuka mbere ya genocide abantu bavuga ko bamwe baturutse muri Ethiopie?? ikintu cyo kwita abantu inzoka ntabwo mwibuka amahano byagejeje iGihugu??? uyu mugabo Emille iyi message ye irimo kubiba urwango ntabwo ari uguserereza gusa, ahubwo turaza gutanga ikirego kuri RIB ntibirangirira aha.

    27 January
  • chat_bubble Mutama

    Aha ho yakabije, ariko umenya atazi n’amateka. APR/FPR yarwanyije kwambura abantu ubumuntu ubita amazina abatesha agaciro. Kwita abantu inzoka byo biri no mu mateka yacu asharira, ntibyari bikwiye gukoreshwa muri iki gihe tugezemo. Azasabe imbabazi umuryango wa sport mu Rwanda, maze ikipe ye nayo imubabarire.

    26 January
  • chat_bubble musada

    Nyira karimi kabi yatanze umurozi gupfa!

    26 January

Inzindi nkuru

Tottenham yagaruye kizigenza yirereye Gareth Bale

Ikipe ya Tottenham yamaze gutangaza ko yagaruye umunya Wales,Gareth Bale...
19 September 2020 Yasuwe: 1530 0

Umunya Slovenia Tadej Pogacar yateye intambwe ikomeye yo kwegukana Tour de...

Nubwo atahabwaga amahirwe kubera imbaraga z’ikipe itari ku rwego rwo hejuru...
19 September 2020 Yasuwe: 628 0

Thiago Alcantara yahishuye abakinnyi batumye afata umwanzuro wo kwerekeza...

Umukinnyi Thiago Alcantara wamaze kwerekeza mu ikipe ya Liverpool yatangaje...
19 September 2020 Yasuwe: 1547 0

Kiyovu Sports yashyizeho ibisabwa ku muntu ushaka kuba Perezida wayo...

Komisiyo y’amatora muri Kiyovu Sports yatangaje ibisabwa kuri buri wese...
19 September 2020 Yasuwe: 1522 0

Mikel Arteta yatangaje ikintu cyamuteye ubwoba cyane akimara guhabwa akazi...

Umutoza wa Arsenal,Mikel Arteta yatangaje ko akimara guhabwa akazi ko...
19 September 2020 Yasuwe: 1492 0

Liverpool yasinyishije umukinnyi wo hagati uri mu beza cyane ku...

Ikipe ya Liverpool yemeje ko yamaze gusinyisha umunya Espagne witwa Thiago...
18 September 2020 Yasuwe: 2222 0