skol
Kigali
startimes

Umwana wa Diego Maradona yasabye Lionel Messi ikintu gitangaje cyane

Imyidagaduro   Yanditswe na: Dusingizimana Remy 2 December 2020 Yasuwe: 9494

Umwana wa Diego Maradona yasabye kizigenza Lionel Messi nawe ukomoka muri Argentina guhagarika kwambara nimero 10 mu rwego rwo guha icyubahiro se uherutse gutabaruka mu cyumweru gishize.


Amakuru atangazwa n’ikinyamakuru The Mirror avuga ko uyu mwana wa nyakwigendera Diego Maradona yasabye Lionel Messi guhagarika gukomeza kwambara nimero 10 yaba muri FC Barcelona no muri Argentina mu rwego rwo guha icyubahiro se nawe wayikundaga cyane.

Maradona yapfuye mu cyumweru gishize ku myaka 60 asigira isi yose agahinda cyane ko mu mikino itandukanye yakinwe ku isi bagiye bamwibuka.

Andre Villas-Boas watoje amakipe arimo Chelsea ariko ubu akaba atoza Marseille,yasabye FIFA ko yahagarika nimero 10 mu mupira w’amaguru mu rwego rwo guha icyubahiro iki gihangange.

Nubwo bisa n’ibigoye,uyu mwana wa Maradona yasabye Lionel Messi n’andi makipe atandukanye yakiniye kumva icyifuzo cye bakabika nimero 10.

Diego Armando Maradona Sinagra wabyawe na Maradona ariko ku mugore batashyingiranwe byemewe n’amategeko wo mu mujyi wa Napoli,arifuza ko ibi byakorwa mu rwego rwo guha se icyubahiro akwiriye nk’umunyabigwi.

Yabwiye Mundo Deportivo ati “Ndifuza ko byakorwa n’amakipe yose yakiniye na FC Barcelona irimo.”

Ibi bivuze ko na Lionel Messi yarekura iyi nimero yakoreyeho amateka atazibagirana muri FC Barcelona.

Lionel Messi n’umwe mu bababajwe n’urupfu rwa Diego Maradona aho no ku mukino bakinnye mu cyumweru gishize batsinzemo Osasuna ibitego 4-0 aho yakuyemo umupira w’ikipe akinira asigarana uwa Newell’s Old Boys kizigenza Maradona yakiniye wanditseho nimero 10 mu rwego rwo kumwibuka.

Ubwo Messi yatsindaga igitego kimwe muri 4-0 batsinze Osasuna ku Cyumweru,yishimiye igitego akuramo umupira wa FC Barcelona asigarana uwo yari yambaye munsi w’ikipe ya Newell’s Old Boys wanditseho nimero 10 yambawe na Maradona uherutse gutabaruka azize umutima.

Messi nawe yanyuze mu ikipe ya Newell’s Old Boys yo muri Argentina ariko yahisemo guha icyubahiro Maradona akuramo umupira wa FC Barcelona yari yambaye awushyira hasi,asigarana uw’iyi kipe yamuzamuye we na Maradona gusa yari yambaye nimero 10 yambawe n’uyu nyakwigendera muri iyi kipe.

Messi watwaye Ballon d’Or 6,yanditse ubutumwa bukora ku mutima ubwo Maradona yapfaga ati “Umunsi ubabaje ku banya Argentina bose n’abakunzi b’umupira w’amaguru muri rusange.Yagiye ariko ntiyadusize kuko Diego azahoraho.

Ndacyibuka ibihe byiza twagiranye kandi ndashaka kwihanganisha umuryango we n’inshuti.Aruhukire mu mahoro.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Arsenal na Mesut Ozil bumvikanye ku kintu gikomeye

Amakuru aturuka mu Bwongereza aravuga ko Arsenal yamaze kumvikana...
16 January 2021 Yasuwe: 3184 0

Mohamed Salah yahishuye umukinnyi wa Liverpool watumye arira kubera...

Rutahizamu Mohamed Salah ukinira Liverpool yatangaje ko kuva yagera muri...
16 January 2021 Yasuwe: 3358 0

Cristiano Ronaldo yaciye amarenga y’undi mwuga yashobora mu mashusho...

Rutahizamu Cristiano umaze imyaka isaga 15 ari hejuru mu mupira w’amaguru...
16 January 2021 Yasuwe: 3664 0

Umugore wa Lionel Messi yinjiye mu mukino w’iteramakofe [AMAFOTO]

Umugore wa Lionel Messi witwa Antonela Roccuzzo yashyize hanze amashusho...
16 January 2021 Yasuwe: 3835 0

Wayne Rooney wubatse izina mu Bwongereza yagizwe umutoza mukuru wa Derby...

Umwongereza Wayne Rooney wamamaye mu mupira w’amaguru akinira ikipe ya...
15 January 2021 Yasuwe: 4227 0

Tour du Rwanda yari iteganyijwe muri Gashyantare 2021 yimuriwe muri...

Ubuyobozi bw’ishyirahamwe ry’umukino wo gusiganwa ku magare mu Rwanda...
15 January 2021 Yasuwe: 2746 0