skol
Kigali
startimes

Visi Perezida wa APR FC yanenze abanze kwitabira igikombe cy’Intwari

Imyidagaduro   Yanditswe na: Dusingizimana Remy 2 February 2020 Yasuwe: 3491

Visi perezida wa APR FC, Maj. Gen. Mubaraka Muganga yanenze ikipe ya Rayon Sports yanze kwitabira igikombe cy’Intwari kubera ko yangiwe gukinisha abakinnyi bayo badafite ibyangombwa.


Afande Mubaraka yatangaje ko bitari bikwiriye ko Rayon Sports yanga kwitabira iri rushanwa kuko icyari kigamijwe kwari ugutanga ubutumwa bwo gushyigikira intwari z’u Rwanda no gushishikariza abantu kuba intwari.

Yagize ati “Mu byukuri ntabwo byatunejeje ko hari bamwe mu bakunzi b’umupira w’amaguru bashobora kuba barirengagije inyito y’iri rushanwa… ubutwari kandi ubutwari buraharanirwa bikura muri iri rushanwa.

Ubutaha abanyarwanda bose dukwiye guharanira ubutwari dushimira abitabiriye bose…Twebwe hari ibyishimo tubonera ku kibuga ariko hari n’ubutumwa bw’ubutwari bwagiye butangirwa ku kibuga”.

Maj. Gen. Mubarak Muganga yavuze ko bishimiye ko ikipe yabo yatwaye iki gikombe ku nshuro ya 3 ariko avuga ko niyo batari kugitwara bari kugenda bishimye kubera ko icyo baharaniraga ari ukwizihiza icyo intwari z’u Rwanda zagejeje ku Rwanda.

APR FC yisubije igikombe cy’Intwari nyuma yo kunganya 0-0 na Kiyovu Sports mu mukino wa nyuma wabereye kuri Stade Amahoro.

APR FC yegukanye igikombe cy’Intwari n’amanota 7 na sheki ya miliyoni 6, Police FC irangiza ku mwanya wa kabiri n’amanota 6 ihabwa sheki ya miliyoni 3, Kiyovu Sports yagize amanota 4 na sheki ya miliyoni 2 mu gihe Mukura Victory Sports yatashye nta nota na rimwe yahawe miliyoni 1.

APR FC yatangaje ko amafaranga aya mafaranga batsindiye angana na miliyoni esheshatu bayahaye abakinnyi ngo bayagabane.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Kaka

    Ajye avuga ikipe ye ikipe ya Rayon ifite uburyo iyobowe kdi irigenga, so ifite rero uburenganzira bwo kujya mu irushanwa iri n’iri cg ntirikine.

    3 February
  • chat_bubble Amaherezo

    Dore igituma umupira w’uRwanda udatera imbere, abanyamuryango ba FERWAFA barahabwa service mbi bakayanga uwitwa umuyobozi unakomeye mu rwego rw’Igihugu akaza agashyigikira ko service mbi ikomeza gutangwa akiha kunenga abagaragaje ibitagenda, ntabwo bizashoboka.

    2 February
  • chat_bubble Fayi

    Yamaze! Patriot yo muri basket ball yayinenze na yo ko yikuye mu irushanwa? Ikipe abereye umuyobozi ari yo APR . ubushize ko yari igiye kuryikuramo yayinenze iki? ibyo yasabaga ntibyubahirijwe? abakinnyi ba APR ntibakinisha umupira amaguru 2 nk’abay’andi makipe? ntibakitwaze umwambaro bambaye ngo batekereze ko hari uwishimira serivise mbi!

    2 February
  • chat_bubble Juvens

    Mwakoze cyane mfura zacu guhatana kugeza ku Gikombe. Naho Kigwari FC ikomeze ikomeze itiku.

    2 February
  • chat_bubble Seth

    Harya ngo aho kwitabira iryo rushanwa nibatemera ko ikinisha abakinnyi bayo badafite ibyangombwa ngo bahitamo gushakisha imikino ya Gishuti cg bakazindukira mû myitozo ? (Iri n’ijambo ry’umuvugizi wa Gasenyi yahaye imwe mu maradiyo akorera hano mu Rwanda mutagirango ngo n’itiku) erega nta muryango ubura ibigwari

    2 February
  • chat_bubble Kakule

    Uguhitamo kumara ipfa. Bamwe bahitamo kuba intwari abandi bagahitamo ubugwari. Rero abahisemo gushigikira ubugwari nababwira iki.gusa rero icyanshimishije n’uko hari bamwe muba Rayons babajwe n’imyanzuro yafashwe n’abayobozi babo. N’ikimenyimenyi nyuma gato y’umwanzuro basohoye itangazo zibyifuzo byazo. Ibyifuzo byose birimo ko usibye amarushanwa ateganya na FIFA’CAF’CECAFA andi marushanywa bagomba kujya bahitamo ubahagararira mw’itegurwa yayo. Iyo myanzuro kandi ngo igomba gukurikizwa kuva nono 02/02/2020.

    2 February
  • chat_bubble kalisa

    Byari kuba byiza iyo Rayon Sports yitabira irushanwa ry’ubutwari. Gusa ariko nanone Si umuyobozi w’Ikipe APR wari kunenga Rayon Sports. Biriya ni ukurenga imbibi. Ijambo nka ririya ryavugwa n’abateguye irushanwa cyangwa abandi bayobozi b’igihugu.

    Ku rundi ruhande iyo irushanwa rigendera Ku mabwiriza adatanga ubwinyagamburiro, Ku buryo kuryitabira byateza ikipe igihombo, umwanzuro ni ukutarijyamo. Gutegura irushanwa bitwara arenze 6m z’igihembo gikuru. Ntiwakinisha abarwayi ngo ni ukugirango ushimishe rubanda.

    Ahubwo bibe isomo. CHENO imara amezi 12 izi ko izakoresha irushanwa. Kuki iby’amategeko n’imyiteguro bitanozwa kare hagategerezwa ukwezi kwa nyuma?

    Nizere ko uwanenze Rayon atabikuririza ngo...

    2 February

Inzindi nkuru

Ibaruwa ya RGB yahaye ibyishimo abashyigikiye ko Mvukiyehe Juvenal ayobora...

Urwego rw’igihugu rw’imiyoborere [RGB] rwagiriye inama Kiyovu Sports ko...
25 September 2020 Yasuwe: 2508 0

Messi yibasiye bikomeye abayobozi ba FC Barcelona mu butumwa yatanze...

Kapiteni wa FC Barcelona,Lionel Messi yasezeye kuri mugenzi we bakinanaga...
25 September 2020 Yasuwe: 2765 0

Aubameyang yahishuye impamvu ikomeye yatumye yanga kujya FC Barcelona...

Rutahizamu akaba na kapiteni wa Arsenal, Pierre-Emerick Aubameyang...
25 September 2020 Yasuwe: 1516 0

Mario Balotelli yambitse impeta y’umubano umukobwa bamaranye ukwezi kumwe...

Rutahizamu Mario Balotelli yasabye umukobwa witwa Alessia Messina ko...
25 September 2020 Yasuwe: 3057 0

Bayern Munich yongeye gukora amateka itwara UEFA Super Cup

Ikipe ya Bayern Munich ikomeje kugaragaza ubukaka bwayo mu gutwara ibikombe...
25 September 2020 Yasuwe: 633 0

FERWAFA yasaranganyije amakipe indi nkunga yatanzwe na CAF

Ishyirahamwe ry’umupira w’amaguru mu Rwanda ryagabanyije amakipe atandukanye...
24 September 2020 Yasuwe: 1413 0