Ikipe ya Gorilla FC ikomeje urugendo rwo kurokoka kumanuka mu cyiciro cya kabiri kuko yatsinze umukino wa kabiri yikurikiriranya muri shampiyona.

Sponsored Ad

Kuri uyu wa Kabiri nibwo hatangiye imikino y’umunsi wa 26 wa shampiyona aho habaye imikino ibiri gusa.

Ikipe ya Etoile de l’Est ifite amahirwe menshi yo kumanuka yakiriye Gorilla FC itsindwa igitego 1-0 cya Iradukunda Simeon.

Gorilla FC itsinze umukino wa 2 wikurikiranya, bwa mbere nyuma y’imikino 8 ya shampiyona.Yaherukaga gutsinda Police FC ibitego 2-0.

Ni intsinzi ibashyize ku mwanya wa 11 n’amanota 29, barusha amanota atanu ikipe ya 15 ariyo Bugesera FC, imwe muri ebyiri ziba zigomba kumanuka mu cyiciro cya kabiri.

Ku rundi ruhande,Police FC yatsinze ibitego 2-0 Amagaju nayo yiyunga n’abafana bayo mbarwa nyuma yo gutsindwa umusubirizo mu gice cya kabiri cya shampiyona.

Ibitego byayo byatsinzwe na Nshuti Dominique Savio na Hakizimana Muhadjiri

Police FC yabonye intsinzi ya 2 mu mikino 12 ya shampiyona baheruka gukina.

Mu gihe isigaje imikino 4 ya shampiyona, Gorilla FC ya Mudaheranwa Youssuf Hadji uyobora Rwanda Premier League ikeneye gukomeza gutsinda kugira ngo izakine shampiyona ya 2024/25.

Imikino ikipe ya Gorilla isigaje:

21/4 Gorilla v Musanze
28/4 Sunrise v Gorilla
4/5 APR FC v Gorilla
12/5 Gorilla v MVS

Uko bihagaze:

11. Gorilla FC 29 Pts (+1)
.
.
15. Bugesera FC 24 Pts (-1)
16. Etoile De L’Est 22 Pts