Manzi Thierry, myugariro wo hagati mu ikipe ya Rayon Sports,wavunikiye mu mukino wa Bugesera FC wabaye mu mpera z’ukwezi gushize, ashobora kujya kuvuzwa hanze y’u Rwanda.
Manzi Thierry yakinnye iminota 15 gusa ku mukino iyi kipe yatsinzemo Bugesera FC igitego 1-0 ku wa Gatandatu tariki 26 Ugushyingo 2016, aho yaje kugira imvune yatumye asohorwa mu kibuga.
Nyuma y’uyu mukino byatangajwe ko uyu mukinnyi ashobora kumara ibyumweru bitatu adakina ariko nk’uko amakuru ahari abivuga, imvune y’uyu (...)

Sponsored Ad

Manzi Thierry, myugariro wo hagati mu ikipe ya Rayon Sports,wavunikiye mu mukino wa Bugesera FC wabaye mu mpera z’ukwezi gushize, ashobora kujya kuvuzwa hanze y’u Rwanda.

Manzi Thierry yakinnye iminota 15 gusa ku mukino iyi kipe yatsinzemo Bugesera FC igitego 1-0 ku wa Gatandatu tariki 26 Ugushyingo 2016, aho yaje kugira imvune yatumye asohorwa mu kibuga.

Nyuma y’uyu mukino byatangajwe ko uyu mukinnyi ashobora kumara ibyumweru bitatu adakina ariko nk’uko amakuru ahari abivuga, imvune y’uyu mukinnyi irakomeye ku buryo ashobora kujya kuvuzwa hanze.

Umunyamabanga w’ikipe ya Rayon Sports, Gakwaya Olivier akaba yatangarije RuhagoYacu ko Manzi Thierry ashobora kujyanwa hanze igihe byaba bikunze.

Manzi Thierry wageze muri Rayon Sports muri Nyakanga 2015 avuye mu ikipe ya Marines, ni umwe mu bagize uruhare rwo kuba ikipe ye ya Rayon Sports igeze ku munsi wa karindwi wa shampiyona bataranjizwa igitego.

Hamwe na Rayon Sports, Manzi Thierry yatwaye igikombe cy’Amahoro cya 2016, basoza ku mwanya wa kabiri muri shampiyona mu gihe amaze guhamagarwa mu ikipe y’igihugu Amavubi inshuro ebyiri ku mikino ya Senegal, Mozambique na Ghana.