skol
Kigali
startimes

Amabaruwa y’urukundo ya Tupac n’ikamba rya Notorious B.I.G byaguzwe akayabo

Imyidagaduro   Yanditswe na: Dusingizimana Remy 16 September 2020 Yasuwe: 772

Ikamba ryambawe ubwo Notorious B.I.G yifotoje mbere gato y’uko yicwa, n’amabaruwa y’urukundo ya Tupac Shakur akiri ingimbi, ku wa kabiri nijoro byaguzwe muri cyamunara i New York.


Iryo kamba ryaguzwe US$594,750 (ni hafi miliyoni 580 mu mafaranga y’u Rwanda) nk’uko bivugwa na kompanyi y’ubucuruzi ya Sotheby’s yarigurishije.

Mu kwezi gushize, Sotheby’s yari yabariye iri kamba ryonyine agaciro kari hagati ya US$200,000 na US$300,000, none ryaguzwe hafi inshuro ebyiri z’ayo batekerezaga.

Biggie yambaye iri kamba iminsi itatu gusa mbere y’uko araswa ari mu modoka agapfa tariki 09/03/1997, yari afite imyaka 24.

Amabaruwa y’urukundo umuhanzi w’icyamamare Tupac Shakur yandikiye umukobwa bakundanaga biga ku ishuri ryisumbuye ry’i Baltimore, yo yaguzwe $75,600 (arenga miliyoni 73 mu manyarwanda).

Mu nzu ya cyamunara, aya mabaruwa yari yiswe ko "aryoshye mu bihe bigoye" nk’uko bivugwa na televiziyo CNN.

Mu itangazo ryasohowe na Sotheby’s, iyi kompanyi ivuga ko ririya kamba rya Biggie n’amabaruwa ya Tupac bitanga "ishusho yimbitse, mu buryo bwabyo, y’aba bantu mu bundi buryo batazwi muri rubanda".

Iyi kompanyi ivuga ko kuba ibi bintu byaguzwe kuri ako gaciro ari "ikimenyetso cy’ingufu hip-hop yatangiranye n’uburyo yamamaye nyuma".

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bruce Melodie yagowe no gusubiza Mariya Yohana wamubajije impamvu asigaye...

Umuhanzi Bruce Melodie uhagaze neza kurusha abandi bose bakorera umuziki mu...
16 October 2020 Yasuwe: 13194 2

Rihanna yasabye imbabazi Abasilamu kubera ikosa aherutse gukora

Rihanna yasabye imbabazi avuga ko yababaje "abavandimwe b’abasilamu" kubera...
7 October 2020 Yasuwe: 1616 0

Alpha Rwirangira n’umugore bakiriye imfura yabo nyuma y’ukwezi kumwe...

Umuhanzi Alpha Rwirangira n’umugore we Umuziranenge Liliane, baherukaga...
4 October 2020 Yasuwe: 1559 0

Amabaruwa y’urukundo ya Tupac n’ikamba rya Notorious B.I.G byaguzwe...

Ikamba ryambawe ubwo Notorious B.I.G yifotoje mbere gato y’uko yicwa,...
16 September 2020 Yasuwe: 772 0

Perezida Magufuli yikuye ingofero ye ayambika Diamond ku mugaragaro nawe...

Perezida wa Tanzania, Dr John Pombe Magufuli ,yahamagaye umuhanzi Diamond...
8 September 2020 Yasuwe: 3621 0

Umuraperi Fireman yateye ivi yambika impeta umukunzi we [AMAFOTO]

Umuraperi Uwimana Francis uzwi nka Fireman yateye ivi asaba umukunzi we...
30 August 2020 Yasuwe: 2340 0