skol
Kigali
startimes

Biravugwa ko umugabo wabyaranye na Juliana Kanyomozi ari umunyarwanda w’umuherwe [AMAFOTO YE]

Imyidagaduro   Yanditswe na: Dusingizimana Remy 14 May 2020 Yasuwe: 12966

Ibinyamakuru byo muri Uganda byakoze iperereza ryimbitse ku mugabo waba wabyaranye n’umuhanzikazi Juliana Kanyomozi,birangira bimwe byemeje ko ngo ari umukire w’umunyarwanda wiyitwa Habi Moses ku mbuga nkoranyambaga.


Umuhanzikazi Juliana Kanyomozi yatangaje ko tariki 12 Gicurasi 2020 ari bwo yibarutse umwana w’umuhungu yise ’Taj’. Icyakora ntiyatangaje se w’uyu mwana nkuko benshi bari babyiteze.

Amatsiko yabaye menshi kuri bamwe bituma ikinyamakuru cyitwa Blizz Uganda gikora ubushakashatsi ku mugabo waba warabashije gukora ku mutima uyu muhanzikazi wamenyekanye cyane muri Afurika.

Ikinyamakuru Blizz Uganda cyavuze ko kigendeye ku bushakshatsi cyakoze ndetse n’abantu bagiye bandikirana na Juliana Kanyomozi,cyaketse umuherwe kivuga ko ari umunyarwanda witwa Habi Moses.

Iki kinyamakuru cyavuze ko ngo Juliana n’uyu Moses bamaze imyaka myinshi bari mu rukundo rw’ibanga ndetse ngo bahisemo gukomeza kubihisha gusa byarangiye urukundo rwabo rweze imbuto.

Iki kinyamakuru cyavuze kandi ko ngo uyu Moses amaze amezi menshi ashyira ku rukuta rwe amafoto n’amagambo avuga ku gutwita kwa Juliana ariko ngo abantu ntibigeze babiha umwanya.

Blizz Uganda yavuze ko itsinda ry’abanyaamakuru bayo bagerageje gufata screenshoots za zimwe muri posts z’uyu muherwe w’umudogiteri ukomoka mu Rwanda witwa Habi Moses,ufite imodoka nyinshi,inyubako nziza kandi ihenze mu mujyi wa Kampala.

Mu butumwa yashyize ku mbuga nkoranyambaga ze nyuma yo kubyara,Juliana Kanyomozi yavuze ko ’yishimye cyane’, ati "Ni umuhungu!! Suhuza Taj. 12/05/2020 (itariki yavutseho). Turishimye cyane. Imana ihabwe icyubahiro".

Tariki 20/07/2014 ni bwo Juliana Kanyomozi yagize ibyago apfusha imfura ye Keron Raphael Kabugo wari ufite imyaka 11 y’amavuko wazize indwara ya Asima, akaba yaramubyaranye na Amon Lukwago baje gutandukana.

Juliana Kanyomozi ni kenshi yatangaje ko urupfu rw’imfura ye rwamusigiye agahinda kenshi, gusa kuri ubu umutima we wuzuye amashimwe.

Kwibaruka kwe nyuma y’imyaka 6 abuze imfura ye, ni inkuru yishimiwe na benshi bavuze ko Imana imushumbushije uwo yabuze mu 2014. Mu isaha ebyiri gusa, ifoto uyu muhanzikazi yashyize ku rukuta rwe rwa Instagram, yari imaze gutangwaho ibitekerezo ibihumbi 3 by’abakunzi be, abahanzi banyuranye n’abandi benshi bishimiye iyi nkuru.

Abahanzi bagenzi be bo muri Uganda n’abo mu karere bamugaragarije ko bashimiye cyane kwibaruka kwe, harimo Dr Jose Chameleone, Aline Gahongayire, Spice Diana, Ykee Benda, Iryan Namubiru, Dj Pius, Lydia Jazmine, Sheeba Karungi, Bobi Wine, n’abandi bantu b’ibyamamare nka Zari The Boss Lady, Alex Muyoboke, Judith Heard n’abandi.

Juliana Kanyomozi n’umwe mu bahanzikazi beza mu gihugu cya Uganda no muri Afurika. Yabonye izuba kuwa 27 Ugushyingo 1980, arasatira imyaka 39 y’amavuko.

Mu gihe amaze mu muziki yasohoye Album nka ‘Nabikowa’, ‘Kanyibwe’, ‘Bits & Pieces’ n’izindi. Azwi mu ndirimbo nka Zaabu, Twalina Omukwano,Kibaruma,Mama Mbile,Woman,Diana n’izindi.







Ikinyamakuru Blizz Uganda cyavuze ko gikeka ko habi Moses ariwe se w’umwana wa Juliana Kanyomozi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble KAMBI KAMBI

    Karekezi ntukansetse abemerewe kurongora officially se ibyo nibiki isezerano rikomeye niryawe nuwo mukundana ibindi n imihango nimyemerere nawe wakuze ubisanga ,bibiliya dusoma abagore yakobo yarongoye akagera no kubaja yasezeranye nabangahe? Dawidi c Aho yageraga ko yashingaga ivi akawamuhanzi hhhh sha kdi mubafata nk’intangarugero mugakiza kuyu munsi dia ! So izezerano rizima niryae n umukunzi wae ibindi ni uguhuruza ubikora ubishatse! Ngo officially hhh abatabikoze officially se bo bashyira mugutwi hhhhh

    4 months ago
  • chat_bubble karekezi

    Kandi uyu mudamu abyara Atari yarongorwa officially.Ikibabaje nuko avuga aririmba "indirimbo z’Imana".Ariko nge mbona abantu bakinisha Imana.Muzagenzure,muzasanga abantu benshi b’aba Stars baririmba indirimbo bita ko ari “indirimbo z’Imana”,usanga benshi cyane bakora ibyo Imana itubuza,cyanecyane ubusambanyi.Ndatanga ingero nkeya:Hera kuli uyu Senderi ufite abana yabyaranye n’abo batateye igikumwe kandi nawe arabyemera.Ukurikizeho Bosebabireba nawe uhora atera abakobwa inda.Utibagiwe wa mugandekazi Juliana Kanyomozi uhinduranya abagabo,bakabyarana abana,bitanyuze mu mategeko.Ntitugakinishe Imana.Nubwo byitwa ngo ni “Indirimbo z’Imana”,zirayibabaza cyane.Kubera ko abaziririmba bakora ibyo itubuza.Ku Mana,ibyo biba ari uburyarya.Bihuye nuko muli Matayo 15:8,Imana ivuga ngo: “Banyubahisha iminwa yabo gusa,ariko umutima wabo uri kure yange”.

    4 months ago

Inzindi nkuru

Perezida Magufuli yikuye ingofero ye ayambika Diamond ku mugaragaro nawe...

Perezida wa Tanzania, Dr John Pombe Magufuli ,yahamagaye umuhanzi Diamond...
8 September 2020 Yasuwe: 3317 0

Umuraperi Fireman yateye ivi yambika impeta umukunzi we [AMAFOTO]

Umuraperi Uwimana Francis uzwi nka Fireman yateye ivi asaba umukunzi we...
30 August 2020 Yasuwe: 2081 0

Diamond n’umuhungu we mu batsindiye ibihembo byo kwambara neza

Urutonde rwabatsindiye ibihembo bya East Africa Fashion Awards ya 2020...
5 August 2020 Yasuwe: 4989 0

Diamond Platnumz yahishuye ko agiye kurushinga n’umukobwa bivugwa ko ari...

Umuhanzi ukunzwe cyane muri Afurika,Diamond Platnumz,yatangaje ko afite...
5 August 2020 Yasuwe: 4875 0

Umukozi w’amashanyarazi ari mu gahinda kenshi ko gutwarwa umukunzi...

Umwongereza witwa Joe McGinn w’imyaka 24ari mu gahinda kenshi ko kuba...
25 July 2020 Yasuwe: 3029 0

Kanye West yahishuye ko ashaka gutandukana n’umugore we Kim Kardashian

Kanye West, umuhanzi uvuga ko ashaka kwiyamamariza kuyobora leta zunze...
22 July 2020 Yasuwe: 4227 0