addresiya
Kigali
startimes

Eminem amaze ukwezi afungiye mu nzu ye umuntu wamuteye

Imyidagaduro   Yanditswe na: Dusingizimana Remy 2 May 2020 Yasuwe: 3136

Uhagarariye Eminem yabwiye BBC ko uyu muraperi wo muri Leta Zunze Ubumwe z’Amerika yafungiye iwe umuntu wamuteye mu kwezi gushize kwa kane.



Uyu muririmbyi yakanguwe n’inzogera y’umutekano mu masaha yo mu mucyerera, nyuma yaho umuntu yinjiriye mu rugo rwe ruzitiye ruri mu mujyi wa Detroit muri leta Michigan.

Eminem w’imyaka 47 y’amavuko yasanze uwo muntu mu cyumba cy’uruganiriro (salon) cy’inzu ye. Umucungira umutekano yahise ahagera nyuma yaho gato, akurikiwe na polisi.

Uwo ucyekwa nyuma yaje gutabwa muri yombi ndetse kugeza ubu aracyafunze.

Byumvikana ko uwo muntu yinjiye aciye mu gikari, ubwo ucunga umutekano wa Eminem yari ari ku irembo.

Eminem - ubundi izina rye ry’ukuri rikaba ari Marshall Mathers - yakanguwe n’inzogera y’umutekano, asanga uwo ucyekwaho kumwinjirira mu nzu ari muri ’salon’.

Nkuko bivugwa n’uwavuganye n’urubuga rwa internet ET Online rwandika ku byamamare, ucunga umutekano wa Eminem yahise ajya gutabara sebuja nyuma yaho afatiye uwo ucyekwaho kumutera.

Eminem ni umwe mu baririmbyi bakomeye ku isi bo mu njyana ya hip-hop.

Ndetse mu ntangiriro y’uyu mwaka, umuzingo (album) w’indirimbo we uheruka wa ’Music To Be Murdered By’ wageze ku mwanya wa mbere w’indirimbo zikunzwe cyane mu Bwongereza.

Nyuma gato yo gusohora uwo muzingo w’indirimbo, Eminem yasubije abanenga amagambo awugize, avuga ko utagenewe "abarakazwa n’ubusa".

Mu kwezi gushize kwa kane, Eminem yatangaje ubutumwa ku mbuga nkoranyambaga avuga ko yishimira ko amaze imyaka 12 atakiri imbata y’inzoga n’ibiyobyabwenge.

Marshall Bruce Mathers III wamamaye nka Eminem, yatangaje ko kuba yujuje imyaka 12 aretse inzoga hamwe n’itabi, ari ibintu afata nk’urugendo rurerure rwasukuye ubuzima bwe.

Aganira ku kunywa inzoga n’itabi birenze urugero, yabwiye Ikinyamakuru Men’s Journal mu 2015 ati: “Nakabije kunywa ibinini bintesha umutwe, njya mu bitaro. Nari mfite hafi ibiro 230 mbese byavangaga no kumbyibushya. Sinzi neza uko nabaye munini, ariko nagize ibitekerezo.

Nanywaga agafuniko ka Vicodine na Valium, nari maze imyaka myinshi mbifataho byaje kunsigisiga umwobo mu nda, rero kugira ngo wirinde igifu, nahoraga ndya kandi nkarya nabi."

Eminem akimara kubona ko yazahajwe n’ibi biyobyabwenge, yaje kugana ikigo ngororamuco. Amaze kuva mu kigo ngororamuco, yasobanuye ko imyitozo ariyo yamubujije kwirinda inzoga n’ubasinzi.

Ati: "Igihe navaga muri kigo ngororamuco, nagombaga kugabanya ibiro, ariko nanone nari nkeneye kumenya uburyo bwo gukora neza. Keretse niba narahanaguwe mu mutwe, nagize ikibazo cyo gusinzira ku buryo byari byiza kwibagirwa inzoga n’itabi. Biroroshye kumva uburyo abantu basimbuza ibiyobyabwenge imyitozo”.

Eminen nyuma yo kureka ibiyobyabwenge byiganjemo itabi n’inzoga ubu avuga ko umubiri wahanaguwe mu myaka hafi 12 amaze atazi ikibi cy’itabi n’inzoga byinjira mu mubiri we ahagamya ko ubu yasukuwe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Polisi yahagaritse igitaramo cya Tuff Gangs cyacaga kuri You Tube kubera...

Abaraperi bagize itsinda rya Tuff Gangs riri mu yazanye Hip Hop mu Rwanda...
24 May 2020 Yasuwe: 1224 0

Biravugwa ko umugabo wabyaranye na Juliana Kanyomozi ari umunyarwanda...

Ibinyamakuru byo muri Uganda byakoze iperereza ryimbitse ku mugabo waba...
14 May 2020 Yasuwe: 12750 2

Umuhanzi nyarwanda ukorera umuziki muri Amerika yashyize hanze Mixtape...

Shema Shikiro Richard umunyarwanda uba muri Amerika ukoresha izina...
8 May 2020 Yasuwe: 1295 0

Eminem amaze ukwezi afungiye mu nzu ye umuntu wamuteye

Uhagarariye Eminem yabwiye BBC ko uyu muraperi wo muri Leta Zunze Ubumwe...
2 May 2020 Yasuwe: 3136 0

Zari yandagaje Diamond Platnumz amushinja kwanga kwita ku bana yabyaye...

Icyamamare ku mbuga nkoranyambaga Zari Hassan yatangaje ko anenze ku...
27 April 2020 Yasuwe: 2921 0

Ykee Benda yabwiwe ko azamenwa impanga kubera umunyamakurukazi ukundana...

Umuhanzi ukomeye muri Uganda witwa Wycliffe Tugume uzwi cyane nka Ykee...
27 April 2020 Yasuwe: 3075 0