addresiya
Kigali
startimes

Israel Mbonyi abimburiye abandi bahanzi ba Gospel gukora igitaramo gikomeye

Imyidagaduro   Yanditswe na: Martin Munezero 13 January 2020 Yasuwe: 1050

Umuhanzi mu ndirimbo zihimbaza Imana, Israel Mbonyi atangiranye umwaka wa 2020 imbaraga nyinshi dore ko abimburiye abandi bahanzi ba Gospel gutegura igitaramo kandi gikomeye mu matariki abanza y’umwaka.



Uyu muhanzi ubu akomeje imyiteguro y’igitaramo gikomeye azakorera mu karere ka Huye muri Kaminuza y’u Rwanda.

Tariki 02/02/2020 ni bwo Israel Mbonyi azakora iki gitaramo. Ni igitaramo yise ‘Israel Mbonyi live in concert Huye’ yateguye ku giti cye abinyujije muri ’12 stones’ abereye umuyobozi. Kizabera mu nzu mberabyombi ya Kaminuza y’u Rwanda ishami rya Huye (Huye UR-Campus Auditorium) kuva saa cyenda z’amanwa kugeza saa mbiri z’ijoro. Ni ubwa mbere azaba ahakoreye igitaramo.

Kwinjira muri iki gitaramo ni ukwishyura. Abanyeshuri bagura amatike mbere y’uko igitaramo kiba, barayahabwa ku mafaranga ibihumbi bibiri y’amanyarwanda (2000Frw) naho abazayagurira ku muryango wa Auditorium ku munsi w’igitaramo, itike imwe izaba igura 3,000 Frw. Abandi batari abanyeshuri, yaba mbere y’igitaramo no ku munsi nyirizina w’iki gitaramo, itike bazayigura amafaranga ibihumbi bitanu (5,000Frw).

Israel Mbonyi ni umwe mu bahanzi bakunzwe cyane mu Rwanda bitewe n’ibihangano bye byomora-byomoye imitima ya benshi. Mu mwaka wa 2015 ni bwo yamuritse album ya mbere mu gitaramo cy’amateka yakoreye mu mujyi wa Kigali muri Serena Hotel. Ni igitaramo cyaciye agahigo icyo gihe cyo kuba icya mbere cy’umuhanzi nyarwanda wa Gospel cyitabiriwe ku rwego rwo hejuru.

Nyuma yacyo yakoye ibindi bitaramo binyuranye mu Rwanda no hanze yarwo ku migabane itandukanye ari nako akora izindi ndirimbo nshya zaryoheye benshi zirimo; Hari Ubuzima, Intashyo, Sinzibagirwa n’izindi. Tariki ya 31 Werurwe 2019 Israel Mbonyi yahawe igihembo cya Salax Award nk’umuhanzi wa Gospel wakoze cyane kurusha abandi mu myaka itatu ishize (2016-2019).

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble masengesho

    Uyu musore abantu baramukunda cyane.Gusa umuntu yakwibaza niba koko baba bacurangira Imana cyangwa niba ari uburyo bwo kwishakira amafaranga.Nawe reba ukuntu Tickets zo kwinjira biba bihenze.Ntibatinya no guca 20 000 Frw.Nyamara Yesu yasabye abakristu gukorera imana ku buntu.

    4 months ago

Inzindi nkuru

Polisi yahagaritse igitaramo cya Tuff Gangs cyacaga kuri You Tube kubera...

Abaraperi bagize itsinda rya Tuff Gangs riri mu yazanye Hip Hop mu Rwanda...
24 May 2020 Yasuwe: 1215 0

Biravugwa ko umugabo wabyaranye na Juliana Kanyomozi ari umunyarwanda...

Ibinyamakuru byo muri Uganda byakoze iperereza ryimbitse ku mugabo waba...
14 May 2020 Yasuwe: 12711 2

Umuhanzi nyarwanda ukorera umuziki muri Amerika yashyize hanze Mixtape...

Shema Shikiro Richard umunyarwanda uba muri Amerika ukoresha izina...
8 May 2020 Yasuwe: 1284 0

Eminem amaze ukwezi afungiye mu nzu ye umuntu wamuteye

Uhagarariye Eminem yabwiye BBC ko uyu muraperi wo muri Leta Zunze Ubumwe...
2 May 2020 Yasuwe: 3091 0

Zari yandagaje Diamond Platnumz amushinja kwanga kwita ku bana yabyaye...

Icyamamare ku mbuga nkoranyambaga Zari Hassan yatangaje ko anenze ku...
27 April 2020 Yasuwe: 2913 0

Ykee Benda yabwiwe ko azamenwa impanga kubera umunyamakurukazi ukundana...

Umuhanzi ukomeye muri Uganda witwa Wycliffe Tugume uzwi cyane nka Ykee...
27 April 2020 Yasuwe: 3069 0