Kigali

Kayiranga wateguye igitaramo “Ikirenga mu bahanzi” kigasubikwa n’umujyi wa Kigali yahishuye akayabo k’amamiliyoni bahombye

Imyidagaduro   Yanditswe na: Dusingizimana Remy 10 March 2020 Yasuwe: 3504

Uwateguye igitaramo "Ikirenga Mu Bahanzi" cyagombaga kuba ku cyumweru kigasubikwa,Kayiranga Melchior yabwiye BBC ko hakoreshejwe miliyoni 30 FRW mu kugitegura utabariyemo imbaraga batakaje.



Iki gitaramo cyagombaga kubera mu mujyi wa Kigali cyahagaritswe ku munsi nyirizina cyari kuberaho kubera impamvu abagiteguye bavuga ko batumva gusa umujyi wa Kigali wagihagaritse uvuga ko ari ukwirinda Coronavirus.

Iki gitaramo cyari kigiye kuba ku nshuro ya mbere mu Rwanda cyari guhemberwamo umuhanzikazi Cecile Kayirebwa kubera uruhare yagize mu kugeza kure umuziki nyarwanda no kuririmba mu kinyarwanda.

Kayiranga yabwiye BBC ati "Natwe ni ibintu byadutunguye kuko twabimenye [...] twamaze [gutegura] ibyuma, salle twarayishyuye kera kuko twayishyuye mu kwezi kwa mbere.



"Twari dufite urwandiko rutwemerera gukora icyo gitaramo, twaruhawe mu kwezi kwa mbere itariki 21 [...] twaruhawe n’umujyi wa Kigali.

"Bigeze mu ma saa saba niho polisi yabuzaga abantu kwinjira. Ariko polisi ikavuga ngo yahawe amabwiriza y’uko tutagomba gukora igitaramo. Tukayibwira duti ese ufite icyemezo kigaragaza aya mabwiriza, wayahawe nande? Polisi ati nayahawe n’abantu bankoresha".

Bwana Kayiranga yakomeje avuga ko yahamagaye abayobozi b’umujyi ababaza niba ibi bintu ari byo, abasigira n’ubutumwa (message) ariko ntawigeze amusubiza.



Yongeyeho ko mu ma saa cyenda ari ho umujyi wa Kigali washyize ubutumwa ku rubuga twitter uvuga ko wahagaritse ibitaramo.

BBC yabajije bwana Kayiranga niba atarabwiwe ko impamvu igitaramo cyahagaritswe biri mu ngamba zo kwirinda icyorezo cya coronavirus, avuga ko nawe yabibonye kuri twitter.

Yavuze ati: "Ushobora kwibaza impamvu igitaramo cyacu cyahagaritswe kandi ku cyumweru habaye imipira,habaye ibirori by’abari n’abategerugori ahantu henshi hatandukanye. Umupira wabaye ku cyumweru, igitaramo cyacu ni ku cyumweru, ko hose hajya abantu?

"Ikindi barasenze [abantu], bagiye mu nsengero zitandukanye abandi bajya mu masoko, kuki igitaramo cyacu ari cyo gihagaritswe?".

Kayiranga Melchior yavuze ko bahahombeye byinshi kuko igitaramo cyabo cyari gifite "budget" ya miriyoni 30 (y’amanyarwanda), kandi aho ngo ntiharimo imbaraga zakoreshejwe bagitegura mu mezi ane ashize.

Mu itangazo rigenewe abanyamakuru ryasohowe n’ubuyobozi bwa Bwiza Media Ltd, risaba abari baraguze amatike yo kujya muri iki gitaramo kuyagumana mu gihe bukiganira n’inzego zitandukanye bireba kugira ngo hashakwe umuti ukwiye wo kugikemura.

Igitaramo ‘Ikirenga mu bahanzi’ cyari cyateguwe na Bwiza Media, ku bufatanye na Karibu ASBL, Umushanana Media n’abacukumbuzi b’ireme ry’amateka n’umuco, kikaba cyaragombaga kuba ejo ku Cyumweru tariki ya 8 Werurwe 2020 kikabera ahazwi nka Camp Kigali.

Mu kindi gitaramo cyari cyateguwe na Adrien Misigaro ndetse Gentil Misigaro nacyo cyasubitswe, bahombye miliyoni 14 FRW.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Huye:Rasmuda yakoze indirimbo “Umucyo” yibutsa Ikiremwamuntu aho...

Umuhanzi uririmba ariko akanacuranga injyana ya Reggae , Rasmuda yashyize...
27 March 2020 Yasuwe: 743 0

Tiwa Savage yiyemeje gukoresha ibikinisho byifashishwa mu gutera akabariro...

Umuhanzikazi Tiwatope Savage wamenyekanye nka Tiwa Savage w’imyaka 40...
21 March 2020 Yasuwe: 9721 0

Icyamamare mu njyana ya Country Kenny Rogers yitabye Imana

Umuhanzi wakunzwe mu njyana ya Country guhera mu mwaka wa 1970 kugeza...
21 March 2020 Yasuwe: 1944 1

Umuhanzi Aurlus Mabele wari ukomeye muri Congo Brazza yahitanywe na...

Umuhanzi ukomoka mu gihugu cya Congo Brazzaville witwa Aurlus Mabele...
20 March 2020 Yasuwe: 2378 1

Diamond Platnumz yishumbushije ikizungerezi gifite uburanga buhebuje...

Umuhanzi ukunzwe cyane muri aka karere Diamond Platnumz yagaragaye ari mu...
16 March 2020 Yasuwe: 7773 4

Kitoko yashyize hanze ifoto ari gusomana byimbitse n’umukobwa bikekwa ko...

Umuhanzi w’umunyarwanda Kitoko Bibarwa yashyize kuri konti ye ya...
11 March 2020 Yasuwe: 5803 3