Kigali
dnd

Safi Madiba ashobora kujya mu kaga kubera indirimbo yiyanditseho

Imyidagaduro   Yanditswe na: Martin Munezero 15 January 2020 Yasuwe: 2909

Ni nyuma y’igihe havugwa umwuka mubi hagati y’umuhanzi Niyibikora Safi Madiba n’inzu itunganya muzika ya The Mane bapfa ubwumvikane buke no kutubahiriza amasezerano bagiranye hagati yabo nkuko Safi Madiba yabyemeje.



The Mane nyuma y’aho abari ibikomerezwa, Safi Madiba na Jay Polly bayiyomoyeho bayishinja kutubahiriza amasezerano bagiranye.iyi nzu ngo ntirabyumva neza ku ruhande rwa Safi .

The Mane yemeje ko kuba baratandukanye na Safi Madiba nta gihombo na kimwe abibonamo cyane ko hari abandi bahanzi.

Ubwo umwuka mubi watangiraga gututumba, The Mane yasohoye itangaza risaba abantu bose kutongera gukoresha ibihangano bimwe bya Safi kuko atabifiteho uburenganzira ahubwo ko biri mu maboko y’iyi nzu, gusa uyu muhanzi yari yaramenye ubwenge hakiri kare ajya kubyandikisha muri RDB nk’umutungo we bwite.

The Mane yavuze ko uyu muhanzi yabikoze abaciye inyuma ariko bagiye gukora ibishoboka byose bagasubirana uburenganzira bwabo.

Gahunzire Aristide ureberera inyungu za The Mane, yagize ati “Dufite uburyo turi kubikoramo uko byagenda kose ibihangano si ibye, hari ibimenyetso dufite. We yarabyandikishije nk’umuhanzi ariko natwe dufite uburyo tugomba kubigenza. Hari amategeko nyine ubwo azakurikizwa.”

Yavuze ko ibyo Safi Madiba yakoze ari icyaha gishobora guhanwa n’amategeko mu gihe baba batumvikanye banamujyana mu nkiko.

Gahunzire yavuze ko bataratangira kuganira na Safi Madiba ariko biri mu nzira ku buryo habanza ibiganiro bityo byazananirana bikazaba ari bwo habaho ibyo kwiyambaza izindi nzego.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Shakira yatangaje ikintu gisekeje gituma atemera gushyingiranwa mu buryo...

Umuhanzikazi Shakira Isabel Mebarak Ripoll uzwi cyane nka Shakira yavuze ko...
16 January 2020 Yasuwe: 7585 1

Safi Madiba ashobora kujya mu kaga kubera indirimbo yiyanditseho

Ni nyuma y’igihe havugwa umwuka mubi hagati y’umuhanzi Niyibikora Safi...
15 January 2020 Yasuwe: 2909 0

Akon agiye kubaka umujyi umwitirirwa bazajya bakoresha amafaranga...

Umuhanzi Aliaune Damala Bouga Time Puru Nacka Lu Lu Lu Badara Akon Thiam...
14 January 2020 Yasuwe: 3028 1

Israel Mbonyi abimburiye abandi bahanzi ba Gospel gukora igitaramo...

Umuhanzi mu ndirimbo zihimbaza Imana, Israel Mbonyi atangiranye umwaka wa...
13 January 2020 Yasuwe: 1014 1

Zari The Boss yahishuye ukuntu yabaye umukozi wo mu rugo n’ubuzima bugoye...

Rwiyemezamirimo akaba n’icyamamare ku mbuga nkoranyambaga ukomoka muri...
12 January 2020 Yasuwe: 4438 0

Umuhanzikazi ukomeye muri Uganda yinginze Eddy Kenzo amusaba ko...

Umuhanzi Eddy Kenzo uri mu gihirahiro cyo gushaka undi mugore nyuma yo...
11 January 2020 Yasuwe: 5251 0