Umugabo w’umuhanzikazi Dolly Parton witwa Carl Dean yafotowe bwa mbere ari mu ruhame nyuma y’imyaka 40 aba mu rugo atagaragara cyane kandi umugore we azwi hirya no hino ku isi.

Sponsored Ad

Umuhanzikazi Dolly n’umugabo we Dean bamaze imyaka 53 bashyingiranywe ariko igitangaje cyane nuko uyu mugabo ngo adasohoka mu rugo ndetse mu kwezi gushize nibwo yafotowe ari mu ruhame ibintu byaherukaga mu myaka 40 ishize.

Carl Dean w’imyaka 77 yagaragaye ari hanze y’urugo rwe ruherereye ahitwa Brentwood muri Tennessee ari kumwe n’ushinzwe kumwitaho.

Uyu mugabo utaragaragara ari kumwe n’umugore we wamamaye mu muziki,amaze imyaka 40 nta gafotozi urabasha kumufotora aho bivugwa ko atajya ava mu rugo rwe.

Amakuru avuga ko uyu mugabo atajya akunda kuganira n’abantu kereka iyo bibaye ngombwa aho atandukanye n’umugore we Parton uhora yasohotse mu bitaramo.

Amakuru avuga ko nubwo aba bombi bamaze imyaka 53 bashyingiranywe,batabana mu nzu imwe.

Dolly Parton n’umugabo we bahuye bwa mbere mu mwaka wa 1964 nyuma y’imyaka 2 barashyingiranwa mu bukwe bwitabiriwe na nyina wa Dolly n’umugore wa pasiteri wabo gusa.

Muri iyi myaka 50 Dolly na Dean ntibigeze bagaragara bari kumwe mu bitaramo nkuko ibindi byamamare bikunze kubigenza bigaca ku itapi itukura bifatanye agatoki ku kandi,abanyamakuru bafotora.

Dolly yavuze ko umugabo we yamurebye inshuro imwe yonyine ari kuririmba ubwo yari mu kiganiro cyo kuri TV na Ellen DeGeneres show muri 2011 gusa ngo n’umufana we wicecekeye.Aba bombi nta mwana bafitanye.

Dolly Parton azwi mu ndirimbo nka Jolene, Islands In The Stream,I will always love you,Coat of many colors n’izindi.