skol
fortebet

Umuhanzi Niyomwungere wakunzwe mu ndirimbo abantu yahitanwe na Covid-19

Yanditswe: Sunday 12, Apr 2020

Sponsored Ad

Umuhanzi w’Umurundi witwa Willy Léonard Niyomwungere wakunzwe cyane mu Rwanda no mu Burundi kubera indirimbo ye yise “Abantu”,yahitanwe n’icyorezo cya Covid-19 ku myaka 44.

Sponsored Ad

Uyu muhanzi yaguye mu gihugu cya Malawi kuri uyu wa Gatandatu nkuko Ikinyamakuru Malawi24 cyabitangaje.

Niyomwungere wageze muri Malawi kuwa 28 Werurwe 2020 avuye mu gihugu cya Canada aho yari atuye,yasuzumwe kuwa Gatanu w’iki cyumweru bamusangana Coronavirus yahise imuhitana.

Uyu muhanzi yari kumwe n’umugore we n’undi muntu wo mu bagize umuryango we bapimwe nabo basanganwa Coronavirus kuri uyu wa Gatandatu.

Uyu muhanzi yitabye Imana afite abana babiri b’abakobwa yasize muri Canada, mu gihe umugore we arwariye Covid-19 muri Malawi aho yari kumwe n’umugabo we.

Amakuru aravuga ko Minisiteri y’Ubuzima mu gihugu cya Malawi iri gushaka abo Willy Léonard Niyomwungere yahuye nabo gusa ni benshi cyane kuko ngo nyuma yo kurwara yagiye yerekeza ku bitaro bitandukanye yivuza ndetse ngo yagendaga muri Bisi rusange ariyo mpamvu bikekwa ko ashobora kuba yaranduje abantu benshi.

Mu Burundi, uyu mugoroba minisiteri y’ubuzima yatangaje ko habonetse abantu babiri bashya banduye Covid-19, umubare w’abayanduye ubu ni batanu(5).

Ku isi yose, ubu abamaze kwandura iki cyorezo ni 1,777,666, abamaze gupfa ni 108,867 mu gihe abamaze gukira ari 404,372.

Kugeza ku mugoroba wo kuri uyu wa gatandatu, ishami rishinzwe kurwanya ibyorezo mu muryango w’Ubumwe bwa Africa rivuga ko abanduye iki cyorezo muri Africa ari 13,145.

Iri shami rivuga ko imaze kwica abantu 700 naho 2,171 bayikize.

Ibihugu iki cyorezo kitarabonekamo muri Africa kugeza ubu ni Lesotho n’ibirwa bya Comores.

Muri aka karere uko abayanduye bahagaze;

DR Congo - 223
Kenya – 191
Rwanda – 120
Uganda – 53
Tanzania – 32
Burundi – 5
South Sudan – 4

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa