Kigali

Umuhanzi ukomeye muri Uganda yakoze ubukwe atumiramo abantu 11 gusa[AMAFOTO]

Imyidagaduro   Yanditswe na: Martin Munezero 20 November 2019 Yasuwe: 2905

Umuririmbyikazi w’icyamamare Heli Loyce Agaba muri Uganda uzwi nka Eli Esli n’umukunzi we Sunshine Melody usanzwe ari umucuruzi ukomeye ku Cyumweru bakoze ubukwe mu ibanga bwari bwatumiwemo abantu 11 gusa.



Ubu bukwe bwasakaye ku mbuga nkoranyambaga zitandukanye bwari ubwo gusezerana imbere y’Imana aba bombi bakoreye mu gace ka Kasese ho muri Uganda muri Kiliziya yitiriwe mutagatifu Pawulo (St Paul) batumiramo abantu 11 gusa byatumye abantu benshi batangarira uyu muhanzi usanzwe ari n’umutunzi bigaragara ko batabitewe n’ubushobozi buke.

Melody Sunshine yabwiye itangazamakuru ko ubukwe bwabo bashatse kubugira ibanga bagatumira abantu bake cyane barimo bamwe mu bagize umuryango w’umusore n’uw’umukobwa n’izindi ncuti za hafi bombi bangana n’abatumirwa cumi n’umwe (11).

Yavuze ko babatumira bababwiraga ko ari umuhango wo gushima Imana no gutanga ituro dore ko batari barigeze batangaza italiki y’ubukwe bwabo.

Yagize ati “Umusore wanyambariye yamenye ko aje mu bukwe bwajye ari uko ageze mu rusengero. Nta n’ubwo yari yaje yambaye nk’uko abandi bantu bambariye umugeni Bambara.”

Aba bageni nyuma yo kwambikana impeta no kurahirira imbere y’Imana ko bagiye kubana nk’umugabo n’umugore ubuziraherezo bakomeje bajya kwiyakira (Reception) mu rugo aho basangiye ifunguro ryoroheje n’abatumirwa babo.

Ikinyamakuru Chimp report n’urubuga ‘mywedding.co.ug’ dukesha iyi nkuru bwatangaje ko ubu bukwe bw’ibi byamamare bwatwaye amashiringi ya Uganda ibihumbi magana atatu yonyine (UGS300 000), ugenekereje mu mafaranga y’u Rwanda ni agera ku bihumbi 75.

Melody avuga ko amenshi muri aya mafaranga yagendeye mu guhaha ibyo kurya no kunywa kuko imyambaro batigeze bayigura. Yavuze imyenda yari yambaye yari yarayihawe nk’impano n’aho ikanzu y’umugeni ni iyo yari yivaniye muri kompani ye yitwa “Kanta Group Company” isanzwe icuruza Fashions.

Mu rugendo nabwo ngo ntirwigeze rubatwara amafaranga kuko bombi bitwaye mu modoka yabo haba kujya gusezerana no gutaha mu rugo. Umufotozi wabafotoye nawe ntiyigeze yishyurwa kuko yari asanzwe ari umukozi muri yabo Kanta Group Company.

Aba bageni basobanuye ko impamvu batigeze bashaka gusohora amafaranga mesnhi ari uko mu muhango wari warabanje wo gusaba no gukwa bari barakoresheje amafaranga menshi kuko ngo bari bakoresheje asaga miliyoni 49 z’amashilingi bikaba byaratumye bagabanya amafaranga kugirango ayandi bazayashore mu mishinga yabo na nyuma yo kubana.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble sezikeye

    Ese koko kujya Gusezerana mu Rusengero cyangwa mu Kiliziya biba ari ugusezerana "imbere y’imana"?Bible ivuga ko Imana itaba mu nsengero z’abantu nkuko Ibyakozwe 17:24 havuga.Dukurikije Bible,gusezerana mu nsengero ntabwo ari itegeko ry’imana.Icyo imana idusaba gusa ni ukujya “Kwiyandikisha" imbere y’ubutegetsi.Urugero, Maliya na Yozefu bagiye "kwiyandikisha" imbere y’ubutegetsi bw’I Bethlehem nkuko tubisoma muli Luka 2:5. Abantu bonyine Imana yasezeranyije,ni Adamu na Eva gusa.Kandi ntabwo yabasezeranyije mu Rusengero.Muli Bible,nta hantu tubona Abakristu ba mbere bagiye gusezerana mu rusengero.Ikibabaje cyane nuko abanyamadini b’iki gihe bakoresha iyi mihango bishakira ifaranga.Barihisha ubukwe,abapfuye,ndetse basigaye barihisha na toilets z’insengero.Nubwo Yesu yasize adusabye “gukorera Imana ku buntu” nkuko tubisanga muli Matayo 10:8,Abakuru b’amadini bafata umushahara buri kwezi.Nyamara nabo bakora Business zisanzwe nk’abandi bose.

    2 months ago
  • chat_bubble b

    Abandi bigireho

    2 months ago
  • chat_bubble What!!!!

    Mbega ubukwe bwintangarugero!!!!! Icyampa imyunvire yabanyarwanda igahinduka buriwese agakora ibyo akunze bitabamgamiye uburenganzira bwabandi kuruta gukora ibyo society igutegeka.

    2 months ago

Inzindi nkuru

Michelle Obama yashyize hanze urutonde rw’indirimbo zimufasha gukora siporo...

Umufasha w’uwahoze ari perezida wa USA,Barack Obama witwa Michelle Obama...
20 January 2020 Yasuwe: 1823 0

Rihanna yongeye gushyira hanze ifoto ishotorana nyuma yo gutandukana...

Umuhanzikazi Robyn Rihanna Fenty uzwi nka Rihanna yongeye gushyira hanze...
20 January 2020 Yasuwe: 9423 2

Kayitare Wayitare Dembe yifatiye ku gakanu Safi Madiba na Platini[AMAFOTO+VIDEO]

Umuhanzi nyarwanda Kayitare Emmanuel wamenyekaniye mu muziki ku zina rya...
20 January 2020 Yasuwe: 4100 1

Umuraperikazi yarenze kuri kirazira y’abagore bo mu gihugu cya...

Mina The Vailed ni umukobwa ukomoka mu gihugu cya Senegal, arapa yambaye...
17 January 2020 Yasuwe: 2547 0

Shakira yatangaje ikintu gisekeje gituma atemera gushyingiranwa mu buryo...

Umuhanzikazi Shakira Isabel Mebarak Ripoll uzwi cyane nka Shakira yavuze ko...
16 January 2020 Yasuwe: 10285 1

Safi Madiba ashobora kujya mu kaga kubera indirimbo yiyanditseho

Ni nyuma y’igihe havugwa umwuka mubi hagati y’umuhanzi Niyibikora Safi...
15 January 2020 Yasuwe: 3234 0