skol
Kigali
startimes

Umuhanzi w’umunyamerika w’imyaka 21 y’amavuko yatunguwe n’urupfu[AMAFOTO]

Imyidagaduro   Yanditswe na: Martin Munezero 9 December 2019 Yasuwe: 2331

Juice Wrld, umuraperi w’umunyamerika yatunguwe n’urupfu ku myaka 21 gusa, ikinyamakuru TMZ kivuga ko yafashwe n’indwara yitwa ‘seizure’ ifata nk’amashanyarazi ku bwonko, ari ku kibuga cy’indege cy’i Chicago ku cyumweru.


Amazina ye nyayo ni Jarad Anthony Higgins mu 2018 nibwo yamamaye cyane kubera indirimbo ye ‘Lucid Dreams’ yakwiriye henshi ku isi.

Indirimbo ze zibandaga ku bibazo byo mu mutwe, urupfu no gukoresha ibiyobyabwenge.

Police ya Chicago yabwiye BBC ko uyu musore yajyanywe kwa muganga vuba vuba ku isaha ya saa munani z’amanywa zaho ari naho batangaje ko byarangiye.

Police ivuga ko bitazwi niba ibiyobyabwenge byaba byagize uruhare mu rupfu rwe.

Yavukiye Chicago muri leta ya Illinois mu 1998, yarezwe na nyina wenyine, ufatwa nk’umubyeyi ukomeye ku bya cyera kandi w’umunyedini wamubuzaga kumva imiziki ya hip hop.

Ageze mu mashuri yisumbuye, Juice Wrld yatangiye gukora muzika ya Rap, agakoresha SoundCloud mu kumenyekanisha ibihangano bye.

Mu 2017 nibwo yasohoye indirimbo ye ya mbere bituma mu mujyi wa Chicago abantu batangira kumumenya.

Mu 2018 yaramamaye cyane kubera indirimbo ze ‘All Girls Are the Same’ na ‘Lucid Dreams’ zageze mu ndirimbo 100 zikunzwe cyane kuri Billboard Hot 100 chart.

Kompanyi nyinshi zitunganya muzika zahise zishima impano ye, mu 2018 ajya muri Interscope Records ku masezerano y’umuhigo agera kuri miliyoni $3.

Muri uwo mwaka yaje imbere kuri Billboard chart kubera Album ye ya kabiri yise ‘Death Race for Love’.

Imwe mu ndirimbo ye yavuze ku buzima bugufi bw’abahanzi aho yaririmbye ngo “ibihangange byose bigenda kare”.

Iyi ndirimbo yise “Legends” yayituye abandi baraperi XXXTentacion wapfuye mu 2018 afite imyaka 20 na Lil Peep wapfuye mu 2017 afite imyaka 21

Mu cyumweru gishize nibwo Juice Wrld nawe yagize imyaka 21.

Kuri Twitter yanditseho ko ari “imwe mu masabukuru meza yagize”.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Magufuli yikuye ingofero ye ayambika Diamond ku mugaragaro nawe...

Perezida wa Tanzania, Dr John Pombe Magufuli ,yahamagaye umuhanzi Diamond...
8 September 2020 Yasuwe: 3315 0

Umuraperi Fireman yateye ivi yambika impeta umukunzi we [AMAFOTO]

Umuraperi Uwimana Francis uzwi nka Fireman yateye ivi asaba umukunzi we...
30 August 2020 Yasuwe: 2075 0

Diamond n’umuhungu we mu batsindiye ibihembo byo kwambara neza

Urutonde rwabatsindiye ibihembo bya East Africa Fashion Awards ya 2020...
5 August 2020 Yasuwe: 4980 0

Diamond Platnumz yahishuye ko agiye kurushinga n’umukobwa bivugwa ko ari...

Umuhanzi ukunzwe cyane muri Afurika,Diamond Platnumz,yatangaje ko afite...
5 August 2020 Yasuwe: 4872 0

Umukozi w’amashanyarazi ari mu gahinda kenshi ko gutwarwa umukunzi...

Umwongereza witwa Joe McGinn w’imyaka 24ari mu gahinda kenshi ko kuba...
25 July 2020 Yasuwe: 3029 0

Kanye West yahishuye ko ashaka gutandukana n’umugore we Kim Kardashian

Kanye West, umuhanzi uvuga ko ashaka kwiyamamariza kuyobora leta zunze...
22 July 2020 Yasuwe: 4227 0