Kigali
startimes

Wizkid ni umwe mu bahanzi b’ibyamamare bashobora kuza gutaramira abanyarwanda

Imyidagaduro   Yanditswe na: Martin Munezero 11 December 2019 Yasuwe: 704

Bisanzwe bizwi ko buri mpera z’umwaka no gutangira umushya mu Rwanda rutegura cyangwa rukakira ibitaramo bitandukanye mu rwego rwo guha Abanyarwanda ibyishimo mu minsi mikuru ya Noheli n’Ubunani aho haba hanatumiwe bamwe mu byamamare bikomeye muri muzika n’ibindi byiciro by’imyidagaduro.



Muri uyu mwaka wa 2019 nabwo Abanyarwanda ntibasigaye kuko utahiwe ni umunya Nigeria w’icyamamare mu muziki Ayodeji Ibrahim Balogun uzwi nka “Wizkid”. Ugiye gutaramira abakunzi ba muzika mu bitaramo ngarukamwaka bya East African Party, uyu mwaka kizaba kibaye ku nshuro ya 11.

Amakuru avuga ko uyu muhanzi ariwe wahawe amasezerano ku ikubitiro n’abategura iki gitaramo giteganyijwe ku itariki ya 1 Mutarama 2020 dutangira umwaka mushya.

Umuyobozi wa East African Promoters isanzwe itegura ibi bitaramo Bwana Joseph Mushyoma yavuze ko adashobora guhita abyemeza uyu mwanya ahubwo ko bazabimenyesha binyuze mu itangazo rigenewe abanyamakuru rigiye gusohoka mu masaha make.

Yagize ati “sinavuvuga ibintu mbere y’igihe ntari nemeza neza kuko hari ibyo nkiganira na minisiteri ya siporo ariko munizere ko itangazo rirajya ahagaragara uyu munsi.”

Si ubwa mbere Wizkid yaba aje gutaramira Abanyarwanda kuko no muri 2016 yasusurukije imbaga y’abari bateraniye muri Kigali Convention Center bivuze ko cyaba ari igitaramo cya kabiri yitabiriye mu Rwanda dore ko anahafite abafana batari bake.

Wizkid uzwiho kuryoshya urubyiniriro asanzwe akora ibitaramo mpuzamahanga mu bihugu bitandukanye byo mu karere nka Uganda aherutsemo mu minsi mike ishize, no mu Rwanda.

Yakoreye ibitaramo bitandukanye mu bihugu nka Australia, Ubwomgereza, Portugal, Ubufaransa ku mugabane w’Uburayi ari nako yagiye akorana n’abahanzi bakomeye ku isi nka Chris Brown, Beyonce, na Drake.

Wizkid yamenyekanye mu ndirimbo zakunzwe n’abatari bake nka Joro, Daddy Yo, Socco, Fever, Starboy ndetse na “Brown skin girl” aherutse gukorana na Beyonce.

Wizkid biteganyijwe ko azaririmbana n’abandi bahanzi ba hano mu Rwanda bakomeye barimo King James muri iki gitaramo ngarukamwaka cya East African Party.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ya mashusho ya Kayitare Wayitare Dembe yakoreshejemo abakobwa bambaye...

Ubushize nibwo twabagejejeho inkuru ivuga uburyo Kayitare Wayitare Dembe...
1 July 2020 Yasuwe: 4127 0

Beyonce yashimiye abigaragambya muri US abasaba kuzashishoza mu...

Umuhanzikazi Beyoncé Knowles yasabye abirabura kuzitabira amatora y’umukuru...
29 June 2020 Yasuwe: 634 0

MAE MUSIC inzu ifasha abahanzi ije kugoboka abahanzi bafite impano mu...

Kuri uyu wa Gatanu ku itariki ya 12 Kamena nibwo uruganda rw’imyidagaduro...
13 June 2020 Yasuwe: 395 0

Aline Gahongayire yagaragaje uburyo yababajwe n’urupfu rwa George Floyd mu...

Aline Gahongayire yasohoye amashusho y’indirimbo ye yise ’NZAKOMEZA’...
11 June 2020 Yasuwe: 2086 0

Juliana Kanyomozi yihakanye umuhungu wa Perezida Museveni byavuzwe ko ariwe...

Umuhanzikazi Juliana Kanyomozi uherutse kwibaruka umwana w’umuhungu yise...
27 May 2020 Yasuwe: 4832 1

Polisi yahagaritse igitaramo cya Tuff Gangs cyacaga kuri You Tube kubera...

Abaraperi bagize itsinda rya Tuff Gangs riri mu yazanye Hip Hop mu Rwanda...
24 May 2020 Yasuwe: 1254 0