Cristiano Ronaldo yafashije Juventus guca agahigo kari karayibereye ingorabahizi
Iyi kipe ibifashijwemo no kugura rutahizamu Cristiano Ronaldo,yabashije kwinjira mu makipe 3 akunzwe kurusha ayandi yose mu mupira w’amaguru aho yahigitse Manchester United.
Kuva Cristiano Ronaldo yayigeramo mu mwaka ushize,ikipe ya Juventus yungutse abayikurikira kuri Instagram bangana na miliyoni 20 biyifasha kwigaranzura Manchester United yahoraga mu makipe 3 ya mbere.
Juventus ubu ikurikiye Real Madrid irusha izindi zose gukundwa na FC Barcelona ya kabiri ku isi.Iki gihangange gikurikirwa n’abagera kuri miliyoni 31.1 ku isi yose.
Real Madrid iri ku mwanya wa mbere kubera kubikesha Cristiano Ronaldo wayimazemo imyaka 9 ayikoreramo ibitangaza.
aya makipe yakurikirwa yagira,ntiyagera ku gikundiro cya Cristiano Ronaldo kuko we ubwe akurikirwa n’abarenga miliyoni 131 kuri Instagram.
Amakipe 5 akunzwe kurusha ayandi yose kuri Instagram:
1. Real Madrid - 77.6m followers
2. Barcelona - 76.4m
3. Juventus - 31.1m
4. Manchester United - 31m
5. PSG - 23.8m
