Print

Tanzania:Umupolisi yarashe umukunzi we amasasu 3 mu mutwe nyuma yo kumusaba kuzamubera umugore akabyanga kandi ariwe wamurihiye amashuri

Yanditwe na: Martin Munezero 25 October 2019 Yasuwe: 5964

Mu gihugu cya Tanzania haravugwa inkuru y’umupolisi w’imyaka 27 warashe umukunzi we amuziza ko yamusabye ko babana nkumugore n’umugabo we akabyanga. Uyu mupolisi ukorana n’urwego rushinzwe kurwanya ruswa yo mu nzego z’ubutegetsi ngo yarashe amasasu atatu mu mutwe w’umukunzi we Beatha Kafuru ahita ahasiga ubuzima.

Ubu bwicanyi bwabereye mu rugo rwuyu mupolisi muri Tunduru-Ruvuma aho iwabo muri Tanzania. Abayobozi babwiye Ikinyamakuru Tanzanian news uyu mu polisi ko yishe umukunzi we nyuma yo kumusaba ko yamubera umugore akabyanga kandi yaranamurihiye amafaranga y’ishuri yose akiga akarangiza.

Uyu nyakwigendera Kafuru yarangije kwiga icyiciro cya mbere cya kaminuza mu bijyanye n’ubuvuzi mu minsi ishize. Paulo yabwiye polisi ko yari yapanze kuzabana n’uyu mukobwa.