Print

Jordi Alba yaciye ibintu hirya no hino kubera akazi yahaye se umubyara

Yanditwe na: Dusingizimana Remy 15 November 2019 Yasuwe: 3928

Jordi Alba yanze gushaka uruhushya rwo gutwara ibinyabiziga ndetse ngo nta nubwo yigeze anabigerageza ngo atsindwe nkuko byatangajwe na mugenzi we bakinana Gerrard Pique ubwo yasubuzaga ikinyamakuru La Resistencia cyari kimubajije uko Ansu Fati agera ku myitozo nta ruhushya rwo gutwara ibinyabiziga afite akabasubiza ko azanwa n’ababyeyi be nka Alba.

Pique yagize ati “Papa niwe umutwara amuzanye mu myitozo buri gitondo.Jordi Alba ntarabasha kubona uruhushya rwo gutwara ibinyabiziga ku myaka 30.Ntabwo ashaka gukora ikizamini ndetse nta nubwo ashaka kubigerageza ngo arebe.”

Jordi Alba wageze muri FC Barcelona muri 2012 avuye muri Valencia kuri miliyoni 14,n’umwe muri ba myugariro bakina ku ruhande rw’ibumoso w’umuhanga cyane kuko azi gutanga imipira myinshi ivamo ibitego ndetse mu minsi ishize yashimiwe na kabuhariwe Lionel Messi.

Alba amaze guhesha iyi kipe La Liga 5,UEFA Champions League 1 n’ibindi bikombe byinshi mu myaka 7 amaze I Catalonia.