Print

Col.Gaspard Africa wari indwanyi ikomeye muri FDLR FOCA yishwe na FARDC

Yanditwe na: Dusingizimana Remy 5 December 2019 Yasuwe: 7033

Umuvugizi wa operasiyo yitwa Sukola 2 igamije kurandura inyeshyamba muri RDC by’umwihariko muri kivu y’Amajyaruguru, Major Ndjike-Kaiko Guillaume yabwiye ikinyamakuru Interview.cd cyo muri RDC ko uyu Col.Gaspard Africa yishwe n’ingabo za FARDC zagabye igitero kirimo ubunyamwuga bwinshi bwuje kurengera uburenganzira bwa muntu.

Yagize ati “Colonel Gaspard AFRICA umwe mu bagabo bakomeye muri FDLR FOCA yishwe mu gitondo cyo kuri uyu wa Gatatu taliki ya 04 Ukuboza 2019 mu gitero FARDC yagabye muri Runga, Gurupoma ya Tongo, muri Rutshuru.”

Ingabo za FARDC zaguye gitumo FDLR mu birindiro byayo by’ahitwa Parisi gusa umuyobozi mukuru Jenerali Omega,yaje gukizwa n’amaguru.

Amakuru aravugako uyu Koloneri Gaspard Afurika yari akuriye Batayo ya FDLR yitwa Kanani,Col.Gaspard yiyongereye kuri Koloneri Manudi uherutse gutabwa muri yombi na FARDC bigizwemo uruhare n’abaturage nkuko Ndjike-Kaiko Guillaume yabitangaje.

Hashize ukwezi kose FARDC itangiye guhiga abarwanyi bo mu mitwe irimo FDLR,RUD URUNANA, FLN,na ADF ibuza umutekano abakongomani.