Amatike y’igitaramo cya Don Moen i Kigali yatangiye kugurishwa habura amezi 5 ngo kibe

Iyobokamana   Yanditswe na: Muhire Jason 4 October 2018 Yasuwe: 1033

Amatike yo kwinjira mu gitaramo cya Don Moen I Kigali yatangiye kugurishwa nyuma yuko habura amezi 5 ngo kibe.

Mu mateka y’ibitaramo bya muzika mu Rwanda bimenyerewe ko amatike agurirwa ku muryango cyangwa mbere ho iminsi itari myinshi, ibi birikugenda bihinduka kuko ubu amatike yo kuzinjira mu gitaramo gikomeye icyamamare Don Moen azakorera mu mujyi wa Kigali yatangiye kugurishwa habura amezi atanu ngo kibe.

Umuhanzi Donald James ubusanzwe uzwi nka Don Moen kuri ubu afatwa nk’umwami w’indrimbo zo kuramya Imana ku isi , kuri ubu ategerejwe mu gitaramo kiswe Kigali Praise Fest kizaba mu kwezi kwa Gashyantare mu mwaka wa 2019 turimo gusatira.

Abateguye iki gitaramo bavuze ko bahisemo gushyira ku isoko aya matike hakiri kare kugira ngo buri wese ubyifuza azabashe ku kitabira bigendanye n’ubushobozi bwe kuko agurishwa mu byiciro kandi abazayagura mbere nibo bazayabona ku mafaranga makeya.

Iyi sosiyete isanzwe imenyerewe mu gutegura ibitaramo bikomeye mu gihugu, yizeza abazagura aya matike mbere ko ntampungenge bakwiye kugira z’uko ashobora kwiganwa kuko umutekano wayo ucunzwe neza mu buryo bw’ikoranabuhanga.

Ushaka kugura itike ajya ku rubuga www.rgtickets.com, kugeza ubu ariko aho iki gitaramo kizabera mu mujyi wa Kigali ntiharamenyakana ndetse n’abandi bahanzi bazafatanya na Don Moen nabo ntibaratangazwa.

Ubu buryo bwo kugurisha amatike mbere y’igitaramo busanzwe bumenyerewe mu bihugu byateye imbere cyane, bukaba bufasha abateguye kumenya umubare w’abazitabira bityo bagategurirwa imyanya ihwanye nabo ntamuvundo.

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

“ Kora imyitozo ngororamubiri buri munsi”: Rev./Ev. Eustache...

Umukozi w’Imana, Rev./Ev. Eustache Nibintije, Umunyeshuri wa Patriots Bible...
15 June 2019 Yasuwe: 920 1

“SLOW DOWN! SLOW DOWN! IMIKORERE Y’ IMANA ITANDUKANYE N’ IMIKORERE Y’...

Umukozi w’Imana, Rev./Ev. Eustache Nibintije, Umunyeshuri wa Patriots Bible...
11 June 2019 Yasuwe: 600 1

“Ubaka neza inzu yo kwizera kwawe”: Rev./Ev. Eustache Nibintije

Umukozi w’Imana, Rev./Ev. Eustache Nibintije, Umunyeshuri wa Patriots Bible...
10 June 2019 Yasuwe: 428 1

Itangazo: Hari impinduka ku bashaka kwiga ishuli rya bibiliya muri...

Ubuyobozi bwa NEM burabamenyeshako hari impinduka zabaye mu mikorere bitewe...
10 June 2019 Yasuwe: 510 1

Nibintije Evangelical Ministries International yatanze amahirwe ku bashaka...

Nibintije Evangelical Ministries International yashyizeho ishuli rifasha...
5 June 2019 Yasuwe: 537 2

Umushumba wa Kiliziya Gatolika ku Isi Papa Francis yemeye impinduka...

Umushumba wa Kiliziya Gatolika ku Isi , Papa Francis yemeje impinduka nto...
5 June 2019 Yasuwe: 1669 3