Umushumba wa Kiliziya Gatolika ku Isi Papa Francis yemeye impinduka zashyizwe mu isengesho rya Dawe Uri mu Ijuru

Iyobokamana   Yanditswe na: Martin Munezero 5 June 2019 Yasuwe: 1744

Umushumba wa Kiliziya Gatolika ku Isi , Papa Francis yemeje impinduka nto zashyizwe mu isengesho Yezu yigishije intumwa ze azigisha guse , benshi bazi nka “Dawe Uri mu Ijuru”.

Kuri iri sengesho rya “Dawe uri mu Ijuru” mu rurimi rw’Icyongereza hari aho abasenga bavugaga bati “Lead us not into temptation” “Ntutuyobore mu bitwoshya” Papa Francis yemeje ko bizahinduka hanyuma bavuge bati “do not let us fall into temptation” bivuze ngo “Ntureke tujya mu moshya” kuko bigaragaza ko usenga aba yifuza ko Imana imurinda kuba yagwa mu moshya.

Uyu mushumba wa Kiliziya ku Isi ubwo yasobanuraga izi mpinduka yavuze ko kuvuga ngo “Ntutuyobore mu bitwoshya” bishatse kuvuga ko Imana ishobora gushuka umuntu agakora icyaha.

Aho bavugaga ngo (Et ne nous soumets pas à la tentation) bivuze ngo “ntudutererane mu bitwoshya” bazajya bavuga ngo “ntutume tujya mu bitwoshya” (Et ne nous laisse pas entrer en tentation).

Usimbye izi mpinduka zashyizwe mu isengesho rya “Dawe uri mu Ijuru “, na Gloria ‘Imana nisingizwe mu Ijuru’, nayo hazamo impinduka havemo ‘Mu Isi abitonda bahorane amahoro’ bizahinduka ‘No mu Isi abantu Imana ikunda bahorane amahoro’.

Mu mwaka wa 2013, nibwo Inama y’Abepisikopi bo mu gihugu cy’u Bufaransa, batangaje ko isengesho rya “Dawe uri mu ijuru” rizahindukaho gato, nk’uko byemejwe n’inama nkuru ya Vatikani ya kabiri.

Kuwa 22 Gicurasi 2019 mu nama y’Inteko Rusange y’Abepisikopi bo mu Butaliyani, Cardinal Gualtiero Bassetti, yatangaje ko Papa Francis yemeje ariya mavugurura n’impinduka. Gusa hari n’abavuga ko irisengesho niba ariryo Yezu yigishije intumwa ze ntampamvu yo kurihindura hongerwamo ibindi, ibi ngo bishobora gutuma ritakaza umwimerere waryo.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble gatare

    Ni byiza ko Paapa yahinduye bimwe muli Dawe uri mu ijuru.Ariko akwiye no guhindura aho Gatolika ivuga ngo:" Ingoma yawe yogere hose".Mu Gifaransa,haravuga ngo:"Que ton royaume vienne" (Let your kingdom come).Ubusobanuro bwiza mu Kinyarwanda ni:"Ubwami bwawe nibuze".Iyo dusenga buri munsi tubwira Imana ngo :"Ubwami bwawe nibuze",tuba tuyisaba kuzana ubutegetsi bwayo.Nkuko Daniel 2 umurongo wa 44 havuga,ku munsi w’imperuka,Imana izakuraho ubutegetsi bw’abantu ku isi yose,ibusimbuze ubutegetsi bwayo buzaba buyobowe na Yesu nkuko Ibyahishuwe 11 umurongo wa 15 havuga.

    1 month ago
  • chat_bubble tollo

    Bashatse kwigira abanyabwenge kuruta IMANA ngo barihinduye isi irashaje

    1 month ago
  • chat_bubble rugira

    None se Imana ntiyanangiye umutima wa Farao!Bahindure may bible

    1 month ago

Inzindi nkuru

“NTUKAGAYE IGITABO KUBWO KU KIREBERA INYUMA”: Rev./Ev. Eustache...

Umukozi w’Imana, Rev./Ev. Eustache Nibintije, Umunyeshuri wa Patriots Bible...
27 June 2019 Yasuwe: 261 0

Umuhanzi uzwi nka Sammy ukunzwe n’abatari bake mu ndirimbo zo kuramya no...

Mu gihugu cya Ghana, umuhanzi uzwi ku izina rya Brother Sammy ukunzwe...
25 June 2019 Yasuwe: 2074 0

Itangazo rya cyamunara y’umutungo utimukanwa ugizwe n’ikibanza cyubatseho...

Umuhesha w’inkiko w’umwuga aramenyesha abantu bose babyifuza ko kuwa kabili...
25 June 2019 Yasuwe: 268 0

“Sobanukirwa aho kunesha kwawe guturuka”: Rev./Ev. Eustache Nibintije

Umukozi w’Imana, Rev./Ev. Eustache Nibintije, Umunyeshuri wa Patriots Bible...
24 June 2019 Yasuwe: 536 1

Itangazo: NEMI yashyizeho irushanwa ryo kwiga no gusoma Bibiliya, ushobora...

NIBINTIJE EVANGELICAL MINISTRIES INTERNATIONAL/USA ibafitiye agashya....
22 June 2019 Yasuwe: 1012 0

“Uwamenye Imana ubuzima bwe burahinduka, shyira ijambo ryayo mbere ya...

Umukozi w’Imana, Rev./Ev. Eustache Nibintije, Umunyeshuri wa Patriots Bible...
22 June 2019 Yasuwe: 388 0