skol
Kigali
startimes

Isosi iboneka hatogoshejwe amagufa ifite akamaro gakomeye ku mubiri w’umuntu [UMUFA]

Opinion   Yanditswe na: Martin Munezero 9 September 2020 Yasuwe: 4925

Umufa ni isosi iboneka hatogoshejwe amagufa y’inka, ihene, cg se inkoko, hari n’abakoresha amafi. Uyu mufa ni ingirakamaro cyane, kuko wuzuyemo intungamubiri nyinshi.


Mu kuwuteka ni ngombwa kuzirikana cyane igihe umara utetswe; kumara igihe kinini ku muriro bifasha ko imyunyungugu n’izindi ntungamubiri ziboneka ku bwinshi.

Umufa (w’amagufa) urimo intungamubiri nyinshi cyane; imyunyungugu nka kalisiyumu na manyesiyumu ihita yinjira mu mubiri ku buryo bworoshye. Ubonekamo kandi amino acide z’ingenzi; glycine na proline, zombi zidapfa kuboneka byoroshye mu nyama zisanzwe.

Akamaro k’umufa ku mubiri

Urugero ruri hejuru rw’imyunyu ngugu

Umufa wuzuyemo imyunyungugu y’ingenzi iboneka mu magufa ndetse n’umusokoro. Ni isoko nziza ya kalisiyumu na manyesiyumu, zihita zikoreshwa n’umubiri mu buryo bworoshye. Zombi zikaba ingenzi cyane mu gutuma amenyo akomera n’amagufa agakura neza kandi akomeye.

Iyi myunyungugu kandi igira uruhare rukomeye mu mikorere myiza y’umutima n’urwungano rw’ubwonko (nervous system) no gukora neza kw’imikaya.

Mu mico itandukanye aho usanga kubona amata n’ibiyakomokaho ari ikibazo, umufa usanga ari ifunguro ry’ingenzi mu gutuma abana bakura neza. Ariyo nayo mpamvu usanga ugaburirwa abana cyane.

Cartilage

Aka ni ka gace kaba ku igufa hejuru kaba koroshye, gakocagurika. Kabonekamo intungamubiri z’ingenzi chondrotoin na glucosamine (ubusanzwe zikoreshwa n’ubundi mu miti yo kugabanya kubyimbirwa amagufa, arthritis no kuribwa mu ngingo). Aka gace mu mufa gafasha cyane mu kurinda gusaza kw’amagufa, no kurinda indwara ya arthritis (rheumatoid arthritis).

Collagen

Iyi proteyine y’ingenzi iboneka mu ngingo n’uturemangingo twose. Ifasha cyane mu ruteranyirizo rw’amagufa, mu gukuza umusatsi, uruhu ndetse n’inzara. Ni ingenzi cyane ku mubiri ku buryo uzasanga no muri farumasi zitandukanye inyongera za collagen zigurishwa cyane.

Umufa ukize cyane kuri iyi proteyine. Uko uwuteka cyane, ni ko collagen igenda iva mu magufa igahinduka gelatin (ifasha kwinjiza proteyine wariye mu buryo bworoshye kandi bwihuse).

Ikizakubwira ko umufa wawe urimo gelatin ihagije, nuko iyo uhoze ubona wafatiriye cyane. Mu gihe ukonja ugakomeza kuba amazi, bivuze ko wakoresheje amazi menshi cg se utawutetse igihe gihagije.

Iyi gelatin iba irimo urugero ruri hejuru rwa amino acids; glycine na proline.

Zose z’ingenzi cyane mu kongera guteranya imikaya (nko mu gihe wacitse igisebe), gukura no gusana imikaya.

Glycine yitabazwa cyane mu gukora uturemangingo fatizo (DNA na RNA), gufasha igogorwa kugenda neza binyuze mu kuringaniza amatembabuzi aboneka mu gifu no mu mwijima (bile), kuringaniza igipimo cy’isukari mu maraso, gusinzira neza no gutuma ubwonko bukora neza.

Proline ni ingenzi cyane mu gutuma ugira uruhu rwiza kuko yitabazwa mu gusana collagen. Ifasha kandi umubiri gucagagura proteyine zindi zifashishwa mu gukora uturemangingo dushya.

Dusoza

Umufa ni ifunguro ry’ingenzi ribonekamo imyunyungugu n’intungamubiri zifasha imikorere myiza itandukanye y’umubiri. Kuwuteka biroroshye, dore ko hakenerwa amagufa gusa (bikaba byiza ukoresheje ku matungo yagaburiwe ibyatsi gusa).

SOURCE: UMUTIHEALTH

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Reba igitera abagore bamwe guhora bashaka gukora imibonano mpuzabitsina

Ubusanzwe abagore bagira ubushake buke mu gukora imibonano mpuzabitsina...
21 January 2021 Yasuwe: 9553 0

Reba impamvu abagore n’abagabo bakwiye kurya Watermelon kenshi

Watermelon ubishatse wayita umwungu cyangwa igihaza cyo guhekenya kuko ni...
19 January 2021 Yasuwe: 7324 0

Reba impamvu zituma abakundaniye ku ishuri urukundo rwabo rutaramba

Abanyeshuri bakundaniye ku ishuri bigana mu ishuri cyangwa biga mu kigo...
18 January 2021 Yasuwe: 4153 0

Reba ibintu bike by’ibanze ukwiye kugira kugira ngo igitsina gore...

Hari abagabo ujya wumva bijujutira abagore cyangwa abakobwa batandukanye...
14 January 2021 Yasuwe: 6645 0

Ange Kagame yaje ku mwanya wa 2 mu bakobwa 8 b’Abaperezida ba Afurika beza...

Ubwiza bw’umukobwa ni ikintu cy’ingenzi cyane kuko mu buryo bw’ibanga no mu...
14 January 2021 Yasuwe: 11428 1

Sobanukirwa inzozi benshi bagira iyo barose bari gukora imibonano...

Abantu benshi bajya bibaza impamvu iyo baryamye barota bakora imibonano...
14 January 2021 Yasuwe: 5647 0