Kuki Yahya Jammeh yahisemo guhungira muri Guinée Equatoriale?

24 January 2017. | Opinion | 2 Ibitekerezo | Umuryango
  • Kuki Yahya Jammeh yahisemo guhungira muri Guinée Equatoriale?

Perezida wari umaze imyaka 22 ayobora Gambia, Yahya Jammeh nyuma yo kubanza kwanga gutanga ubutegetsi kuneza yageze aho ava ku izima arabutanga ndetse ahita ahungira muri Guinée Equatoriale. Kuki yahisemo guhungira muri iki gihugu?

Ku mugoroba wo ku wa gatandatu tariki 21 Mutarama 2017 nibwo Perezida Jammeh yemeye kuva ku izima arekura ubutegetsi. Akimara kuburekura yahise yurira indege ya Perezida wa Guinée Conakry Alpha Condé wari uyoboye ibiganiro bya nyuma bigamije kumwumvisha ko agomba guha ubutegetsi Perezida Barrow wamutsinze mu matora y’ umukuru w’ igihugu yabaye muri Gambia tariki ya 1 Ukuboza 2016. Mu mujyi wa Conakry Jammeh ntiyahatinze nubwo ariho yari yateguriwe inzu yo kubamo, yarahageze ahita akomeza urugendo ajya muri Guinée Equatoriale.

Jammeh yanze gutura muri Guinée Equatoriale Conakry bitewe n’ uko Guinée Conakry ari igihugu kinyamuryango mu rukiko mpuzamahanga mpanabyaha ICC. Iyo ahaguma byari byoroshye ko Umushinjacyaha mukuru wa ICC Fantou Bensouda(Umunya Gambia) amukorera ikirego Guinée Conakry ikamuta muri yombi.

Jammeh ashijwa kugira uruhare uruhare ku byaha byibasiye inyoko muntu byakorewe abaturage ba Gambia igihe yari Perezida.

Jammeh yahisemo kujya gutura I Malabo muri Guinée Equatoriale bitewe bitewe n’ uko iki gihugu kitashyize umukono ku masezerano ya Lome ashyiraho urukiko rwa ICC.

Kuki Jammeh yabanje kwanga kurekura ubutegetsi?

Ibyavuye mu matora bikiramara gushyirwa ahagaragara Jammeh yemeye ko yatsinzwe amatora ndetse anashimira Adama Barrow wamutsinze. Abyemeye byatangiye kunugwanugwa ko yaba agiye gufatwa akabazwa ibyaha akekwaho kuba yarakoze imyaka 22 yari amaze ari Perezida wa Gambia.

Ibi byatumye ahita yisubiraho avuga atemera ibyavuye mu matora. Uku kwisubiraho byatumye Umuryango w’ Abibumbye UN, Umuryango w’ ubumwe bw’ Afurika AU ndetse n’ Umuryango w’ Ubuhungu uhuza Ibihugu by’ Afurika y’ Iburengerazuba ECOWAS bemera ko bazamurinda we n’ umuryango we ndetse n’ imitungo ye.

Indi mpamvu yamuteye kudahita arekura ubutegetsi kandi yari yabanje kwemera ibyavuye mu matora, ni uko mbere y’ uko amatora aba Gambia yari yatangaje ko yatangiye inzira yo kwikura muri ICC, Perezida Barrow atowe avuga ko ICC ari urukiko rufite akamaro bityo ashimagira ko nta mpamvu n’ imwe yatuma Gambia ihagarika amasezerano ifitanye narwo.

Kuri ubu Jammeh UN, ECOWAS, na AU bamwemereye kumurinda we n’ imitungo ye n’ umuryango we, ikindi ari mu gihugu kitashyize umukono ku masezerano ashyiraho urukiko rwa ICC. Ibi bivuze ko aramutse agumye muri Guinée Equatoriale, akajya akivamo mu ibanga cyangwa akajya aho yabanje kumenya ko batazamutanga muri ICC, uru rukiko rutazigera rubona uko rumuta muri yombi.

Ibitekerezo
  • MyPassion

    advisor
    4 February 2017 - Musubize

    Mumbabarire ndi umunyamategeko ariko nanjye ICC sinyemera ni urukiko rwashyiriweho abirabura gusa nkuko bigaragara kuko ibyaha bikorwa na ba Perezida ba europe cg Amarica ntibashobora kuburanishwa na ICC ntabwo rero mbona ko ari ubutabera ahubwo ni ikandamiza rikorwa nibihugu byateye imbere rigamije guheza hasi ibihugu bikiri mu nzira y’amajyambere.

  • MyPassion

    citoyen
    25 January 2017 - Musubize

    Muri make ubuzima asigaje azahora abundabunda. Mbega imiyoborere y’abanyafrica! Ariko ubundi biriya ni ibiki atsindagira mu ntugu agahora yuzuye inzu yose? Naragenze ndabona kweli

Tanga Igitekerezo