skol
startimes

Huye: Meya Sebutege yasezeranyije ba bageni gitifu wa Mbazi yanze gusezeranya

Ubuzima   Yanditswe na: Dusingizimana Remy 28 August 2020 Yasuwe: 5027

Kuri uyu wa 28 Kanama 2020,Umuyobozi w’Akarere ka Huye, Sebutege Ange, yasezeranyije Nzindukiyimana Jérémie n’umukunzi we Byukusenge Claudette bo mu Murenge wa Mbazi, bangiwe gusezeranywa n’Umunyamabanga Nshingwabikorwa w’uwo Murenye abanshinja ubwicanyi.


Nzindukiyimana Jérémie wo mu Kagari ka Rugango, yagombaga gusezerana na Byukusenge tariki ya 30 Nyakanga 2020,bageze ku Biro by’Umurenge wa Mbazi baza gutungurwa n’uko Umunyamabanga Nshingwabikorwa w’uwo murenge, Uwimabera Clémence, yanze kubasezeranya abashinja ko ari abicanyi.

Umuyobozi w’Akarere ka Huye, Sebutege Ange, yakurikiranye icyo kibazo ku wa 5 Kanama 2020 asanga abangiwe gusezerana barengana, yiyemeza kubafasha ariyo mpamvu yagiye kubasezeranya muri uyu murenge wa Mbazi

Nzindukiyimana yavuze ko we n’umukunzi we bazindutse kare bagera ku Murenge wa Mbazi bakicara mu cyumba bagombaga gusezeraniramo ariko batungurwa n’amagambo Uwimabera Clémence, yaje ababwira.

Ati “Yinjiranye urupapuro ruriho umwirondoro wanjye n’uwa mushiki wanjye; aratubwira ngo ubwo rero namwe mwaje gusezerana? Mukaza gusezerana muvuye kwica umuntu? Njyewe ntabwo nabasezeranya! Murabona mwakora ku idarapo ry’igihugu, muvuye iwanyu muvuye kwicana? Musohoke mwa bicanyi mwe!”

Intandaro y’ibyo ngo ni uko umusaza witwa Nyabyenda Yohani yari yazindukiye ku Murenge wa Mbazi agiye kurega ko yakubiswe biturutse ku mvururu zavutse hagati ya mushiki wa Nzindukiyimana n’umugabo we.

Uwo mugabo wa mushiki we ngo ni we wakubise Yohani bimuviramo uburwayi.

Nzindukiyimana avuga ko ubwo izo mvururu zabaga yahageze atabaye kimwe n’abandi ariko atigeze arwana.

Uwimabera Clémence amaze kubasohora mu murenge no kubabwira ko atabasezeranya ngo yabijeje ko agiye gukora iperereza bityo nasanga ari abere aza kubasezeranya nyuma ya saa Sita. Gusa ngo ntiyabikoze.

Umuyobozi w’Akarere ka Huye, Sebutege Ange, yagiye gukurikirana iki kibazo kuwa Gatatu tariki ya 5 Kanama 2020,agirana inama n’abaturage aho urugomo rwabereye, atanga umurongo w’ibigomba gukorwa.

Yemeje ko bafashe umwanzuro wo gukurikirana abo bigaragara ko bateje ikibazo cy’umutekano muke no gukubita no gukomeretsa kuko byagaragaye ko habanje gukurikiranwa ikibazo cy’umutekano.

Yanzuye ko “Uyu musore azahabwa serivisi, akaba azamenyesha umunsi yahisemo tukayimuha.”

Sebutege yasabye abaturage kubana mu mahoro no mu bworoherane, birinda urugomo, ugize ikibazo akakigeza ku buyobozi bukamufasha kugikemura.

Nzindukiyimana wangiwe gusezerana yitiranyijwe n’uwakubise umuturanyi we, yasabye ko Gitifu Uwimabera agomba kubanza kumusubiza agaciro yamwambuye akanamwishyura ibihumbi 800 y’amafaranga y’u Rwanda yari yatakaje yitegura ubukwe, hanyuma akabona kumusezeranya.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umunyamakuru Isaac Kuradusenge yateye ivi asaba umukunzi we kuzamubera...

Umunyamakuru w’Imikino,Isaac Kuradusenge wa KT Radio,yateye ivi asaba...
17 October 2020 Yasuwe: 3216 0

Danny Usengimana yatangaje impamvu ubukwe bwe butabaye

Rutahizamu Danny Usengimana w’Ikipe ya APR FC n’Amavubi na yatangaje ko...
14 October 2020 Yasuwe: 1725 0

“Njya nibaza icyo nakoze kugira ngo mpabwe umugisha w’urukundo rw’umugabo nka...

Umunyezamu Kimenyi Yves w’ikipe y’igihugu “Amavubi”na Kiyovu Sports yagize...
13 October 2020 Yasuwe: 3669 0

Karasira Aimable yemeye gushyingiranwa n’umukobwa uba USA umumereye nabi mu...

Karasira Aimable wahoze ari umwarimu muri Kaminuza y’u Rwanda ariko ubu...
9 October 2020 Yasuwe: 9711 0

Umuherwe wo mu mujyi wa Nairobi yateye ivi imbere y’umukunzi we nyuma yo...

Kimwe mu bikomeza urukundo rw’abantu 2 muri iki gihe n’ugutera ivi umusore...
7 October 2020 Yasuwe: 15740 1

Umukobwa uzwi cyane ku mbuga nkoranyambaga yatwitswe ari gukora ikiganiro...

Umushinwakazi witwa Lamu wari ukunzwe cyane ku mbuga nkoranyambaga kubera...
2 October 2020 Yasuwe: 8693 0