addresiya
startimes

Menya byinshi ku mpeta irinda abagore gutwita ndetse no kwandura virus itera SIDA

Ubuzima   Yanditswe na: Martin Munezero 5 December 2019 Yasuwe: 5389

Mu gihe bamwe mu bagore usanga binubira ingaruka mbi ziterwa no gukoresha imiti irinda gusama ndetse n’agakingirizo, havumbuwe impeta ishobora kubashyira igorora kuko irinda icyarimwe gusama ndetse no kwandura SIDA.



Nk’uko ikinyamakuru cyandika ibijyanye n’ubuhanga mu ikoranabuhanga cyitwa Plos One cyabitangaje, iyi mpeta idasanzwe ni igisubizo ku bagore batinyaga gufata ibinini biringaniza urubyaro, ikajya ibaha kuba bamara iminsi igera kuri 90 badashobora gusama mu gihe baba bakoze imibonano mpuzabitsina idakingiye.

Si ukuringaniza imbyaro gusa ariko kuko nk’uko amakuru dukesha Francetvinfo abivuga, abahanga n’abandi bantu batandukanye bafite kurwanya SIDA n’izindi ndwara z’ibyorezo mu nshingano zabo bamaze igihe bashaka impeta nk’iyi yabasha gutanga icyizere ku guhashya icyo cyago, iyi mpeta rero ikaba igiye kuba igisubizo gikomeye.

Rowena Johnston; umuyobozi wungirije w’umuryango w’Abanyamerika ushinzwe kurwanya SIDA yatangaje ko kuboneka kw’uburyo bwo kwirinda by’igihe kirekire abaryamana bakabikora badahora buri gihe bafite impungenge ari ibintu byiza cyane.

Iyi mpeta irimo imiti y’ubwoko bubiri, urinda gusama n’ukingira kwandura agakoko gatera SIDA, yatangiye gukoreshwa, umuti urinda ikwirakwizwa rya SIDA wo ukaba warahawe abantu basaga miliyoni eshatu n’igihe bawuhawe mu buryo bw’imiti inywebwa biciye mu kanwa, ariko kugirango uwo muti urusheho kwizerwa ukaba kugeza ubu wafatwaga buri munsi mu buryo bw’ikinini.

Kugeza ubu amahirwe yatanzwe cyane cyane ku bihugu bikennye, ni ikoreshwa ry’impeta izajya ishyirwa mu gitsina cy’umugore ikamufasha kwirinda gusama atabiteganyije ndetse ikanabasha kurinda kwandura agakoko gatera SIDA mu gihe hakozwe imibonano mpuzabitsinda idakingiye kandi iyo mpeta ikajya ibasha gukora mu gihe kingana n’amezi atatu yose.

Uburyo impeta ikoreshwa:

Iyi mpeta ishyirwa mu gitsina cy’umugore akoresheje intoki ze. Mu gihe umugore ashyizemo impeta nshya asabwa gukoresha ubundi buryo burinda gusama nk’agakingirizo mu gihe akoze imibonano mpuzabitsina mu minsi irindwi ikurikira ishyirwamo ry’iyi mpeta. Umugore kandi amarana iyi mpeta mu gitsina iminsi 21 cyangwa ibyumweru 3, iyo iyi minsi ishize akuramo iyi mpeta mu gihe cy’icyumweru 1 cyangwa se iminsi 7 akabona gushyiramo indi mpeta nshyashya.

Iyo iyi mpeta yikuyemo mu buryo ubwo ari bwo bwose umugore ntabashe kuyisubizamo mbere y’amasaha atatu, agomba kwambara impeta nshya kandi agakoresha uburyo bwo kurinda gusama mu gihe cy’iminsi 7 nibura ikurikira uyu munsi yambariyeho impeta nshyashya.

Iyi mpeta yizewe ku kigero kingana iki?

Ubushakashatsi bwagaragaje ko ku bagore 100 bakoresha ubu buryo mu gihe cy’umwaka 9 muri bo batwita. Gusa ngo amahirwe yo gutwita ari hasi cyane ku bagore bakosha neza ubu buryo ni ukuvuga: Kwambara impeta ukayimarana ibyumweru 3(Iminsi 21), ukayikuramo mu gihe cy’icyumweru 1(iminsi 7) kandi ukibuka gukoresha uburyo burinda gusama nk’agakingirizo mu minsi irindwi ikurikira umunsi wambariyeho impeta nshya.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Mutoni

    Ubwacu.bwakeye.ariko.ndumva.namahirwe 100% DUFITE.KBS

    December 2019

Inzindi nkuru

"Kubona umugabo wagukunda akagukundira n’umwana ni ikibazo gikomeye":Ubuhamya

Ange Belise Ndayisaba yaje ari impunzi ivuye mu Burundi ageze mu Rwanda aza...
27 May 2020 Yasuwe: 6880 2

Umubare w’abatera akabariro mu Bwongereza wiyongereyeho 40 % muri Guma mu...

Hashize iminsi 11 gahunda ya Guma mu rugo ishyizweho mu Bwongereza...
25 May 2020 Yasuwe: 1404 1

Umunyamakuru Kwizera Prince Charles wa Kigali Today Ltd yitabye Imana azize...

Umunyamakuru Prince Charles Kwizera wakoreraga Kigali Today Ltd yitabye...
1 March 2020 Yasuwe: 6401 2

Ikiganiro Kihariye na Bikabyo Orginal w’i Karongi wamamaye ku...

Nzayisenga Callixte wamamaye kumazina ya Bikabyo Orginal kumaradiyo menshi...
10 February 2020 Yasuwe: 3742 0

Interuro 5 zikunze gukoreshwa n’abantu iyo bari kubeshya abakunzi...

Bibiliya ivuga ko mu minsi y’imperuka abantu bazaba babeshya bikabije ariyo...
8 February 2020 Yasuwe: 4491 1

Ibyabonetse mu igeragezwa ry’urukingo rwa SIDA byatumye ikizere...

Ibyavuye mu igerageza ry’urukingo rwatuma abantu batandura virus itera SIDA...
4 February 2020 Yasuwe: 3608 0