Rayon Sports yatuye umujinya Muhazi United iyisanze mu rugo
Yanditswe: Saturday 27, Apr 2024
![featured-image](http://umuryango.rw/local/cache-vignettes/L700xH700/arton78303-b5daa.jpg?1714234768)
Ibitego bya Tuyisenge Arsène byafashije Rayon Sports gutsindira Muhazi United i Ngoma 2-0, mu mukino w’umunsi wa 28 wa shampiyona wakomeje kuri uyu wa Gatandatu.
Rayon Sports yaherukaga gusezererwa mu gikombe cy’Amahoro na Bugesera FC,yatuye umujinya Muhazi.
Nyuma y’uko igice cya mbere kirangiye ari 0-0,byasabye gutegereza umunota wa 67 Tuyisenge Arsene afungura amazamu.
Ku munota wa 90, Tuyisenge Arsene yafashe umupira mu kibuga hagati areba uko umunyezamu ahagaze,ahita atera ishoti rirerire aramuroba. Umukino warangiye ari 2-0.
Rayon Sports yahise igira amanota 54 ku mwanya wa kabiri, irushwa icyenda na APR FC yamaze gutwara igikombe.
Indi mikino yabaye Musanze FC yatsinze Amagaju 2-1, AS Kigali itsinda Etincelles 1-0 cya Ishimwe Fiston, ifata umwanya wa gatanu n’amanota 42, mu gihe iyi kipe y’i Rubavu yagumye ku mwanya wa 12 n’amanota 32..
Imikino izakomeza ejo Gorilla FC isura Sunrise FC, Etoile del’Est yakira Marines FC na Gasogi United yakira APR FC.
Leave a Reply
Your email address will not be published. Required fields are marked *