skol
startimes

Amafaranga y’icya cumi watanze ugononwa tuzayarya tugubwe neza wowe ntuhabwe umugisha -Pasiteri Mazimpaka

Ubuzima   Yanditswe na: Muhire Jason 25 September 2018 Yasuwe: 10030

Pasiteri Hortense Mazimpaka yaburiye abakirisitu batanga icya cumi bagononwa abasaba gutanga babikuye ku mutima kuko kugitanga bagononwa ntibibahesha imigisha iva ku Mana kandi ngo ntibibuza ayo mafaranga gukoreshwa mu gukemura ibibazo mu itorero no gutunga abapasiteri.


Ibi Pasiteri Hortense Mazimpaka uyobora itorero ‘Believers Worship Center’ yabitangaje mu mpera z’icyumweru gishize ubwo yasobanuraga inyungu ziri mu gutanga icya 10 bivuye ku mutima.

Abisobanura yagize ati:”Bibiliya iravuga ngo dutange n’umutima ukunze. Igihe cyose uzatanga ugononwa nushaka ntuzigere uyatanga…tuzayarya, tuyakoreshe mu rusengero…tugubwe neza ariko wowe ntuhabwe umugisha.”

Hortense kandi yasabye abakirisitu kudatekereza inyungu zihishe inyuma y’icya cumi kuko kugendana n’Imana mu mibare atari byiza ahubwo mu gihe cyose batarabona imigisha bagomba gutegereza bihanganye.

Ati “Reka Kirisitu akubere ubutunzi butagira akagero…ntugendane na we mu mibare…hari abantu bitangira Imana nk’abari muri forex bureau …’ndazana amadorari bansubize amanyarwanda, natanze icya cumi ukwezi kwose ariko umugisha bavuga ntawo nabonye…Ihangane”

Hortense yavuze ko Imana yigisha umuntu gutanga kandi ngo impamvu ibikora ni ukugira ngo ibone uko imuha umugisha no kumuhishurira umugambi imufiteho kuko ari munini uwugereranyije n’iye aba ateganya gukora.

Hortense agaruka kuri iyi ngingo kandi yanenze abakiriritu bakururwa n’akarimi k’ababashishikariza gutanga maze bagatanga kubera amarangamutima.

Ati: “Ni yo mpamvu bya bintu byo gushyushyashyusha abantu ngo nibatange… …bagatanga mu marangamutima Atari byo…umuntu atanga yibuka icyo Imana yamukoreye…umuntu atanga kuko Imana yamuhaye imbaraga zo kubyuka icyumeru cyose ajya ku kazi…umuntu atanga yibuka ko ako kazi yicayemo hari abandi bantu ibihumbi bamurusha impamyabumenyi…bamurusha ubwenge batakicayemo…umuntu atangi yibuka ibyaha byinshi Imana yamubabariye…”

Hortsense yavuze ko ikibazo Petero yabajije Yesu ngo “twebwe abasize ibyacu…” akamusubiza ko bazakubirwa inshuro 100 bagahabwa n’ubugingo buhoraho” ngo yakibarije abantu bose bemeye guhara byose bagakurikira Yesu.

Aha ni ho yahereye avuga ko ikintu cyose umuntu atakaza kubw’Inyungu z’ubwami bw’Imana ngo izakimukubira inshuro nyinshi akiri ku isi.

Author : Muhire Jason

Ibitecyerezo

  • Who are you?

    Amategeko n'amabwiriza birkurikizwa


  • chat_bubble MEM

    Mujye muyarya rwose ko ntawe muba mwayibye bayabahera iki? Ikibazo cyaba gikomeye n uko muri uko kurya mwebwe ibyo byacumi byabo, hari ababibaha bagasigariraho! Abapfakazi, Imfubyi bakanuye amaso imbere yanyu,namwe murya ibyacumi byabo babaha bagononwa.
    Kuko :WIGISHWA NABI,UKIZERA NABI,UKABAHO NABI, UKAYOBA ,UKAYOBYA N ABANDI.

    September 2018
  • chat_bubble Kamere

    Birababaje kubona Bible ibuza abagore kuyobora insengero,nyamara bakabikora kubera gushaka ifaranga.Ngaho nawe isomere iyi mirongo ibuza abagore kwigisha no kuyobora Insengero: 1 Timote 2:12 na 1 Abakorinto 14:34,35.
    Ku byerekeye Icyacumi,cyari kigenewe gusa Abalewi kubera impamvu dusoma muli Kubara 18:21-24.YESU yasabye Abakristu gukorera imana ku buntu.Bisome muli Matayo 10:8.Ndetse Pawulo aduha urugero rwo gukorera imana udasaba amafaranga,ahubwo ukabifatanya n’akazi gasanzwe.Bisome muli Ibyakozwe 20:33.Jyewe ubandikira,hamwe n’abo dusengena,twese tujya mu nzira tukabwiriza ku buntu nkuko Yesu yabigenzaga.Nta Pastor numwe duhura abwiriza.

    September 2018

Inzindi nkuru

Abayisilamu bizihije umunsi wa Aïd al-Adha bubahiriza amabwiriza yo kwirinda...

Abayisilamu bazindukiye mu muhango wo kwizihiza umunsi mukuru wa Aïd...
31 July 2020 Yasuwe: 751 1

Uko byari byifashe mu nsengero zitandukanye nyuma yo kuzikomorera...

Kuri iki cyumweru nibwo insengero zafunguwe ku mugaragaro nyuma y’amezi...
19 July 2020 Yasuwe: 4103 0

MINALOC yatangaje amabwiriza yo kwirinda COVID-19 azagenga insengero zigiye...

Minisiteri y’ubutegetsi bw’igihugu [MINALOC]yashyize hanze amabwiriza agomba...
18 July 2020 Yasuwe: 1394 0

Kuki itorero ry’Abahamya ba Yehova bazakomeza gufunga insengero? Ikiganiro...

Taliki ya 15 Nyakanga 2020 ni bwo inama y’Abaminisitiri idasanzwe yateranye...
18 July 2020 Yasuwe: 13855 8

MINALOC yashyizeho amabwiriza agomba gukurikizwa mu gihe insengero zizaba...

Kuwa 30 Kamena 2020, Minisiteri y’Ubutegetsi bw’Igihugu (Minaloc), yashyizeho...
2 July 2020 Yasuwe: 1507 0

Saudi Arabia yabujije abanyamahanga kuzajyayo mu mutambagiro...

Igihugu cya Arabia Saoudite cyategetse ko uyu mwaka nta banyamahanga...
23 June 2020 Yasuwe: 299 0