skol
startimes

Umukirisitu wo mu idini rya Zion Temple yatawe muri yombi nyuma yo gushaka gutwikira Apotre Paul Gitwaza mu rusengero

Ubuzima   Yanditswe na: Martin Munezero 18 July 2013 Yasuwe: 14156

Polisi y’u Rwanda mu karere ka Rwamagana icumbikiye umukirisitu wo mu idini Zion Temple ushinjwa kuba yashatse gutwika umukuru w’iryo dini Paul Gitwaza ku mugoroba wa tariki 17/07/2013 mu rusengero rwabo ruri mu murenge wa Kigabiro mu karere ka Rwamagana.


Uyu mukirisitu witwa Kamana Emmanuel yatawe muri yombi ku mugoroba wo kuwa 17/07/2013 afite akajerekani karimo lisansi ubwo yageragezaga kukinjirana mu rusengero Gitwaza yigishirizagamo aho mu karere ka Rwamagana.

Kamana Emmanuel yabwiye itangazamakuru ko umupasitoro witwa Kalisa yari yamutumye kugura lisansi y’amafaranga 3000 ngo ize kwifashishwa mu gihe umuriro waramuka ubuze kuko basengaga ku masaha y’umugoroba kandi umuriro ukunze kubura aho muri Rwamagana.

Kamana akomeza avuga ko ubwo yageragezaga kwinjira mu rusengero abari ku muryango bamutangiriye nawe akihagararaho ngo yinjire ashyikirize ubutumwa uwari wamutumye, impagarara zigatangira ubwo. Pasitoro Kalisa we ubwe yahakanye ko atigeze atuma uwo mukirisitu kugura lisansi.

Amakuru adafitiwe ibimenyetso yamenyekanye mu mujyi wa Rwamagana ku mugoroba yavugaga ko ngo uwo Kamana yari afite n’ikibiriti, ngo akaba yashakaga gutwika Paul Gitwaza bita intumwa y’Imana mu idini ya Zion Temple.

Kamana Emmanuel asanzwe ari umuririmbyi muri korali iririmba muri Zion Temple.

Abavuga ibi barabishingira ko kuva mu kwezi kwa Mata uyu mwaka muri iryo dini harangwa umwuka mubi watewe n’uko hari bamwe muri iryo dini bahimbye ibinyoma biharabika pasitoro Mulisa kandi ngo yari ayoboye abakirisitu neza, barafatanyije no kubaka urusengero rugezweho mu mujyi wa Rwamagana.

Ibyo bamwe bita ibinyoma ngo byaba byaratumye Paul Gitwaza yimura pasitoro Fred Mulisa ku buyobozi bw’urusengero rwa Rwamagana akahazana pasitoro Kalisa Innocent utarishimiwe na benshi mu bakirisitu.

I Rwamagana baravuga ko ku cyumweru gishize ubwo Gitwaza yavugiraga mu rusengero ko agiye kwimura pasitoro Mulisa akamusimbuza uwitwa Kalisa ngo abakirisitu basakuje cyane kandi bagaragaza ko batabyishimiye.

Paul Gitwaza nawe ngo yahavugiye amagambo atarashimishije bamwe mu batarashakaga ko pasitoro Mulisa yimurwa. Amaherezo ariko pasitoro Mulisa yaje kwimurirwa mu mujyi wa Kigali, asimburwa na pasitoro Kalisa Innocent.

Ku mugoroba washize rero ubwo Paul Gitwaza yigishaga muri urwo rusengero nanone ngo haba hari abatabyishimiye, bagakeka ko uwo Kamana yaba ari umwe muri bo washatse guhungabanya Paul Gitwaza cyangwa hakaba hari uwabimutumye mu bandi batabyishimiye.

Umuvugizi wa polisi y’u Rwanda mu Ntara y’Iburasirazuba akaba n’umugenzacyaha wa polisi Spt Emmanuel Karuranga yabwiye Kigali Today ko polisi y’u Rwanda iri gukora iperereza ryimbitse kuri icyo kibazo, ariko yirinze kugira amakuru atangaza ngo hemezwe niba uwo Kamana yari yatumwe lisansi, niba yari afite ikibiriti cyangwa niba polisi ifite ibindi bimenyetso.

Amakuru aturuka muri bamwe mu bashinzwe umutekano batifuje gutangaza amazina aravuga ko ikibazo cy’umutekano muke n’umwiryane mu bagize idini ya Zion Temple muri Rwamagana cyaganiriweho mu nama y’umutekano yabaye kuwa mbere tariki 15/07/2013.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Izere

    Inkurubya yo kuwa 17/07/2013 iratumarira iki?

    June 2019
  • chat_bubble hhg

    icyo kiriziya gaturika ibarusha, nta mu padiri ugira abakristo be, aho bamujyana hose ntakibazo bitera, nandi madini azabyigane, byarushaho kugabanya akajagari kari mumadini hanzaha. naho ibyo gutwika pastor byo simbyemeye neza hakorwe iperereza ryimbitse,wabona bashaka gusiga urubwa uwo mupastor bahakuye.

    June 2019
  • chat_bubble agaciro peace

    hhhh erega niyo mpamvu bayita amadini y’inzaduka: ngaho bamwe ngo ni abahanuzi, abandi ngo ni za apotres, abandi ngo bakiza indwara ariko bitewe n’amafaranga utanze, abandi ngo "bajya mu mwuka" aruko mutuye menshi, abandi ngo.... ubutekamutwe bwo kwirira iby’injiji nta kindi. Mwari mwumva padiri warwanye na musenyeri?

    June 2019
  • chat_bubble agaciro peace

    hhhh erega niyo mpamvu bayita amadini y’inzaduka: ngaho bamwe ngo ni abahanuzi, abandi ngo ni za apotres, abandi ngo bakiza indwara ariko bitewe n’amafaranga utanze, abandi ngo "bajya mu mwuka" aruko mutuye menshi, abandi ngo.... ubutekamutwe bwo kwirira iby’injiji nta kindi. Mwari mwumva padiri warwanye na musenyeri?

    June 2019
  • chat_bubble UWIMANA Aline

    Ko mbona iyi nkuru ari iya kera cyane?

    June 2019

Inzindi nkuru

RGB yatangaje Komite y’Inzibacyuho ya ADEPR iyobowe na Pasiteri Ndayizeye...

Urwego rw’Igihugu rw’Imiyoborere [RGB] yamaze gushyiraho abayobozi bashya...
8 October 2020 Yasuwe: 2271 1

Umukardinali wari ukomeye i Vatican yashinje Papa kumweguza ashingiye ku...

Umukardinali wari mu bakomeye i Vatican kwa Papa, Giovanni Angelo Becciu,...
26 September 2020 Yasuwe: 785 0

Papa yabatije impanga zo muri Centrafrique zavutse zifatanye...

Ibinyamakuru mu Butaliyani byatangaje inkuru y’impanga zavutse zifatanye...
12 August 2020 Yasuwe: 1487 0

Abayisilamu bizihije umunsi wa Aïd al-Adha bubahiriza amabwiriza yo kwirinda...

Abayisilamu bazindukiye mu muhango wo kwizihiza umunsi mukuru wa Aïd...
31 July 2020 Yasuwe: 775 1

Uko byari byifashe mu nsengero zitandukanye nyuma yo kuzikomorera...

Kuri iki cyumweru nibwo insengero zafunguwe ku mugaragaro nyuma y’amezi...
19 July 2020 Yasuwe: 4182 0

MINALOC yatangaje amabwiriza yo kwirinda COVID-19 azagenga insengero zigiye...

Minisiteri y’ubutegetsi bw’igihugu [MINALOC]yashyize hanze amabwiriza agomba...
18 July 2020 Yasuwe: 1425 0