Umwana wa Young Grace yakiriwe n’Intumwa y’Imana Sultan amurambikaho ibiganza anamwaturiraho amagambo y’umugisha[AMAFOTO]

Ubuzima   Yanditswe na: Martin Munezero 30 October 2019 Yasuwe: 2600

Umwana w’ imfura ya Young Grace yakiriwe n’Intumwa y’Imana Sultan Eric, amurambikaho ibiganza anamwaturiraho amagambo y’umugisha.



ku Cyumweru i Tariki 27 Ukwakira 2019 mu gikorwa cyo gusengera Diamante imfura ya Young Grace, cyakoze ku mutima umubyeyi wa Diamante usanzwe asengera muri River of Joy and Hope Ministries, amarira azenga mu maso.

Ubusanzwe igikorwa cyo gusengera umwana w’uruhinja, bakamuhesha umugisha ni ibintu bisanzwe mu matorero ya gikirisitu.

Uretse umuryango wa Young Grace wakozwe ku mutima n’iki gikorwa, n’Intumwa y’Imana Sultan Eric yagaragaje ko itorero rye ryanyuzwe no kunguka umukirisitu mushya no kumwakira bamuhesha umugisha.

Mu butumwa yanyujije ku rukuta rwe rwa Instagram, Prophet Sultan yashimagije ubwiza bw’umukobwa wa Young Grace, anamwaturiraho amagambo y’umugisha.

Yagize ati “Zaburi 127 : 3-5 ‘Erega abana ni impano itangwa n’Uhoraho, urubyaro ni byo bihembo atanga ! Abahungu umuntu abyara akiri umusore bagira akamaro, bamubera nk’imyambi intwari ifite ku rugamba. Hahirwa uwabyaye benshi, bamubera nk’imyambi yuzuye umutana. Bene uwo ntazatsindwa, ntazatsindwa naburanira n’abanzi be aho ibibazo bikemurirwa.’’ “Young Grace, umukobwa wawe Diamante ni mwiza bihebuje.’’

Young Grace asanzwe ari umukirisitu wo kwa Sultan, umwana we yageze ku Isi asanga yaramukoreye indirimbo yise ‘Diamante’. Sultan yashimagije ubwiza bwa Diamante, ashimangira ko Young Grace yabyaye umwana mwiza bidasanzwe.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble

    hahah mbega Bizi noneho ntuzaha umwana wawe umugisha ,abantu batanga umugisha uzasome Bible uzasobanukirwa,naho c papa niwe wabwiye inkotanyi gutera uri injiji iyo plan yari iriho kuva kera,none c uravuga ko noneho papa atera umwaku,warayobye

    1 month ago
  • chat_bubble BIZIMANA

    Mu byukuri,nta muntu numwe utanga imigisha.Keretse Imana yonyine.Uyu nta kindi ashaka uretse publicity kugirango yibonere abayoboke.Ndibuka muli 1990,ubwo Paapa Yohani Pawulo II yazaga mu Rwanda.Ageze ku kibuka k’indege I Kanombe,yasomye ubutaka,ubwo ngo aduhaye umugisha.Nyamara akimara kuva mu Rwanda,nibwo intambara yatangiye.Pastors bavuga ngo barasengera umuntu bamukureho Inyatsi n’Umwaku,biba ari imitwe gusa.Kuki se Pastor iyo ashatse imodoka abwira abayoboke be bakayigura?Kuki atiha umugisha ngo Imana imuhe imodoka?Ikibabaje nuko iyo umuyoboke we arwaye avuga ngo "reka ngusengere".

    1 month ago

Inzindi nkuru

Vuga ikintu cyemeza Imana yawe mu isegonda imwe-Rev.Nibintije

Soma 2 Ingoma 7:14 “ Abagize ubwoko bwanjye bitirirwa izina ryanjye...
2 December 2019 Yasuwe: 412 0

Intambwe umuntu ateye imwerekeza aho umutima we wifuza-Rev.Nibintije

Niba ugenda uzunguruka usa nukora uruziga uba wumva ko ntacyo urageraho....
28 November 2019 Yasuwe: 404 0

Bohokera kubabarira abandi-Rev.Nibintije

Soma Abaheburayo 10: 30 “ Uzi uwavuze ati” uguhora ni ukwanjye” Nijye...
26 November 2019 Yasuwe: 183 0

Soma aka baruwa kavuye ku mukunzi wawe-Rev.Nibintije

Nshuti y’ umusaraba, hari gihe kigera, buri wese akumva ubuzima bwe...
24 November 2019 Yasuwe: 764 0

Fata Umwanya wo gushimira Imana yahaye igihugu cyawe Umugisha-Rev.Nibintije

Soma Zaburi 33:12 “ Hahirwa ishyanga rifite Uhoraho ho Imana yaryo n’...
23 November 2019 Yasuwe: 208 1