Kigali
startimes

Abanyeshuri bambitswe ibikarito mu kizamini ngo badakopera

Ubuzima   Yanditswe na: Martin Munezero 20 October 2019 Yasuwe: 4990

Abategetsi b’ishuri rimwe mu Buhinde basabye imbabazi nyuma y’uko amafoto akwiriye henshi ku mbuga nkoranyambaga agaragaza abanyeshuri bambaye ibikarito mu mutwe bari mu kizamini.



Aya mafoto yafashwe abanyeshuri bari mu kizamini cy’ubutabire (chimie) ku ishuri ryisumbuye rya Bhagat riri ahitwa Haveri muri leta ya Karnataka mu majyepfo y’Ubuhinde.

Amafoto yerekana aba banyeshuri bambaye mu mutwe ibikarito bikaseho ku ruhande rumwe, mu buryo butuma batabasha guhindukira ngo barebe ku ruhande.

Abategeka iri shuri basabye imbabazi kubera ibi bintu.

MB Satish wo kuri iri shuri, yabwiye BBC ko batekereje gukoresha ubu buryo budasanzwe kugira ngo bahangane no gukopera mu bizamini.

Yavuze ko ishuri ryatekereje gukora ibi nko "kubigerageza" nyuma yo kumva ko hari n’ahandi mu gihugu babikora.

Yashimangiye ko abanyeshuri bemeye kwambara ibi bikarito ku mutwe kandi ari nabo ubwabo babizanye.

Agira ati: "Nta munyeshuri wahatiwe kubyambara. Nk’uko mubibona ku mafoto hari abatabyambaye".

Akomeza avuga ko bamwe babyambaye iminota 15, abandi 20 ndetse akemeza ko hashize isaha babategetse kubivanamo.

Hashize umwanya aya mafoto ari gukwirakwira, bivugwa ko ushinzwe uburezi muri aka gace yahise ajya kuri iri shuri kwirebera no kwihaniza abakoze.

SC Peerjade umuyobozi wungirije w’inama y’ubutegetsi y’iri shuri yavuze ko ibi bintu "bibangamye".

Ati: "Tumaze kubona ubutumwa bw’ibyabaye, nahise nsaba abayoboye ishuri kubihagarika ako kanya". Ni amagambo ye asubirwamo n’ikinyamakuru Time India.

Abategetsi kuri iri shuri bemeje ko iri gerageza ryabo bahise barihagarika bamaze kubisabwa n’inama y’ubutegetsi yaryo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble sezikeye

    Ibi byerekana uburyo millions and millions badatinya gukora amanyanga.Byerakana ko abantu batinya imana aribo bake.Tekereza abantu babeshya,abiba,abasambana,etc...Nyamara bose bakavuga ko bakunda Imana kandi bayitinya.Ndetse bakayisenga.Nubwo bimeze gutyo,abantu batinya Imana ni bake cyane.Impamvu batayitinya,nuko bumva ko ibyo bible ivuga nta gaciro bifite.Urugero,ntabwo batinya ko abatubaha Imana bose batazaba muli paradizo.Bumva ko ari ukubeshya.Nyamara nuko byatinze kuba.Muli Habakuk 2:3,Imana iravuga ngo "niyo byatinda,uzabitegereze,kubera ko bizaba nta kabuza".Abihangana bakumvira Imana,nibo bonyine bazahabwa ubuzima bw’iteka muli paradizo.

    October 2019

Inzindi nkuru

Umugore ufite amaguru maremare kurusha abandi bose ku isi yatangaje akaga...

Kubura imyenda imukwiriye,gusererezwa n’abantu ni bimwe mu babazo umugore...
8 July 2020 Yasuwe: 9150 0

Ipusi yarigase igisebe cya nyirayo imutera uburwayi bukomeye bwamuviriyemo...

Umukecuru w’imyaka 80 ukomoka mu gihugu cya Australia wari umaze iminsi 9...
8 July 2020 Yasuwe: 2076 0

Umugabo yambaye ijipo ngufi n’imisatsi y’abakobwa kugira ngo asambanye...

Umugabo witwa Mark Brown yafashwe amashusho na CCTV asohotse mu rugo rwe...
7 July 2020 Yasuwe: 6662 1

Umupolisikazi yarashe umugabo we amuziza ko yanze kumwitaba kuri...

Umupolisikazi wo mu gihugu cya Kenya yarashe umugabo we akoresheje imbunda...
7 July 2020 Yasuwe: 4348 0

Umugabo yakoreye isabukuru idasanzwe imbwa ye ayigurira umutsima n’inzoga...

Umugabo yaciyeibintu ku mbuga nkoranyambaga kubera ukuntu yakoreye ikirori...
7 July 2020 Yasuwe: 2724 0

Umugabo yafashe ku ngufu umukobwa we w’imyaka 3 ashinja Satani...

Umugabo w’imyaka 43 ukomoka mu gihugu cya Nigeria yatawe muri yombi azira...
6 July 2020 Yasuwe: 5767 1