Gasete ziriho indirimbo z’umuririmbyi w’umudiho wa reggae Bob Marley, zatoraguwe mu cyumba cyo mu kuzimu cya hoteli iherereye mu mujyi wa Londres mu Bwongereza aho zari zimaze imyaka 40.
Izi Gasete ni Orijinale yafatanywe ubuhanga buhanitse. Hariho indirimbo za Bob Marley. Bikekwa ko izi gasete zaba yarafashwe mu 1974 cyangwa mu 1977 kuko aribwo Bob Marley yakoreye ibitaramo mu mujyi wa Londres no mu mujyi wa Paris mu Bufaransa.
Izi gasete ziriho indirimbo nka No Woman No Cry, Jamming na (...)

Sponsored Ad

Gasete ziriho indirimbo z’umuririmbyi w’umudiho wa reggae Bob Marley, zatoraguwe mu cyumba cyo mu kuzimu cya hoteli iherereye mu mujyi wa Londres mu Bwongereza aho zari zimaze imyaka 40.

Izi Gasete ni Orijinale yafatanywe ubuhanga buhanitse. Hariho indirimbo za Bob Marley. Bikekwa ko izi gasete zaba yarafashwe mu 1974 cyangwa mu 1977 kuko aribwo Bob Marley yakoreye ibitaramo mu mujyi wa Londres no mu mujyi wa Paris mu Bufaransa.

Izi gasete ziriho indirimbo nka No Woman No Cry, Jamming na Exodus.

BBC dukesha iyi nkuru yanditseko bigoye kwiyumvisha ukuntu izi gasete zatoraguwe ziriki nzima kandi aho zatoraguwe hari amazi.

Bob Marley, yatabarutse mu 1981, iyo adapfa yari kuba yujuje imyaka 72 ku munsi wa mbere.

Izo gasete zatoraguwe muri hoteli ishaje i Kensal Rise, mu majyaruguru ashira uburengerazuba bwa Londres, aho Bob Marley n’itsinda Wailers bakoreye ibitaramo ubwo bazengurukaga mu mijyi itandukanye y’ Uburayi mu myaka y’ 1970.

Ubwo zabonekaga umuherwe akaba n’ umukunzi ukomeye wa Marley, Joe Gatt, yakuwe kuri telefoni n’umugenzi amubwira ko azitoraguye arimo kwimura ibikoresho.

Izi gasete zafatiwe mu bitaramo by’i Lyceum i Londres (1975), i Hammersmith Odeon (1976), i Rainbow, n’ i Londres (1977), ndetse no kuri Pavilion i Paris (1978).