Kigali
dnd

Imodoka z’akataraboneka 75 z’umuhungu wa Perezida wa Guinée-Équatoriale ziri gutezwa cyamunara mu Busuwisi[AMAFOTO]

Ubuzima   Yanditswe na: Martin Munezero 30 September 2019 Yasuwe: 4794

Imodoka z’akataraboneka, z’umuhungu wa Perezida wa Guinée-Équatoriale Teodorin Nguema Obiang, zafatiriwe ziri gutezwa cyamunara mu Busuwisi.



Izi modoka zafatiriwe n’abategetsi b’Ubusuwisi bijyanye n’iperereza kuri Teodorin Nguema Obiang.

Uyu ni nawe Visi-Perezida wa se Teodoro Obiang Nguema umaze imyaka 40 ku butegetsi. Imodoka 25 mu za Bwana Obiang ziri gutezwa cyamunara mu kibuga cy’umukino wa golf hafi y’umujyi wa Genève.

Byitezwe ko izo modoka zo bwoko butandukanye nka Lamborghinis, Ferraris, Bentleys na Rolls Royces zisarurwamo agera kuri miliyoni 18 z’amadolari y’Amerika.

Bivugwa ko amafaranga azava muri iyi cyamunara azahabwa umuryango ufasha wo muri Guinée-Équatoriale, aho ubukene bunuma.

Imodoka 75 zose ziri mu cyamunara cya Chéserex, mu Busuwisi, kuri kilometero 30 uvuye i Genève.

Bwana Obiang w’imyaka 51 y’amavuko, abonwa nk’utegurirwa kuzasimbura se ku butegetsi.

Yabaye umujyanama wa se ndetse aba na Minisitiri w’ubuhinzi, mbere yo kugirwa Visi-Perezida mu mwaka wa 2012.

Azwiho gukunda ibihenze cyane no kubaho mu buzima bw’iraha.

Abashinjacyaha bo mu Busuwisi bari barikumukoraho iperereza ku birego birimo gusesagura umutungo wa rubanda, ariko mu kwezi kwa kabiri uyu mwaka bahagaritse kumukurikirana.

Mu 2017, urukiko rwo mu Bufaransa rwamukatiye igihano gisubitse cyo gufungwa imyaka itatu kubera ruswa.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umusore yakoze amateka akomeye nyuma y’aho umuryango we utanze igitambo...

Umusore w’imyaka 18 witwa Van Beek yaciye ibintu mu binyamakuru no ku mbuga...
17 January 2020 Yasuwe: 7630 0

Umugabo wari umaze ibyumweru 3 abana n’ingona yabonetse ari muzima bitungura...

Umugabo witwa Milan Lemic w’imyaka 29 ukomoka mu gihugu cya Australia wari...
16 January 2020 Yasuwe: 9370 1

Miss watowe nk’ufite ikibuno cyiza ku isi yishushanyijeho isura ya Messi...

Nyampinga w’isi mu kugira ikibuno cyiza, Suzy Cortez,yaciye ibintu ku mbuga...
15 January 2020 Yasuwe: 9536 1

Pasiteri yafatiwe muri Hoteli amaze gukuramo ipantalo ngo asambanye umugore...

Umupasiteri wo mu gihugu cya Ghana yafatiwe mu cyuho muri Hoteli imwe muri...
14 January 2020 Yasuwe: 9858 1

Nyarugenge: Umugore yahindutse umugabo nyuma y’igihe arongowe

Mu mudugudu wa Muhoza,mu kagari ka Kivugiza mu murenge wa Nyamirambo mu...
14 January 2020 Yasuwe: 17073 2

Abayisilamu bafatiye ibihano wa mwigisha wabo washyingiranywe n’umugore...

Abayobozi ba Islam mu gace ka Kyampisi bafatiye ibihano Sheikh Mohammed...
13 January 2020 Yasuwe: 6476 0