Julio Ceaser Mora wavutse ku ya 10 Werurwe 1910 n’umugore we Waldramina Maclovia Quinteros, wavutse ku ya 15 Ukwakira 1915,bombi bakomoka mu gihugu cya Ecuador, bafite imyaka isaga ijana babayeho, bagizwe nk’abashakanye bakuze ku isi.

Sponsored Ad

Uyu musaza n’umukecuru bashakanye bahuye ubwo Reyes yasuraga mushiki we mukuru mu biruhuko by’ishuri. Cesar n’uwo bashakanye babanaga mu nyubako imwe. Mu 1941, imyaka irindwi mu mibanire yabo, bahisemo gushyingiranwa mu ibanga.

CNN ivuga ko bashyingiranywe ku ya 7 Gashyantare 1924, mu birori bya rwihishwa byitabiriwe n’inshuti magara kubera ko imiryango yabo itemeraga umubano wabo.

Ariko, uko imyaka yagiye ihita, imiryango yombi yatangiye kubana mugihe bombi baharaniraga kubahuriza hamwe.

Julio Ceaser Mora, ufite imyaka 110, n’umugore we Waldramina Maclovia Quinteros w’imyaka 105, bamaze imyaka 79 bashakanye, bityo bikaba bituma ari bo bombi bamaze imyaka myinshi bashakanye aho imyaka yabo bombi iteranyije kuri 215.

Aba bombi bakaba bemejwe na Guinness World Records nk’abashakanye bakuze ku isi.

Julio Ceaser Mora na Waldramina Maclovia Quinteros, bahoze ari abarimu bombi, babyaranye abana batanu, bose bakaba barabonye impamyabumenyi ya kaminuza, aho bavuga ko uburezi ari umusingi w’umuryango utera imbere.nBati:

Guteza imbere uburezi byadushoboje gushushanya inzira ibisekuruza byose by’imiryango yacu ikomeye.

Bafite abuzukuru 11, abuzukuruza 21 n’abuzukuruza 9. Bavuga ko umuryango wabo n’umubano wabo byateye imbere ku ndangagaciro zurukundo no kubahana.

Abashakanye bakuze cyane, umudamu yicaye afashe umugabo mu ikositimu, hamwe n’abana babo

Mu magambo yabo, bavuze ko ubumwe bw’umuryango mu rukundo, kubahana, kuba inyangamugayo n’uburere ari urufunguzo rwo kubana neza. Bagira bati:

Ubumwe mu muryango bugendera ku mategeko y’urukundo, kubahana, umurimo w’inyangamugayo no kwigisha neza bishingiye ku ndangagaciro z’umuryango ni urufunguzo rwo kubana neza. Urukundo no gukura twagize nk’abashakanye kuva twashyingiranwa byatumye tumenyana kandi dukurana amarangamutima kugira ngo tumenye ejo hazaza hacu.

Sky News yatangaje kuri iki Cyumweru gishize ko umwe mu buzukuru babo yatanze igitekerezo mu ntangiriro z’uyu mwaka ko uyu musaza n’uyu mukecuru bashakanye bashobora kuba aribo bantu bashakanye bakuru ku Isi. Aura Cecilia yahisemo kohereza inyandiko zabo muri Guinness World Records maze ahabwa igisubizo muri Kanama.

Yatangarije NBC News ko nubwo ababyeyi be bameze neza, babura ubumwe bw’imiryango batashoboye kubona kuva muri Werurwe uyu mwaka kubera icyorezo cya Covid-19.