Umugabo w’Umutaliyani yaciye ibintu hirya no hino ku isi nyuma yo kwanga kuguma mu rugo rwe ngo yihishe Coronavirus, kubera ko ngo umugore we afite ubukana burenze iki cyorezo,kimaze guhitana abarenga ibihumbi 3 muri iki gihugu.

Sponsored Ad

Nkuko amashusho y’ikiganiro uyu musaza yagiranye n’umunyamakuru, yakwirakwijwe hirya no hino yabitangaje,uyu mugabo ugeze mu za bukuru yabwiye abayobozi bo mu gace atuyemo ko atashobora kwirirwana mu rugo n’umugore we kuko ngo ari mubi kurusha icyorezo cya COVID-19.

Uyu musaza yasohotse hanze ahahurira n’ubuyobozi ndetse n’abanyamakuru bamubaza impamvu adashaka kuguma mu rugo rwe nkuko abantu bose babitegetswe,arangije ababwira ko atashobora kwirirwana n’umugore we ukaze kurusha Coronavirus.

Yagize ati “Sinshobora kuguma mu rugo,umugore wanjye ni mubi kurusha Coronavirus.”

Uyu mugabo utavuzwe amazina,yabwiye abanyamakuru ko umugore we ari mubi cyane ndetse ngo yahisemo gusohoka ngo icyorezo kimuhitane aho kwirirwana nawe.

Ubutaliyani nicyo gihugu cya mbere kimaze gushegeshwa na coronavirus nyuma y’Ubushinwa aho abagera ku 3400 bamaze gupfa.

Leta y’Ubutaliyani yategetse abantu bose kuguma mu mazu yabo kugeza igihe iki cyorezo kizabonerwa umuti cyane ko kiri gusya kitanzitse ku isi yose.