Umugore witwa Foxy Menagerie w’imyaka 42 ukomoka muri Leta ya Michigan muri USA yarahiriye gukomeza kwiyongeresha amabere ye yajuze bidasanzwe nubwo yari amuhitanye mu minsi ishize.

Sponsored Ad

Uyu mugore watangiye kwiyongeresha amabere mu mezi 6 ashize,yahuye n’uruva gusenya ubwo yahanukaga ku ngazi azize uburemere bwayo bwamuruhije imbaraga gusa Imana yakinze ukuboko.

Uyu mugore uherutse gutandukana n’umugabo yavuze ko adateze guhagarika kwiyongeresha amabere kugeza ubwo azaba Manini cyane birenze.

Yagize ati “Amabere yanjye aracyakura kuko yashyizwemo udutuma abyimba bidasanzwe.Ndashaka ko mu mi minsi mike yaba angana na sentimetero kibe ibihumbi 7000.Mpora mpangayikishijwe no kwibagisha kuko nkunda ibivamo.Ndishima cyane iyo maze kwibagisha kuko mpinduka umuntu mushya.”

Icyakora uyu mugore yavuze ko hari icyo amabere ye Manini amubuza gukora ati “Guteka negereye Imbabura ntabwo cyaba ari igitekerezo cyiza.Binsaba kumanika ukuguru kwanjye hejuru cyane kuko ntashobora kwihina ngo nambare inkweto.Nkunda kugwa cyane iyo ndi kumanuka ku ngazi ariyo mpamvu mfata cyane ku byuma.