skol
Kigali
startimes

Umugore warindaga ahororerwa inyamaswa yariwe n’ingagi yareze kuva ikivuka

Ubuzima   Yanditswe na: Dusingizimana Remy 28 September 2020 Yasuwe: 3820

Umugore warindaga icyanya cyabagamo inyamaswa mu mujyi wa Madrid muri Espagne yariwe n’ingagi yareze kuva ikivuka ubwo yarimo kwitegura kurya ibyokurya bya mu gitondo.


Uyu mugore yakomerekejwe bikomeye n’iyi nyamaswa yitwaga Malabo nyuma y’aho imenye urugi yarimo ihita itangira kumurya mu gitondo cyo kuri iki cyumweru gusa ntiyamwishe.

Iyi ngagi yatuye hasi uyu murinzi ndetse iramuruma bimuviramo kugira ibikomere byinshi yamu ku mutwe,mu gituza,ndetse amagufwa ye menshi aravunika by’umwihariko amaboko ye abiri.

Uyu mugore yahise ajyanwa igitaraganya mu bitaro by’I Madrid cyane ko yari amerewe nabi cyane.

Amakuru avuga ko iyi ngagi yari yasaze,yamenye imiryango 3 y’inzu hanyuma ihita isumira uyu mugore w’imyaka 46 itangira kumuzunguza imukubita hasi aravunika cyane.

Uyu mugore utavuzwe amazina yareze iyi nyamaswa kuva ivutse kugera ubu ariko yari igiye kumwica iyo hataba abarinzi bagenzi be ngo bayirukane bakoresheje za kizimyamoto.

Iyi ngagi Malabo yahise iraswa umuti wo kuyisinziriza kugira ngo aba barinzi babone uko bayikingirana aho yabaga.

Umuvugizi w’iki cyanya bororeramo inyamaswa witwa María José Luis yagize ati “Yamuzunguje ariko ntiyakoresheje imbaraga zose ifite cyane ko ifite ibiro bisaga 200.”

Iyi ngagi yarerewe muri iki kigo cyita ku nyamaswa kandi ngo yakundwaga cyane n’aba barinzi.

Polisi yakoze iperereza kuri iki kibazo cy’uyu murinzi yavuze ko ari impanuka isanzwe yo mu kazi gusa yifuriza uyu mugore watewe n’iyi ngagi gukira vuba.

Aba bapolisi bavuze ko iyi ngagi yateye uyu mugore wari umaze imyaka 19 muri aka kazi ko kurinda iyi zoo ejo saa yine za mu gitondo ndetse ngo bari gusuzuma impamvu yateye iyi ngagi kumena iyi miryango 3 ikinjira.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umusore watanze miliyoni 15 FRW ngo ase n’igipupe ari mu gahinda ko kubura...

Umusore witwa Honza Šimša ari mu gahinda kenshi ko kuba yarabuze umukobwa...
22 October 2020 Yasuwe: 6539 0

Myugariro w’umunya Brazil yavanwe mu kibuga igitaraganya kubera gukomereka...

Myugariro w’ikipe ya Flamengo yo mu gihugu cya Brazil witwa Gustavo...
20 October 2020 Yasuwe: 3240 0

Umugabo yakatiwe gufungwa imyaka itatu azira gusambanya inkoko

Umugabo w’imyaka 37 witwa Rehan Baig wo mu Bwongereza yakatiwe igifungo...
20 October 2020 Yasuwe: 2221 0

Umugabo yirashe by’impanuka igitsina ajyanwa kwa muganga igitaraganya

Umugabo ukomoka ahitwa Portland muri Jamaica yahuye n’uruva gusenya ubwo...
19 October 2020 Yasuwe: 2751 0

Bapfukishije imbuto inzitiramibu kugira ngo zitagwa mu rugo rw’umuturanyi...

Uko ibihe bigenda bihinduka niko n’abantu bakomeje kutadasangira ibyo Imana...
19 October 2020 Yasuwe: 8955 2

Umugabo wisize irangi ry’umukara akatamo kabiri ururimi rwe kugira ngo ase...

Umutaliyani witwa Nicolo Saverino, 27 ukomoka ahitwa Aprilia mu Butaliyani...
16 October 2020 Yasuwe: 11617 0