addresiya
Kigali
startimes

Urukiko rwabwiwe ko Umwongerezakazi yapfuye bitunguranye ari gutera akabariro n’umusore bari babonanye bwa mbere

Ubuzima   Yanditswe na: Dusingizimana Remy 19 November 2019 Yasuwe: 6481

Urukiko rukuru rwa Auckland muri New Zealand rwabwiwe ko Umwongerezakazi witwa Grace Millane wapfuye ari gukora imibonano mpuzabitsina, atishwe ahubwo yapfuye by’impanuka.



Grace Millane yapfuye mu ijoro ryo kuwa 01 Ukuboza mu mwaka ushize,bucya yizihiza isabukuru y’imyaka 22 y’amavuko, mu gihe yari mu ruzinduko mu mu mujyi wa Auckland, muri New Zealand.

Umugabo w’imyaka 27 ushinjwa urupfu rw’uyu mukobwa, izina rye ritatangajwe kubera impamvu z’umutekano, arahakana ibyo ashinjwa ko ariwe yamwishe.

Abamwunganira mu mategeko babwiye urukiko rukuru rwa Auckland ko uyu mukobwa Millane wakomokaga Essex mu Bwongereza, yapfuye bitunguranye abanje kuraba mu gihe yari muri iyo mibonano mpuzabitsina ko atari ubwicanyi yakorewe.

Urukiko rwabwiwe ko abo bantu babiri bamenyanye biciye ku rubuga nkoranyambaga rwo gushakiraho abakunzi rwitwa Tinder.

Grace Millane yarangije muri kaminuza ya Lincoln graduate ndetse yerekeje muri New Zealand guhura n’uyu musore ari wenyine.

Ron Mansfield uburanira uyu mugabo yabwiye abacamanza ati: "Niba aba bantu barahuje ibitsina biciye mu bwumvikane hanyuma bikagenda nabi, nta n’umwe ubishatse, ubwo s’ubwicanyi.Uko niko byagenze, nk’uko ushinjwa abivuga, muzasanga ariko byagenze.

Uyu mwunganizi yavuze ko umuntu adahita araba ngo apfe mu gihe hakozwe imibonano mpuzabitsina yumvikanweho gusa yemeje ko ngo igihe abantu batamenyeranye bateye akabariro banyoye inzoga nyinshi bishobora kuviramo umwe gupfa.

Uyu mugabo ushinjwa kwica Millane yemeye ko yahise ashyira umurambo we mu gikapu ajya kuwushyingura mu ibanga mu misozi y’ahitwa Waitākere, hanze y’umujyi wa Auckland.

Yabwiye polisi ko yabitewe n’ubwoba nyuma yo kubona uyu mukunzi we yapfuye.

Umwunganizi Mansfield yabwiye abacamanza ati: "Afite kuba yarakoze ibyo atatekerejeho,atinya ko nta n’umwe wari kwemera ibyo yari kuvuga".

Abaregwa bavuga ko nyakwigendera nta bikomere yari afite, uretse ibyo yagize mu gihe cy’imibonano mpuzabitsina, kandi n’abaturanyi ntacyo bigeze bumva cyerekana ko haba harabaye ubushyamirane hagati yabo.

Bwana Mansfield yongeraho y’uko nta bushake afite bwo gushaka gushinja cyangwa kwambika isura mbi nyakwigendera Millane.

Muganga Fintan Garavan wapimye Millane yavuze ko nta bikomere byerekana ko haba harabaye intambara hagati yabo.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ubuhinde: Inkende zateye ibitaro zitwara ibipimo by’abarwayi ba Coronavirus...

Mu gihugu cy’Ubuhinde haravugwa inkuru idasanzwe y’inkende zinjiye mu bitaro...
30 May 2020 Yasuwe: 2861 0

Umugabo yateye icyuma umuvandimwe we aramwica bapfuye amata

Mu gihugu cya Kenya haravugwa inkuru ibabaje y’abavandimwe 2 bicanye bapfa...
29 May 2020 Yasuwe: 3273 0

Umugabo wari ushaje kurusha abandi ku isi yapfuye, yahishuye ibanga ryo...

Bob Weighton w’ahitwa Hampshire mu Bwongereza niwe wari umugabo mukuru...
29 May 2020 Yasuwe: 2462 1

Musanze: Umusore yinjiye mu nzu agiye kwiba asohoka yihinduye umugore...

Umusore uri mu kigero cy’imyaka 24 y’amavuko ukomoka mu Murenge wa Nyange ho...
27 May 2020 Yasuwe: 7400 0

Ingona bivugwa ko yari iya Hitler yapfuye ku myaka 84

Ingona [Alligator] yitwa Saturn yavumbuwe I Berlin n’Abongereza nyuma...
24 May 2020 Yasuwe: 4677 0

Ingona ishaje yananiwe kurya umukobwa yafatiye mu mazi ari koga...

Mu gihugu cya Indonesia haravugwa inkuru y’ingona yacakiye umukobwa w’imyaka...
23 May 2020 Yasuwe: 7809 0