Kigali

Uyu mugabo yahamwe n’icyaha afungwa imyaka 39 kandi arengana none agiye guhabwa akayabo k’amamiliyoni y’impozamarira[AMAFOTO]

Ubuzima   Yanditswe na: Martin Munezero 25 February 2019 Yasuwe: 3881

Kuri iyi isi usanga hari abantu benshi barengana bagahanwa yewe bakanafungwa burundu kandi bagahamwa n’icyaha batakoze iyo hatabayeho ubugenzuzi bwimbitse ku bashinjacyaha,Craig Coley wo muri Leta ya California, imwe mu zigize Leta Zunze Ubumwe za Amerika (USA), agiye guhabwa indishyi ya miliyoni 21 z’amadolari nyuma yo gufungwa imyaka 39 azira ibyaha atigeze akora.



Amakuru aturuka kuri CNN avuga ko mu 1978 aribwo Coley kuri ubu ufite imyaka 71 yahamijwe kwica Rhonda Wicht n’umuhungu we Donald wari ufite imyaka ine.

Mu itangazo yashyize ahagaragara, Umuyobozi w’Umujyi wa Simi Valley, Eric Levitt, yavuze ko aribwo umuntu agizwe umwere muri California nyuma y’igihe kirekire afunzwe.

Ati “ Nubwo nta mafaranga wabona ashobora kugira ibyo ahindura ku byabaye kuri Coley, gukemura iki kibazo nicyo kintu gikwiye twakorera Coley n’umuryango wacu”.

Mu 2017 nibwo Jerry Brown wari Guverineri wa California yahaye imbabazi Coley wahoze mu ngabo zirwanira mu mazi, ndetse Urwego rushinzwe gutanga indishyi rumuha miliyoni ebyiri z’amadolari, aho yari yabariwe amadolari 140 kuri buri munsi mu minsi 13 991 yamaze afunzwe kandi arengana.

Nyuma y’aho ariko Coley yatanze ikirego, aho yemerewe miliyoni 21 z’amadolari arimo miliyoni 4.9$ azatangwa n’umujyi wa Simi Valley, andi akazatangwa n’ibigo by’ubwishingizi.

Uyu mugabo wari wahawe imbabazi yaje guhindurwa umwere nyuma y’uko abakora iperereza mu mujyi wa Simi Valley bavumbuye bimwe mu bizami by’amaraso (ADN) byakoreshejwe mu gucira urubanza Coley, mu 1980 urukiko rwari rwarategetse ko byangizwa.

Bavumbuye ko ikimenyetso gikomeye cyakoreshejwe mu guhamya Coley kwica bariya bantu babiri kiriho ADN y’abandi bantu, nyuma biza kwemezwa ko uwari ushinzwe iperereza kuri ibi byaha mu 1978 atabikoze uko bikwiye.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umugore yatawe muri yombi azira guhatiriza abana b’abahungu gukorakora...

Umugore witwa Precious Tembo ukomoka mu mujyi wa Twapia muri Ndola muri...
26 January 2020 Yasuwe: 2493 0

Umugabo yaciye ibintu kubera ikirori kidasanzwe yakoze cyo kwizihiza...

Umugabo wiyita Thando_Cu yaciye ibintu ku mbuga nkoranyambaga kubera...
26 January 2020 Yasuwe: 3788 0

Ihene yavutse ifite mu maso nk’ah’umuntu yatangiye gusengwa cyane...

Mu gihugu cy’Ubuhinde haravugwa inkuru y’ihene idasanzwe yavutse ifite umutwe...
26 January 2020 Yasuwe: 5388 0

Umwana w’imyaka 13 utwite inda y’umuhungu w’imyaka 10 yateje impaka ndende...

Mu mujyi wa Zheleznogorsk mu Burusiya haravugwa inkuru itangaje y’umwana...
23 January 2020 Yasuwe: 7985 1

Umugore yatawe muri yombi azira gukurura umugabo we igitsina agata...

Polisi yo mu gace kitwa Kapiri Mposhi mu gihugu cya Zambia yataye muri...
23 January 2020 Yasuwe: 6705 1

Umugabo yafatiwe mu iduka amaze guhisha imyenda yibye mu mwenda...

Umugabo ukomoka muri Nigeria wari wambaye neza yafatiwe mu iduka amaze...
23 January 2020 Yasuwe: 4837 0